Taarifa na maudhui 
unayoweza kuyaamini.

Hapa Google, tunalenga kusawazisha kati ya maelezo tunayotoa na kuwalinda watumiaji na jamii. Tunachukulia wajibu huu kwa uzito. Lengo letu ni kutoa ufikiaji wa taarifa na maudhui yanayoaminika kwa kuwalinda watumiaji dhidi ya hatari, kuwasilisha taarifa zinazoaminika na kushirikiana na wataalamu na mashirika ili kuimarisha zaidi usalama wa intaneti.

Kukulinda dhidi ya hatari Kuwasilisha taarifa za kuaminika Kushirikiana ili kukuza intaneti salama zaidi

Kukulinda dhidi ya hatari.

Tunaimarisha usalama wako na wa jamii kwa ujumla kwa kutumia mipangilio ya ulinzi wa hali ya juu ambayo haizuii tu, lakini pia inatambua na kushughulikia maudhui hatari na yanayokiuka sheria.

Kuzuia

Kuzuia matumizi mabaya

Ili kuimarisha usalama wa watumiaji dhidi ya maudhui mabaya, tunatumia mbinu za ulinzi zilizowezeshwa kwa AI. Gmail inazuia kiotomatiki takribani barua pepe taka milioni 10 kwenye vikasha kila dakika na huduma ya Tafuta ina zana za kuzuia kipengele cha Kukamilisha kiotomatiki kisipendekeze hoja zinazoweza kuwa hatari. Utambuzi wa kiotomatiki husaidia YouTube kuondoa maudhui hatari kwa ufanisi, ipasavyo na kwa kiwango kikubwa. Katika robo ya pili ya mwaka 2023, asilimia 93 ya video zilizoondolewa kwenye YouTube kwa kukiuka sera zilitambuliwa mara ya kwanza kiotomatiki. Tunatumia pia mbinu za usalama kwenye zana zetu za AI zalishi ili kupunguza hatari ya zana hizo kutumiwa kutayarisha maudhui hatari.

Pamoja na hayo, kila bidhaa yetu inasimamiwa na mkusanyiko wa sera zinazobainisha tabia na maudhui yanayokubalika na yasiyokubalika. Sera zetu zinaboreshwa na kusasishwa kila mara ili kushughulikia hatari zinazoibuka. Katika suala la utumiaji wetu wa AI, tunategemea pia Kanuni zetu za AI ili kuongoza mchakato wa utayarishaji wa bidhaa na kutusaidia kujaribu na kutathmini kila programu ya AI kabla ya kuzinduliwa.

Kutambua

Kutambua maudhui hatari

Kadiri mbinu za watendaji wabaya zinavyobadilika, ni lazima tujitahidi zaidi ili kutambua maudhui hatari yanayochapishwa kwenye bidhaa zetu. Zana za AI zinatusaidia kuimarisha utambuzi wa matumizi mabaya kwenye mifumo yetu. Viainishi vinavyowezeshwa na AI husaidia kuripoti kwa haraka maudhui ambayo huenda yakawa hatari ili yaondolewe au yaelekezwe kwa mhakiki mwanadamu. Mwaka 2022, utekelezaji wa kiotomatiki ulitusaidia kutambua na kuzuia zaidi ya matangazo milioni 51.2 yenye matamshi ya chuki, vurugu na madai hatari ya afya. Pamoja na hayo, Mifumo Mikubwa ya Lugha, ambayo ni aina muhimu ya AI, inaonyesha uwezekano wa kupunguza kwa kiasi kikubwa muda unaotumika kutambua na kutathmini maudhui hatari, hususani yanayotokana na hatari mpya na zinazoibuka.

Pia tunashirikiana na mashirika ya nje, ambayo huripoti maudhui wanayofikiria yanaweza kuwa hatari. Google na YouTube hupokea maoni kutoka kwa mamia ya Wapigaripoti Wanaopewa Kipaumbele, mashirika kutoka kote ulimwenguni yenye wataalamu wa maudhui na utamaduni ambao huelekeza maudhui kwetu ili tuyakague.

Kushughulikia

Kushughulikia ipasavyo

Tunategemea watu na teknolojia inayotumia AI kutathmini ukiukaji wa sera unaoweza kutokea na kushughulikia ipasavyo maudhui yanayoripotiwa. Maudhui yanapokiuka sera zetu, tunaweza kuyazuia, kuyaondoa, kukomesha uchumaji wa mapato au kuchukua hatua katika kiwango cha akaunti ili kupunguza matumizi mabaya katika siku zijazo.

Mwaka 2022, huduma ya Ramani za Google ilizuia au kuondoa zaidi ya vipande milioni 300 vya maudhui bandia, maoni milioni 115 yanayokiuka sera na majaribio milioni 20 ya kufungua Wasifu bandia wa Biashara. Katika robo ya pili ya mwaka 2023, YouTube iliondoa zaidi ya chaneli milioni 14 na video milioni 7 kwa kukiuka Mwongozo wetu wa Jumuiya.

Ili kutathmini muktadha na hali, huku tukipunguza hatari ya kuondoa maudhui kupita kiasi, tunategemea takribani wahakiki elfu 20 wa kitaalamu waliohitimu kufanya kazi katika majukumu mbalimbali ili kutekeleza sera zetu, kudhibiti maudhui na kutathmini maudhui yanayoripotiwa kwenye bidhaa na huduma za Google.

Ikiwa mtayarishi au mchapishaji anahisi tumefanya maamuzi yasiyo sahihi, anaweza kukata rufaa dhidi ya uamuzi wetu.

Kuwasilisha maelezo ya kutegemeka.

Tunahakikisha maudhui na maelezo yaliyo kwenye mifumo yetu yanaaminika kwa kutoa maelezo ya kutegemeka na zana bora zaidi zinazokuwezesha kutathmini maudhui kwa usahihi.

Jinsi tunavyopanga maelezo

Algoriti mahiri

Algoriti zetu zinazosasishwa mara kwa mara ni sehemu muhimu ya kila tunachofanya, iwe ni kwenye bidhaa kama vile Ramani za Google au Matokeo ya utafutaji. Algoriti hizi zinatumia Mifumo Mikubwa ya Lugha iliyoboreshwa na viashiria kama vile maneno muhimu au upya wa maudhui na tovuti ili uweze kupata matokeo muhimu na yanayofaa zaidi. Kwa mfano, YouTube huonyesha kwa udhahiri maudhui yenye ubora wa juu kutoka kwenye vyanzo vinavyoaminika katika vidirisha vya matokeo ya utafutaji, mapendekezo na maelezo ili kuwasaidia watu kupata habari na taarifa muhimu, sahihi na za wakati unaofaa.

Zana za kukusaidia kutathmini maudhui

Tumebuni vipengele kadhaa vya kukusaidia kuelewa na kutathmini maudhui ambayo algoriti na zana zetu za AI zalishi zimeangazia, ili kuhakikisha kwamba unaelewa zaidi kuhusu maudhui unayoyaona mtandaoni.

Kituo Changu cha Matangazo

Kituo Changu cha Matangazo huifanya iwe rahisi kudhibiti hali yako ya utumiaji wa matangazo ili uone chapa nyingi unazopenda na chache usizopenda.
Kuhakikisha ukweli kwenye huduma ya Tafuta na Google News

Kila siku Google huangazia makala huru yanayohakikisha ukweli mara milioni 6. Ukitumia zana za Google zilizoboreshwa za kuhakikisha ukweli wa matokeo na picha, unaweza kubaini vizuri zaidi maelezo ya kupotosha mtandaoni.
Kuhusu tokeo hili

Kipengele cha "Kuhusu tokeo hili" hutoa maelezo kuhusu tovuti ili kukusaidia kupata maelezo kuihusu kabla ya kuitembelea, ikiwa ni pamoja na maelezo yake, mara ya kwanza iliponakiliwa kwenye faharasa na kile ambacho wengine wanasema kuhusu chanzo na mada husika.
Zana ya Kuweka Alama Maalum ya SynthID

SynthID ni zana ya kuweka alama maalum na kubaini picha zilizotayarishwa kwa AI. Ni nyenzo ya kiufundi iliyo katika hatua za kwanza ambayo inaonekana kukabiliana ipasavyo na tatizo kubwa la maelezo ya kupotosha mtandaoni.
Pata maelezo zaidi
Kuhusu picha hii

Zana ya “Kuhusu picha hii” hukusaidia kutathmini hali ya kuaminika na muktadha wa picha unazoziona mtandaoni kwa kukupa maelezo kama vile wakati ambapo huenda picha ilionwa kwa mara ya kwanza na Google na jinsi vyanzo vingine vinavyoitumia na kuielezea.

Kudhibiti Maudhui kwa Uwajibikaji kwenye YouTube

YouTube imejitolea kukuza mfumo unaowajibika ambao unaweza kutegemewa na watazamaji, watayarishi na watangazaji katika jumuiya yetu.
Pata maelezo zaidi kuhusu mbinu zetu.

Kuondoa

Tunaondoa maudhui yanayokiuka sera zetu — kwa kutumia mseto wa watu na teknolojia.
Kukuza

Tunavipa kipaumbele vyanzo vinavyoaminika vya habari na taarifa na kuwapa muktadha watazamaji.
Kupunguza

Tunadhibiti maudhui kwa uwajibikaji kwa kupunguza uenezaji wa maudhui yanayokaribia kukiuka sera na maelezo hatari ya kupotosha.
Zawadi

Pia, tunawatuza watayarishi wanaoaminika kupitia Mpango wa Washirika wa YouTube (YPP), kwa kugawana mapato ya matangazo na vyanzo vingine mbalimbali vya mapato. Zaidi ya dola bilioni 50 zililipwa kwa watayarishi, wasanii na kampuni za maudhui katika miaka mitatu kabla ya mwezi Juni 2022 kupitia Mpango wa Washirika wa YouTube.

Kushirikiana kukuza intaneti salama zaidi.

Tunazidi kushirikiana, kuarifu na kuruhusu wataalamu na mashirika yafikie zana na teknolojia zetu.

Kubadilishana Maarifa

Kubadilishana maarifa ili kuimarisha usalama wako

Tunashirikiana na wataalamu kutoka mashirika ya kiraia, wanataaluma na serikali ili kushughulikia masuala ya kimataifa kama vile maelezo ya kupotosha, usalama wa matangazo, uadilifu katika uchaguzi, AI kwenye udhibiti wa maudhui na kupambana na unyanyasaji wa watoto mtandaoni. Pia, tunachapisha matokeo ya utafiti na kutoa seti za data kwa wasomi ili kuendeleza uchambuzi na uelewa wa suala hili.

Kwenye YouTube, tunawasiliana mara kwa mara na Kamati yetu huru ya Ushauri ya Vijana na Familia kuhusu masasisho ya bidhaa na sera, ikijumuisha Kanuni zetu za Kuwalinda Vijana, pamoja na mfululizo wa masasisho ya bidhaa yanayoangazia afya ya akili na siha ya vijana.

Kutumiana Viashiria

Kushirikiana na wataalamu ili kupambana na maudhui yanayokiuka sheria

Pia, tunashirikiana na washirika ili kufichua na kutuma viashiria vya wazi vya maudhui mabaya ili kuruhusu yaondolewe kwenye mfumo mpana. Kila mwaka, tunatuma mamilioni ya viwakilishi vya Maudhui yanayoonyesha unyanyasaji wa watoto kingono (CSAM) kwa Kituo cha Kitaifa cha Watoto Waliopotea na Wanaonyanyaswa. Pia, tunashiriki kwenye Project Lantern, mpango unaowezesha kampuni za teknolojia kutumiana viashiria katika njia salama na ya uwajibikaji. Pamoja na hayo, YouTube ilihusika katika kuanzisha Jukwaa la Mtandaoni la Kimataifa la Kukabili Ugaidi (GIFCT), ambalo huwaleta pamoja wadau kutoka sekta ya teknolojia, serikali, mashirika ya kiraia na wanataaluma ili kukabiliana na shughuli za magaidi na wanaosababisha vurugu za itikadi kali mtandaoni.

Kugawana Nyenzo

Kusaidia mashirika yanayojikita katika masuala ya usalama

Tunatoa usaidizi kwa mashirika kote ulimwenguni ambayo yanajikita katika masuala ya usalama wa mtandaoni na ufahamu kuhusu habari kupitia programu madhubuti zinazotoa mafunzo na nyenzo, kama vile Be Internet Awesome, Hit Pause kwenye YouTube na Google News Lab. Pia, Google na YouTube zilitangaza ruzuku ya dola milioni 13.2 kwa Mtandao wa Kimataifa wa Kuhakikisha Ukweli (IFCN) ili kusaidia mtandao wake wa mashirika 135 ya kuhakikisha ukweli. Kwa pamoja, ushirikiano wetu umewezesha zaidi ya wanahabari elfu 550 kupata ujuzi wa uthibitishaji wa kidijitali na tumewapa mafunzo wengine milioni 2.6 mtandaoni.

Rasilimali za Usalama wa Watoto

Tunawapa washirika kama vile Adobe na Reddit uwezo wa kufikia zana zetu, API ya Usalama wa Maudhui na CSAI Match, zinazowasaidia kuyapa kipaumbele Maudhui Yanayoonyesha Unyanyasaji wa Watoto Kingono (CSAM) ili yahakikiwe na binadamu. Zana hizi huwasaidia washirika wetu kuchakata zaidi ya vijisehemu bilioni nne vya maudhui kila mwezi, hali inayowawezesha kupambana vyema dhidi ya unyanyasaji wa watoto kingono mtandaoni.
Pata maelezo zaidi
API ya Kuvinjari Salama

API yetu ya Kuvinjari Salama huruhusu programu teja kukagua URL dhidi ya orodha zetu zinazosasishwa mara kwa mara za nyenzo za wavuti zisizo salama. Zana hii hulinda vifaa bilioni 5 kila siku kwa kuwatahadharisha watumiaji kuhusu tovuti zinazopangisha programu hasidi au programu zisizotakikana.
Pata maelezo zaidi
API za Ubora wa Maelezo

API zetu za ubora wa maelezo zinawawezesha wachapishaji na mifumo kupambana na maudhui hatari na yasiyofaa. Perspective API huchakata maoni bilioni 2 kwa siku, hali inayosaidia washirika zaidi ya 850 kudhibiti maoni yasiyofaa kila siku. The New York Times, Reddit na Wall Street Journal ni baadhi ya mashirika yanayotumia Perspective API ili kudhibiti maoni mabaya kwenye tovuti zao.
Vision API

Vision API husaidia wasanidi programu kubaini na kuondoa maudhui hatari kwa kuwaruhusu kujumuisha vipengele kama vile kuwekea picha lebo, uchanganuzi wa herufi wa kiotomatiki (OCR) na kuwekea lebo maudhui machafu kwenye programu zao. Kwa kutumia kiwango kidogo cha data ya mafunzo, Vision API inaweza kuainisha asilimia 80 ya picha.

GSEC DUBLIN

Kushughulikia suala la Uwajibikaji wa maudhui jijini Dublin

Kituo chetu cha Uhandisi wa Usalama kwenye Google cha Uwajibikaji wa Maudhui jijini Dublin ni kituo cha kikanda cha wataalamu wa Google wanaojitahidi kupambana na ueneaji wa maudhui hatari na yanayokiuka sheria. Pia, ni mahali ambapo tunaweza kuruhusu kazi hii ifikiwe na watunzi wa sera, watafiti na wadhibiti. Mtandao wetu wa Vituo vya Uhandisi wa Usalama kwenye Google unazipa timu zetu fursa, hamasa na usaidizi ili kubuni nyenzo mpya za kusaidia kuboresha usalama mtandaoni.

Hali salama zaidi inayofaa ya utumiaji wa intaneti — kimuundo.

Juhudi zetu za kutoa maudhui na maelezo ya kuaminika ni muhimu sana. Ili kuendana na changamoto mpya za kudhibiti maudhui, tutaendelea kuwekeza katika kubuni na kuboresha sera, bidhaa na michakato inayokusaidia kuondoa wasiwasi na kutengeneza hali salama zaidi ya utumiaji wa mtandao kwa wote.