Ons verkoop nie jou persoonlike inligting aan enigiemand nie

Ons gebruik data om vir jou relevante advertensies in Google-produkte, op vennootwebwerwe en in mobiele programme te lewer. Terwyl hierdie advertensies help om ons dienste te finansier en vir almal gratis te maak, is jou persoonlike inligting nie te koop nie. Ons bied ook vir jou kragtige advertensie-instellings sodat jy beter kan beheer watter advertensies jy sien.

Verstaan hoe Google-advertensies werk

  • Ons gebruik data om advertensies relevanter en nuttiger vir jou te maak

    Ons gebruik data om ons dienste nuttiger te maak en relevante advertensies te wys, wat help om dienste vir almal gratis te maak. Ons kan data gebruik wat insluit jou soektogte en ligging, webwerwe en programme wat jy gebruik het, video's en advertensies wat jy gesien het, en basiese inligting wat jy vir ons gegee het, soos jou ouderdomsgroep en geslag, sonder om jou persoonlik teenoor adverteerders of ander derde partye te identifiseer.

    Afhangend van jou Advertensie-instellings en of jy aangemeld is, speel hierdie data 'n rol in die advertensies wat jy sien oral op jou toestelle en op werwe wat met ons saamwerk om advertensies te wys. As jy dus 'n reiswebwerf op jou rekenaar by die werk besoek, sal jy dalk later die aand op jou foon ander advertensies wat deur Google bedien word vir vliegkaartjies na Parys sien.

  • Adverteerders betaal ons om advertensies te plaas

    Ons wil deursigtig wees oor hoe ons geld maak met advertensies, sowel in ons dienste en op werwe en programme wat met ons saamwerk. Vir sommige soorte advertensies betaal adverteerders ons net vir die plasing van daardie advertensies, en vir ander soorte betaal hulle ons vir hoe daardie advertensies in werklikheid vaar. Dit kan insluit elke keer wat iemand 'n advertensie kyk of daarop tik of iets doen, soos om 'n program af te laai of 'n versoekvorm in te vul.

  • Ons wys vir adverteerders hoe goed hul veldtogte gewerk het

    Ons gee vir adverteerders data oor hoe hul advertensies vaar, maar ons doen dit sonder om enige van jou persoonlike inligting bekend te maak. Ons hou jou persoonlike inligting deurentyd beskermd en privaat wanneer ons vir jou advertensies wys.

Gee jou beheer oor jou Google-advertensie-ervaring

  • Beheer watter inligting Google gebruik om vir jou gepersonaliseerde advertensies te wys

    In Advertensie-instellings maak ons dit maklik om te beheer watter data ons gebruik om advertensies vir jou te personaliseer. Dit sluit inligting in wat jy by jou Google-rekening gevoeg het, wat ons vanweë jou aktiwiteit oor jou belangstellings geraai het, en interaksies met ander adverteerders wat met ons saamwerk om advertensies te wys.

    Jou aktiwiteit beïnvloed wat ons vir jou wys, maar jy is altyd in beheer. Byvoorbeeld, ons dink dalk jy is 'n sokkeraanhanger omdat jy op YouTube na hoogtepunte van 'n onlangse wedstryd gekyk het, of op Google Search na “sokkervelde in my omgewing” gesoek het. En as jy tyd op 'n vennootadverteerder se werf deurgebring het, kan ons op grond van daardie besoek advertensies voorstel.

    Wanneer advertensiepersonalisering aan is, kan jy enige inligting kies – ouderdom en geslag, 'n afgeleide belangstelling of 'n vorige interaksie met 'n adverteerder – meer te wete kom oor hoekom dit gebruik word, dit afskakel, of gepersonaliseerde advertensies heeltemal deaktiveer. Jy sal steeds advertensies sien, maar hulle sal heel waarskynlik minder relevant wees.

  • Sien watter data ons gebruik om vir jou advertensies te wys

    Ons wil jou help om die data wat ons gebruik om vir jou advertensies te wys, beter te verstaan. “Hoekom dié advertensie?” is 'n kenmerk wat jou help om uit te vind hoekom jy 'n bepaalde advertensie sien. Byvoorbeeld, jy sien dalk 'n advertensie van 'n kamera omdat jy vroeër na kameras gesoek het, fotografiewebwerwe besoek het, of advertensies vir kameras geklik het. Of as jy 'n advertensie van 'n restaurant sien, vind jy dalk uit dat dit as gevolg van jou ligging of jou aktiwiteit in 'n mobiele program is. Hierdie soort data help ons om vir jou advertensies te wys van dinge wat dalk vir jou nuttig sal wees. Onthou egter dat ons nooit enige van hierdie persoonlike inligting met adverteerders deel nie.

    Jy kan toegang tot hierdie kenmerk kry deur 'n inligtingikoon in ons dienste, soos Search, YouTube, Gmail, Play en Inkopies. Vir die meeste advertensies wat jy sien op vennootwerwe of in programme wat ons dienste gebruik, kan jy deur 'n soortgelyke ikoon na “Hoekom dié advertensie?” toe gaan.

  • Verwyder advertensies wat jy nie wil sien nie

    Jy kan baie van die advertensies wat ons deur ons vennootwebwerwe en -programme deel sommer net daar verwyder wanneer jy hulle sien. Jy kan advertensies wat jy nie meer relevant vind nie, verwyder deur die X in die hoek van die advertensie te kies. Byvoorbeeld, motoradvertensies kon nuttig gewees het toe jy 'n nuwe motor wou gekoop het, maar as jy eers lekker in jou nuwe voertuig rondrits, wil jy waarskynlik nie meer advertensies van Google af sien vir die motor wat jy sopas gekoop het nie.

    As jy aangemeld is – en afhangend van jou Advertensie-instellings – sal hierdie beheer oral op jou aangemelde toestelle toegepas word op webwerwe en programme wat met ons saamwerk. Jy het ook die opsie om opspringeradvertensies in Chrome en die meeste ander blaaiers af te skakel.

  • Skakel advertensies vanaf spesifieke adverteerders af

    Jy het beheer oor jou advertensie-ervaring, sowel in Google-produkte as op die internet. Soms wys adverteerders vir jou advertensies wanneer jy hul werwe besoek het en hulle jou aanmoedig om terug te kom – soos wanneer jy 'n advertensie sien vir die skoene waarna jy vroeër gekyk het. As jy hulle om enige rede nie meer wil sien nie, kan jy daardie advertensies afskakel wat van 'n sekere adverteerder af kom wat jou uit Search, YouTube en Gmail oral op ons Google-eiendomme volg. Hierdie instelling is ook van toepassing op advertensies wat jy op die internet sien op werwe en programme wat met ons saamwerk om advertensies te wys.

    Terwyl jy aangemeld is en in jou Advertensie-instellings is, kan jy ook advertensies vanaf spesifieke adverteerders afskakel in Google-dienste wat advertensies wys.

Gebruik data om advertensies vir jou nuttiger te maak

  • Soekadvertensies gebruik jou aktiwiteit om meer persoonlik relevant te wees

    Wanneer jy Google Search gebruik, kan advertensies saam met relevante soekresultate verskyn. Hierdie advertensies word meestal gegrond op jou ligging en die soektog wat jy sopas gedoen het. As jy byvoorbeeld na “fietse” soek, sal jy dalk advertensies sien van fietse wat naby jou te koop is.

    In ander gevalle gebruik ons bykomende data, soos vorige soektogte of werwe wat jy besoek het, om te help om nuttiger advertensies te lewer. Omdat jy reeds na “fietse” gesoek het , sal jy as jy nou “vakansies” soek, dalk Search-advertensies sien vir plekke waar jy kan fietsry terwyl jy met vakansie is.

  • Gmail-advertensies word op jou aktiwiteit gegrond

    Die advertensies wat jy in Gmail sien, is gegrond op data wat met jou Google-rekening geassosieer word. Byvoorbeeld, jou aktiwiteit in ander Google-dienste, soos YouTube of Search, kan beïnvloed watter soort advertensies jy in Gmail sien. Google gebruik nie sleutelwoorde of boodskappe in jou inkassie om vir jou advertensies te wys nie. Niemand lees jou e-pos om vir jou advertensies te wys nie.

  • Google Play-advertensies help jou om programme te ontdek waarvan jy dalk sal hou

    Jy kan miljoene programme van Google en ander ontwikkelaars af in ons Google Play Winkel kry. Wanneer jy op 'n Android-toestel blaai, kan advertensies verskyn op grond van jou soekterme, programme wat jy geïnstalleer of gebruik het, of 'n program soortgelyk aan die program wat jy besig is om te gebruik. Byvoorbeeld, as jy na “reisprogramme” soek, sal jy dalk 'n advertensie vir 'n reisbeplanningprogram sien.

  • YouTube-advertensies gebruik jou soek- en kykaktiwiteit om relevanter te wees

    Wanneer jy video's op YouTube kyk, sal jy dalk advertensies voor die tyd op die videobladsy of as soortgelyke video's op die tuisblad sien. Advertensies kan gegrond word op data soos die video's wat jy gekyk het, dinge of plekke waarna jy gesoek het, of programme wat jy gebruik.

    Byvoorbeeld, as jy na “tuisversiering” soek of selfdoenvideo's kyk, sal jy dalk 'n advertensie vir 'n huisverbeteringreeks sien. Hierdie advertensies help om die skeppers van die video's wat jy kyk, te ondersteun.

    Jy kan baie van die YouTube-advertensies oorslaan as jy hulle nie wil kyk nie, of jy kan op YouTube Premium inteken om YouTube sonder advertensies te geniet.

  • Inkopies-advertensies help jou om te kry waarna jy soek

    Wanneer jy op Google Search na 'n produk soek, wys ons soms Inkopies-advertensies saam met relevante soekresultate. Besighede wat produkte verkoop, gebruik Inkopies-advertensies om dit vir jou maklik te maak om te kry waarna jy soek en om dit aanlyn of in 'n winkel in jou omgewing te koop. Hierdie advertensies word gegrond op die produk waarna jy sopas gesoek het, jou ligging en aanlyn winkels waardeur jy vroeër geblaai het.

    Byvoorbeeld, as jy na “leesrusbank” soek, sal jy dalk advertensies sien met foto's, pryse en winkelliggings vir leerrusbanke wat by meubelwinkels in jou omgewing te koop is.

  • Vennootwebwerwe en -programme gebruik jou aanlyn aktiwiteit om advertensies te skep wat vir jou nuttiger is

    Baie webwerwe en mobiele programme werk met ons saam om advertensies te wys. Wanneer ons advertensies op hierdie vennote se werwe en programme wys, word hulle gegrond op wat jy besig is om te lees of te kyk, "gehoortipes" op grond van persoonlike inligting wat ons gebruikers met ons deel, en data wat ons oor jou aanlyn aktiwiteite insamel: byvoorbeeld "vroue tussen 35 en 44 wat in reis belangstel".

    Ons kan ook vir jou advertensies wys op grond van werwe wat jy besoek het of jou Chrome-blaaieraktiwiteit wanneer jy by jou Google-rekening aangemeld is. Byvoorbeeld, jy kan 'n advertensie sien van daardie stapskoene wat jy by jou aanlyn inkopiemandjie gevoeg het maar besluit het om nie te koop nie. Ons doen dit egter sonder om enige persoonlike inligting, soos jou naam, e-posadres en faktureringinligting, bekend te maak.

Kom meer te wete oor ons veiligheidswerk

Jou veiligheid

Ons beskerm jou aanlyn met sekuriteit wat die toon aangee in die bedryf.

Jou privaatheid

Ons bou privaatheid wat vir almal werk.

Vir gesinne

Ons help jou om te bestuur wat aanlyn reg is vir jou gesin.