എല്ലാവർക്കും
ഇന്റർനെറ്റ് സുരക്ഷിതമാക്കുന്നതിനായി
വ്യാവസായിക മാനദണ്ഡങ്ങൾ ഉയർത്തുന്നു.

നിങ്ങളുടെ Google അക്കൗണ്ടിൽ ഞങ്ങൾ നൽകുന്ന പരിരക്ഷകൾ, Google സൈൻ ഇൻ ഉപയോഗിച്ച് നിങ്ങൾ സൈൻ ഇൻ ചെയ്യുന്ന ആപ്പുകളിലേക്കും സൈറ്റുകളിലേക്കും ക്രോസ് അക്കൗണ്ട് പരിരക്ഷ വ്യാപിപ്പിക്കുന്നു. ആപ്പുകളും സൈറ്റുകളും ക്രോസ് അക്കൗണ്ട് പരിരക്ഷ വിന്യസിച്ചിട്ടുള്ളപ്പോൾ, നിങ്ങളെക്കൂടി പരിരക്ഷിക്കാൻ അവർക്ക് കഴിയുന്ന തരത്തിൽ, അക്കൗണ്ട് ഹൈജാക്ക് ചെയ്യൽ പോലുള്ള സുരക്ഷാ ഇവന്റുകളെ കുറിച്ച് അവർക്ക് വിവരങ്ങൾ നൽകാൻ ഞങ്ങൾക്കാകും. ഈ മുൻനിര സാങ്കേതികവിദ്യ വികസിപ്പിക്കുന്നതിന്, എല്ലാ ആപ്പുകൾക്കും നടപ്പാക്കുന്നത് എളുപ്പമാക്കാൻ ഞങ്ങൾ മറ്റ് പ്രധാന സാങ്കേതികവിദ്യാ കമ്പനികളുമായും മാനദണ്ഡങ്ങൾ നിശ്ചയിക്കുന്ന കമ്മ്യൂണിറ്റികളുമായും ചേർന്ന് പ്രവർത്തിച്ചു.

ഞങ്ങളുടെ സേവനങ്ങളിലെ അപകടസാധ്യതകൾ കണ്ടെത്തുന്ന സ്വതന്ത്ര ഗവേഷകർക്ക് പണം നൽകുന്ന അപകടസാധ്യതാ റിവാർഡ് പ്രോഗ്രാമുകൾ തുടങ്ങിയത് Google ആണ്. ഞങ്ങളുടെ ഉപഭോക്താക്കളെ സുരക്ഷിതരായി നിലനിർത്താൻ സഹായിക്കുന്ന നവീനമായ ബാഹ്യ സഹകരണങ്ങൾക്കെല്ലാം റിവാർഡ് നൽകുന്നതിന്, ഓരോ വർഷവും ഗവേഷണ ഗ്രാൻ്റുകളായും ബഗ് ബൗണ്ടികളായും ദശലക്ഷക്കണക്കിന് ഡോളർ ഞങ്ങൾ നൽകുന്നു. Chrome, Android എന്നിവയുൾപ്പെടെ ഞങ്ങളുടെ നിരവധി ഉൽപ്പന്നങ്ങൾക്ക് ഞങ്ങൾ നിലവിൽ അപകടസാധ്യതാ റിവാർഡുകൾ നൽകുന്നു.

സ്വതന്ത്ര ഗവേഷകരെ ഉൾപ്പെടുത്തുന്നതിന് പുറമെ, ഇൻ്റർനെറ്റിലുടനീളം ഉപയോഗിക്കുന്ന സോഫ്റ്റ്‌വെയറിലെ സുരക്ഷാ പാളിച്ചകൾ കണ്ടെത്തുന്നതിനും പരിഹരിക്കുന്നതിനുമായി Project Zero എന്ന പേരിൽ എഞ്ചിനീയർമാരുടെ ഒരു ആന്തരിക ടീമും ഞങ്ങൾക്കുണ്ട്.

സാധ്യമായ ഏറ്റവും ശക്തമായ സൈൻ ഇൻ, പരിശോധിച്ചുറപ്പിക്കൽ മാനദണ്ഡങ്ങൾ വെബ്ബിൽ സ്വീകരിക്കുന്നതിലോ ഉപയോക്താക്കളുടെ കൂടി സഹകരണത്തോടെ സൃഷ്ടിക്കുന്നതിലോ ഞങ്ങൾ എന്നും മുൻപന്തിയിലാണ്. കേന്ദ്രീകൃത വെബ് മാനദണ്ഡങ്ങൾ വികസിപ്പിക്കുന്നതിലൂടെ മേഖലയിലുടനീളം ഞങ്ങൾ സഹകരിക്കുകയും സാങ്കേതികവിദ്യ പങ്കിടുകയും ചെയ്യുന്നു. എല്ലാവർക്കും സുരക്ഷിതമായ അക്കൗണ്ട് ആക്സസ് ഉറപ്പാക്കുന്നതിലൂടെ, ഉപയോക്താക്കൾക്കും കമ്പനികൾക്കും അവയുടെ ജീവനക്കാർക്കും ഉപയോഗിക്കാൻ പുതിയ വ്യാവസായിക മാനദണ്ഡങ്ങൾ സജ്ജീകരിക്കുകയും വിന്യസിക്കുകയും ചെയ്യുക എന്നതായിരുന്നു FIDO Alliance എന്ന സന്നദ്ധ സംഘടനയുമായുള്ള അത്തരമൊരു പങ്കാളിത്തത്തിൻ്റെ ലക്ഷ്യം.

മറ്റുള്ളവർക്ക് മൂല്യവത്താകും എന്ന് കരുതുമ്പോഴെല്ലാം ഞങ്ങളുടെ സുരക്ഷാ സാങ്കേതികവിദ്യ ഞങ്ങൾ പങ്കിടുന്നു. ഉദാഹരണത്തിന്, ഡെലവപ്പർമാരുടെ വെബ് ആപ്പുകളിലെ സുരക്ഷാ സംബന്ധമായ അപകടസാധ്യതകൾ സ്കാൻ ചെയ്യാനും വിലയിരുത്താനും ഞങ്ങളുടെ Google Cloud വെബ് സുരക്ഷാ സ്കാനർ ഞങ്ങൾ അവർക്ക് സൗജന്യമായി ലഭ്യമാക്കുന്നു. ഞങ്ങളുടെ ഉപയോഗത്തിനായി വികസിപ്പിച്ചെടുത്ത ഒന്നിലധികം സുരക്ഷാ ടൂളുകൾ ഞങ്ങൾ മറ്റുള്ളവർക്ക് ഉപയോഗിക്കാൻ ഓപ്പൺ സോഴ്സ് പ്രോജക്റ്റുകളായി സംഭാവന ചെയ്തിട്ടുണ്ട്.

ഓൺലൈനിൽ സുരക്ഷിതരായി നിലനിൽക്കേണ്ടത് എങ്ങനെ എന്നറിയാൻ ലോകമെമ്പാടുമുള്ള ആളുകളെ സഹായിക്കുന്നതിന് ഞങ്ങൾ വിദ്യാഭ്യാസ സാമഗ്രികളും പരിശീലനവും ടൂളുകളും നൽകുന്നു. അദ്ധ്യാപകർ, വിദ്യാർത്ഥികൾ, രക്ഷിതാക്കൾ, പ്രായമായവർ, ഭിന്നശേഷികളുള്ള ആളുകൾ എന്നിവരുൾപ്പെടെ 100 ദശലക്ഷത്തിലധികം ആളുകളിലേക്ക് ഓൺലൈൻ സുരക്ഷാ വിഭവങ്ങളും പരിശീലനവുമായി ഞങ്ങളുടെ ഔട്ട്റീച്ച് ടീം ഓരോ വർഷവും എത്തുന്നു.

ഡിസ്ട്രിബ്യൂട്ടഡ് ഡിനയൽ ഓഫ് സർവീസ് (DDoS) ആക്രമണങ്ങളിൽ നിന്ന് വാർത്ത, മനുഷ്യാവകാശ സംഘടനകൾ, ഇലക്ഷൻ സൈറ്റുകൾ, രാഷ്ട്രീയ സംഘടനകൾ, ക്യാമ്പെയ്നുകൾ, സ്ഥാനാർത്ഥികൾ എന്നിവരെ പരിരക്ഷിക്കാൻ സഹായിക്കുന്നതിന് ഞങ്ങളുടെ സുരക്ഷാ സാങ്കേതികവിദ്യ ഉപയോഗിക്കുന്ന ഒരു സേവനമാണ് Project shield. അമിതമായി വ്യാജ ട്രാഫിക് സൃഷ്‌ടിക്കുന്നതിലൂടെ വെബ്‌സൈറ്റുകളുടെ പ്രവർത്തനം താറുമാറാക്കുകയും അതുവഴി ഉപയോക്താക്കൾക്ക് പ്രധാനപ്പെട്ട വിവരങ്ങൾ ലഭിക്കുന്നത് തടയുകയും ചെയ്യാനുള്ള ശ്രമങ്ങളാണ് ഇത്തരം ആക്രമണങ്ങൾ. വെബ്‌സൈറ്റിൻ്റെ വലുപ്പമോ ആക്രമണത്തിൻ്റെ കാഠിന്യമോ എത്രയാണെങ്കിലും, Project Shield എപ്പോഴും സൗജന്യമാണ്.

ആളുകൾക്ക് അവരുടെ ഡാറ്റ വെബ്ബിലുടനീളം നീക്കാനും പുതിയ ഓൺലൈൻ സേവന ദാതാക്കളെ എളുപ്പത്തിൽ പരീക്ഷിക്കാനും സഹായിക്കുന്നതിന് ഞങ്ങൾ ഒരു ഓപ്പൺ സോഴ്സ് ഡാറ്റാ പോർട്ടബിലിറ്റി പ്ലാറ്റ്‌ഫോം ലോഞ്ച് ചെയ്‌തു, Apple, Microsoft, Facebook, Twitter തുടങ്ങിയ കമ്പനികളുമായി സഹകരിച്ച് പ്രവർത്തിക്കുന്നത് തുടരുകയും ചെയ്യുന്നു.

സ്വകാര്യതാ സാൻഡ്ബോക്സ് പോലുള്ള സഹകരണ ഇടങ്ങൾ സൃഷ്ടിക്കാനും വെബ്ബിലുടനീളം സൗജന്യവും ആക്സസ് ചെയ്യാവുന്നതുമായ ഉള്ളടക്കത്തെ പിന്തുണയ്ക്കുമ്പോൾ തന്നെ ഉപയോക്തൃ സ്വകാര്യത പരിരക്ഷിക്കുന്ന പൊതുവായ ഒരു കൂട്ടം മാനദണ്ഡങ്ങൾ വികസിപ്പിക്കുന്നതിനായി വെബ് കമ്മ്യൂണിറ്റിയുമായി ചേർന്ന് പ്രവർത്തിക്കാനും ഞങ്ങൾ പ്രതിജ്ഞാബദ്ധരാണ്. ഞങ്ങളുടെ വിഭവങ്ങളും പ്ലാറ്റ്‌ഫോമുകളും പങ്കിടുന്നതിലൂടെ, കൂടുതൽ സ്വകാര്യതയുള്ള വെബ്ബിലേക്കുള്ള പുരോഗതി പ്രോത്സാഹിപ്പിക്കാനാകുമെന്ന് ഞങ്ങൾ പ്രതീക്ഷിക്കുന്നു.