Ons bou beskerming in by alles wat ons maak

Google-dienste word deurlopend deur een van die wêreld se mees gevorderde sekuriteitinfrastrukture beskerm. Hierdie ingeboude sekuriteit bespeur en voorkom aanlyn bedreigings sodat jy verseker kan wees dat jou persoonlike inligting veilig is.

Hou jou veiliger met sekuriteittegnologieë wat deurlopend opgedateer word

  • Enkripsie hou data privaat en veilig terwyl dit oorgedra word

    Enkripsie plaas ons dienste op 'n hoër vlak van sekuriteit en privaatheid. Wanneer jy 'n e-pos stuur, 'n video deel, 'n webwerf besoek of jou foto's berg, beweeg die data wat jy skep tussen jou toestel, Google-dienste en ons dienssentrums. Ons beskerm hierdie data met veelvuldige sekuriteitslae, insluitend die voorste enkripsietegnologie soos HTTPS en oordraglaagsekuriteit (TLS).

  • Ons wolkinfrastruktuur beskerm data dag en nag

    Ons bedryf een van die wêreld se veiligste en betroubaarste wolkinfrastrukture – van gepasmaakte datasentrums tot ondersese veselkabels wat data tussen vastelande oordra. En dit word deurlopend gemonitor om jou data te beskerm en dit beskikbaar te stel wanneer jy dit nodig het. Trouens, ons versprei data na veelvuldige datasentrums sodat dit in die geval van 'n brand of natuurlike ramp outomaties en sonder gesukkel na stabiele en veilige liggings verskuif kan word.

  • Gmail beskerm jou teen verdagte e-posse en waarsku jou oor risiko's

    Baie wanware- en uitvissingaanvalle begin met 'n e-pos. Gmail beskerm jou beter as enige ander e-posdiens teen strooipos, uitvissing en wanware. Met gebruik van masjienleer en kunsmatige intelligensie ontleed Gmail patrone in miljarde boodskappe om eienskappe te identifiseer van e-posse wat gebruikers as strooipos merk en gebruik dit daardie merkers dan om 99,9% van alle verdagte of gevaarlike e-posse te blokkeer voordat hulle jou bereik.

    Gmail bied ook ander beskerming, soos om opletberigte te stuur wanneer 'n potensieel gevaarlike e-pos deurkom, jou in staat te stel om self strooipos aan te gee vir verdagte e-posse, en vertroulikheidsmodus, wat jou boodskappe ná 'n gestelde tydperk laat verstryk en die opsie verwyder vir ontvangers om jou boodskap aan te stuur, te kopieer, af te laai of uit te druk.

  • Outomatiese Chrome-opdaterings beskerm jou teen wanware en misleidende werwe

    Sekuriteittegnologieë verander deurlopend en daarom maak Chrome gereeld seker dat die blaaier wat jy gebruik op datum is. Dit sluit in die jongste sekuriteitoplossings, beskerming teen wanware en misleidende werwe, en meer. Dit dateer ook outomaties op, wat beteken dis maklik om deur die jongste Chrome-sekuriteittegnologie beskerm te word.

  • Blokkeer misleidende en skadelike advertensies voordat hulle jou beïnvloed

    Jou sekuriteit en aanlyn ervaring kan geraak word deur advertensies wat wanware bevat, inhoud bedek wat jy probeer sien, vals goedere adverteer of ons advertensiebeleide andersins oortree. Ons neem hierdie probleem baie ernstig op. Ons blokkeer elke jaar miljarde slegte advertensies – gemiddeld 100 per sekonde – deur 'n kombinasie van regstreekse hersieners en gesofistikeerde sagtewareblokkerings. Ons gee ook vir jou nutsgoed om aanstootlike advertensies aan te gee en te beheer watter soorte advertensies jy sien. En ons publiseer ons insigte en beste praktyke aktief om te help om die internet vir almal veiliger te maak.

  • Ons gee nie aan regerings direkte toegang tot data nie

    Ons gee nooit in die geheim toegang tot gebruikerdata of ons bedieners wat gebruikerdata berg nie, punt. Dit beteken dat geen regeringentiteit – van die VSA of 'n ander land – direkte toegang tot ons gebruikers se inligting het nie. Ons kontroleer enige versoeke vir gebruikerdata wat ons ontvang, stuur dit terug as die versoek te breed is, en is openlik oor ons dataversoeke in ons Deursigtigheidverslag.

  • Hou jou Android-toestel, -programme en data veilig met Google Play Beskerming

    Google Play Beskerming is ingebou op jou Android-toestel en werk deurlopend agter die skerms om jou toestel, data en programme veilig te hou. Ons skandeer jou programme voor, gedurende en ná die aflaaiproses – ongeag waarvandaan jy hulle aflaai.

  • Gepersonaliseerde sekuriteitkennisgewings waarsku jou oor moontlike kwessies en help jou om veilig te bly

    Ons sal jou proaktief in kennis stel as ons iets bespeur wat ons dink jy behoort te weet, soos 'n verdagte aanmelding of 'n kwaadwillige webwerf, lêer of program, en sal leiding verskaf om jou te help om veiliger te bly. Byvoorbeeld, op Gmail sal ons jou waarsku voordat jy 'n aanhegsel aflaai wat jou sekuriteit kan bedreig of as iemand by 'n rekening aanmeld op 'n toestel wat nie met jou geassosieer word nie. Wanneer ons iets verdag in jou rekening bespeur, sal ons 'n kennisgewing na jou inkassie of foon stuur sodat jy jou rekening met een klik kan beskerm.

Kom meer te wete oor ons veiligheidswerk

Jou veiligheid

Ons beskerm jou aanlyn met sekuriteit wat die toon aangee in die bedryf.

Jou privaatheid

Ons bou privaatheid wat vir almal werk.

Vir gesinne

Ons help jou om te bestuur wat aanlyn reg is vir jou gesin.