Bou gesinsvriendelike ervarings

Ons bou spesiale kenmerke – soos slimfilters, werfblokkeerders en inhoudgraderings – by baie van ons produkte in om hulle aangenamer vir jou gesin te maak.

Soek inhoud en ervarings vir kinders

  • Ontdek 'n wêreld van leer en pret met YouTube vir Kinders

    Ons het YouTube vir Kinders geskep om 'n veiliger omgewing vir kinders reg oor die wêreld te bied waar hulle hul belangstellings deur aanlyn video's kan verken: Ons maak dit vir jou makliker om prettige gesinservarings deur 'n reeks ouerkontroles saam te stel:

    • Stel 'n afteller om limiete te plaas op die hoeveelheid tyd wat jou kinders kan bestee om video's te kyk.
    • Laat jou kinders toe om net versamelings van kanale te kyk wat deur vertroude derde partye of die YouTube vir Kinders-span gekies is.
    • Hou tred met wat jou kinders onlangs gekyk het in “Kyk Dit Weer”.
    • Skakel soek af vir 'n meer gekontroleerde ervaring van kanale wat deur die YouTube vir Kinders-span geverifieer is.
    • Blokkeer video's of kanale om nie in jou kinders se program te verskyn nie.
    • Vlag video's vir resensie as jy meen hulle behoort nie in die program te wees nie.

    Ons gebruik 'n mengsel van filters, gebruikerterugvoer en resenseerders om die video's in YouTube vir Kinders gesinsvriendelik te hou. Geen stelsel is egter perfek nie en onvanpaste video's kan deurglip. Ons werk daarom deurlopend daaraan om ons veiligheidsmaatreëls te verbeter en selfs meer ouerkontroles te bied.

  • Skep 'n verwelkomingsplek vir gesinne op Google Play

    Lees die resensies en kyk vir die gesinsterteken om te besluit wat vir jou kind reg is. Die sterteken dui aan dat die inhoud noukeuriger geresenseer is en dat dit ontwikkel is met kinders in gedagte. Dit sluit ook 'n voorgestelde ouderdomsperk vir die inhoud in.

    Kyk na die inhoudgraderings om 'n program se volwassenheid te verstaan en om op grond van daardie graderings filters te stel om te besluit wat reg is vir jou kind. As jy wil weet of 'n program advertensies of inprogram-aankope bevat, en of dit toesteltoestemmings vereis, kan jy die afdeling met bykomende inligting op die program se winkelblad raadpleeg.

  • Soek ervarings wat jy saam met jou gesin kan geniet deur Google Assistent te gebruik

    Jou Assistent het aktiwiteite om die hele gesin mee te vermaak – alles van hulp met gesinspeletjieaande tot die speel van stoeledans. Daar is tans meer as 50 speletjies, aktiwiteite en stories in die Assistent vir Gesinne-program. Elkeen van hierdie aktiwiteite is deur ons Vertroue en Veiligheid-span goedgekeur en daarom kan jy weet hulle is gesinsvriendelik.

Gee jou nutsgoed om jou gesin se ervaring aanlyn te bestuur

  • Blokkeer eksplisiete werwe op Google Search met Veiligsoek-filters

    Die Veiligsoek-instelling is ontwerp om eksplisiete prente, video's en webwerwe van Google Search-resultate af te blokkeer om pornografie en grafiese geweld te vermy. Dit is egter nie 'n perfekte nutsding nie en jy kan steeds eksplisiete resultate kry. In sulke gevalle kan jy dit rapporteer. Dié soort terugvoer help ons om die Veiligsoek-instelling beter te maak vir almal.

  • Blokkeer volwasse video's op YouTube met Beperk-modus

    Deur die instelling vir YouTube Beperk-modus aan te skakel, kan ons help om moontlik volwasse inhoud uit te sif wat jy nie wil hê jou tieners moet sien nie. Ons outomatiese stelsel filtreer video's uit waarvoor ons span kontroleerders ouderdomsbeperkings gestel het, en dit kyk ook na tekens soos die video's se metadata, titel en die taal wat in die video gebruik word. Wanneer Beperk-modus geaktiveer is, sal jy nie opmerkings kan sien by die video's wat jy kyk nie om enige ongewenste gesprekke te vermy.

  • Stel toestel-onderbrekings en blokkeer onvanpaste inhoud met Google Wifi

    Google Wifi help jou om te verseker dat jou kinders gepaste inhoud sien. Om die slegte goed te help vermy, bied Google gevorderde werfblokkering wat outomaties miljoene eksplisiete webwerwe, soos werwe met pornografie of grafiese geweld, op jou kinders se toestelle blokkeer. Jy kan ook 'n Wi-Fi-onderbreking tydens 'n belangrike oomblik soos huiswerktyd, buitelugtyd of slaaptyd skeduleer. Deur die etikette-kenmerk te gebruik wat saam met Google Wifi kom, kan jy selfs verskillende filters en onderbrekings vir elke toestel op jou netwerk toepas.

Gee vir studente en opvoeders hulpmiddels vir veiliger aanlyn onderrig

  • Bou sekuriteit in by G Suite for Education

    G Suite for Education help onderwysers en studente om veilig oor alle toestelle heen te wisselwerk. Daar is geen advertensies in G Suite for Education se kerndienste nie. Ons gebruik ook nie enige persoonlike inligting van G Suite for Education-gebruikers in laer- en hoërskole (K-12-skole in die VSA) om advertensies te teiken nie. Ons verskaf nutsgoed om administrateurs te help om beleide ten opsigte van gepaste aktiwiteite op te stel en om studente te beskerm wanneer hulle hul skool-Google-rekeninge gebruik. Ons is verbind daartoe om nutsgoed en hulpbronne vir skole te verskaf om hulle te help om ingeligte besluite te neem ten opsigte van G Suite for Education-dienste wat deur hul studente gebruik word.

  • Maak seker dat Chromebooks veilig vir die klaskamer is

    Miljoene studente gebruik Chromebooks – Google se skootrekenaars – in die klaskamer. Ons stel administrateurs in staat om groepinstellings te bestuur om sodoende aan kinders so veel of so min as moontlik funksies of toegang te gee as wat die skool kies om te gee. Ons privaatheid- en sekuriteit-kenmerke help om kinders se persoonlike data te beskerm en het die afgelope vier jaar gehelp om Chromebooks die topkeuse in die VSA se K-12-skole en baie skole in ander lande te maak.

Kom meer te wete oor ons veiligheidswerk

Jou veiligheid

Ons beskerm jou aanlyn met sekuriteit wat die toon aangee in die bedryf.

Jou privaatheid

Ons bou privaatheid wat vir almal werk.

Vir gesinne

Ons help jou om te bestuur wat aanlyn reg is vir jou gesin.