Maak dit maklik om te verstaan watter data ons insamel en hoekom

Wanneer jy Google-dienste gebruik, vertrou jy ons met jou data. Dit is ons verantwoordelikheid om deursigtig te wees oor die data wat ons insamel en hoe ons dit gebruik om ons dienste beter vir jou te laat werk.

Wees deursigtig oor die data wat ons gebruik

  • Inligting wat ons insamel terwyl jy ons dienste gebruik

    Wanneer jy ons dienste gebruik – byvoorbeeld, 'n soektog op Google doen, rigtingaanwysings op Maps kry, of 'n video op YouTube kyk – samel ons data in om hierdie dienste beter vir jou te laat werk. Dit kan insluit:

    • Dinge waarna jy soek
    • Video's wat jy kyk
    • Advertensies wat jy kyk of klik
    • Jou ligging
    • Webwerwe wat jy besoek
    • Programme, blaaiers en toestelle wat jy gebruik om toegang tot Google-dienste te kry
  • Inligting wat jy skep of aan ons verskaf

    Wanneer jy vir 'n Google-rekening aansluit, verskaf jy persoonlike inligting aan ons. As jy aangemeld is, samel ons inligting in wat jy skep wanneer jy ons dienste gebruik, en beskerm dit. Dit kan insluit:

    • Jou naam, geboortedatum en geslag
    • Jou wagwoord en foonnommer
    • E-posse wat jy in Gmail skryf en ontvang
    • Foto's en video's wat jy stoor
    • Dokumente, Blaaie en Skyfies wat jy op Drive skep
    • Opmerkings wat jy op YouTube maak
    • Kontakte wat jy byvoeg
    • Kalendergeleenthede

Gebruik data om Google-dienste nuttiger vir jou te maak

  • Hoe Google Maps jou help om vinniger by plekke te kom

    Wanneer jy die Google Maps-program gebruik, stuur jou foon brokkies data oor jou ligging anoniem terug na Google toe. Dit word met data van mense rondom jou saamgevoeg om verkeerspatrone te herken. Byvoorbeeld, Maps kan agterkom wanneer baie voertuie stadig in dieselfde straat beweeg en jou laat weet dat daar druk verkeer is. Wanneer dit dus weer gebeur dat Maps jou oor 'n ongeluk waarsku en jou na 'n vinniger roete toe lei, is die kortpad te danke aan data van jou medebestuurdersaf.

  • Hoe Google jou soektogte outovoltooi

    Jy weet mos wanneer jy na iets soek en 'n tikfout maak – maar op die een of ander manier weet Google in elk geval wat jy bedoel het? Ons spellingkorrigeringmodel gebruik data van mense wat vantevore dieselfde fout gemaak het om dit vir jou te korrigeer. Dit is hoe ons weet dat wanneer jy “Barsalona” tik, jy waarskynlik “Barcelona” bedoel.

    Jou soekgeskiedenis kan Google ook help om jou soektogte te outovoltooi. Byvoorbeeld, as jy vantevore na “Barcelona-vlugte” gesoek het, kan ons dit in die soekkassie voorstel selfs nog voordat jy dit klaar getik het. Of as jy 'n aanhanger van 'n sokkerspan is en gereeld “Barcelona-tellings” soek, kan ons dit dadelik voorstel.

  • Hoe YouTube video's kry wat jy wil kyk

    YouTube beveel video's aan waarvan jy dalk sal hou op grond van dit wat jy voorheen gekyk het en wat ander mense met 'n soortgelyke kykgeskiedenis voorheen gekyk het. Ons kry ook aanduidings van wat gewild is op grond van wat almal kyk. Dit help ons om video's in 'n verskeidenheid van genres voor te stel – soos die voorste musieksnitte, hoe-om-handleidings en nuus – waaruit jy kan kies.

  • Hoe Chrome-outovul vorms vir jou invul

    Elke keer as jy aanlyn 'n aankoop doen of vir 'n rekening aansluit, gebruik jy tyd om vorms met jou persoonlike inligting in te vul. Wanneer jy Chrome gebruik, kan ons dinge soos jou naam, adres, foonnommer, e-posadres en betaalinligting stoor sodat ons hierdie vorms vir jou kan outovoltooi. Jy kan altyd spesifieke outovulvelde wysig of hierdie instelling heeltemal deaktiveer.

  • Hoe Google Search jou help om jou eie inligting te kry

    Google Search kan nuttige inligting in Gmail, Google Foto's, Kalender en meer gaan haal en dit in jou private soekresultate wys sodat jy nie self daarvoor hoef te gaan rondkrap nie. Soek eenvoudig na dinge soos “my tandartsafspraak,” “wys vir my my strandfoto's” en “waar is my hotelbespreking”. Solank jy aangemeld is, sal ons hierdie inligting in ander Google-dienste gaan haal en dit in net een stap vir jou gee.

  • Hoe jou Google Assistent jou kan help om dinge gedoen te kry

    Jou Assistent is altyd gereed om te help, of jy nou by die huis of aan die beweeg is. Wanneer jy jou Assistent 'n vraag vra of dit aansê om iets te doen, gebruik dit data van ander Google-dienste af om vir jou te kry wat jy nodig het. Byvoorbeeld, as jy vra "Watter koffiewinkels is in die omtrek?" of "Gaan ek môre 'n sambreel nodig hê?" gebruik jou Assistent inligting van Maps en Search af, asook jou ligging, belangstellings en voorkeure om vir jou die mees relevante antwoord te gee. Jy kan altyd die My Aktiwiteit-nutsding in jou Google-rekening besoek om data te bekyk en uit te vee wat uit interaksies met jou Assistent ingesamel word.

Bou produkte met jou privaatheid in gedagte

  • Privaatheidsoorsig is 'n sleutelstap in ons produkontwikkeling

    Ons maak vir die bekendstelling van enige nuwe produk op ons interne privaatheidspan en 'n omvattende oorsigproses staat. Ons is op elke vlak van produkontwikkeling daartoe verbind om privaatheid 'n sleuteloorweging te maak – van die ontwerp tot die produkbestuur. Dit help om seker te maak dat mense die Google-produkte wat hulle elke dag geniet, kan vertrou.

Kom meer te wete oor ons veiligheidswerk

Jou veiligheid

Ons beskerm jou aanlyn met sekuriteit wat die toon aangee in die bedryf.

Jou privaatheid

Ons bou privaatheid wat vir almal werk.

Vir gesinne

Ons help jou om te bestuur wat aanlyn reg is vir jou gesin.