Bly veilig in die aanlyn wêreld

Google se Lena Rohou is verantwoordelik vir die Duitse Google Digitale Werksentrum-program, wie se reeks aanbiedings opleidingvideo's oor datasekuriteit insluit

Me. Rohou, kennis oor dataprivaatheid en datasekuriteit is net so belangrik vir privaat individue as vir maatskappye. Watter opleidingkursusse bied julle in hierdie omgewing aan?

By Google Digitale Werksentrum bied ons opleiding in digitale vaardighede aan mense wat hul eie loopbaan wil bevorder of hul maatskappy wil help groei. Kursusonderwerpe wissel van die basiese beginsels van digitale bemarking tot hoe om produktiwiteit by die werk te verhoog. In ons kursusse oor dataprivaatheid en datasekuriteit verduidelik ons tweedeel-stawing – die rekeningaanmeldproses met twee stappe. Ons verduidelik ook wat uitvissing is en hoe jy jouself daarteen kan beskerm. Besigheidseienaars kan Digitale Werksentrum-kursusse bywoon om te leer hoe om HTTPS by webwerwe te integreer.

Hoe word die kursusse aangebied?

Al ons kursusse is gratis – of jy by 'n kursus in een van ons liggings in München, Hamburg of Berlyn aansluit, of Digitale Werksentrum se aanlyn platform gebruik. Die kursusse by die persele duur ongeveer twee uur en een van die voordele is dat hulle jou die geleentheid gee om met ander deelnemers te praat en interessante nuwe kontakte te ontmoet.

Watter nuwe vaardighede leer die deelnemers?

Niemand word natuurlik 'n kenner ná slegs twee uur nie. Maar dis genoeg tyd om die basiese beginsels te verstaan en 'n goeie idee te kry van hoe jy veiliger in die digitale wêreld kan bly, privaat sowel as professioneel.

Registreer nou en sluit aan

Google Digitale Werksentrum bied gratis kursusse om jou vir die digitale era voor te berei. Bevorder jou persoonlike of professionele ontwikkeling, hetsy by een van die kursuspersele of in jou eie huis.

Besoek zukunftswerkstatt.de vir kursusse in Duitsland

Besoek learndigital.withgoogle.com/digitalgarage vir kursusse in die Verenigde Koninkryk

Besoek learndigital.withgoogle.com/digitaltraining vir kursusse in Italië

Besoek learndigital.withgoogle.com/ateliersnumeriques vir kursusse in Frankryk

Besoek learndigital.withgoogle.com/activatunegocio vir kursusse in Spanje

Besoek learndigital.withgoogle.com/digitalewerkplaats vir kursusse in Nederland

Foto's: Eva Häberle