ನಿಮ್ಮ ಎಲ್ಲಾ ಆನ್‌ಲೈನ್ ಖಾತೆಗಳಿಗೆ ಸೈನ್ ಇನ್ ಮಾಡುವ ಸುರಕ್ಷಿತ ವಿಧಾನ.

ನೀವು ಅಂದುಕೊಂಡಿರುವುದಕ್ಕಿಂತ ಹೆಚ್ಚು ಸಾಮಾನ್ಯವಾಗಿ ಪಾಸ್‌ವರ್ಡ್‌ಗಳು ಅಪಾಯಕ್ಕೀಡಾಗುತ್ತವೆ. ಒಂದು ಹೆಚ್ಚುವರಿ ಪ್ರಕಾರದ ಪ್ರಮಾಣೀಕರಣವನ್ನು ಹೊಂದಿಸುವುದು ನಿಮ್ಮ ಖಾತೆಯನ್ನು ರಕ್ಷಿಸುವ ಅತ್ಯುತ್ತಮ ವಿಧಾನಗಳಲ್ಲಿ ಒಂದಾಗಿದೆ. 2-ಹಂತದ ಪರಿಶೀಲನೆಯು ನಿಮ್ಮ ಪಾಸ್‌ವರ್ಡ್ ಅನ್ನು ನಮೂದಿಸಿದ ನಂತರ ಎರಡನೇ ಹಂತದ ಸುರಕ್ಷತೆಯನ್ನು ಒದಗಿಸುವ ಮೂಲಕ, ನಿಮ್ಮ ಖಾತೆಗೆ ಪ್ರವೇಶ ಹೊಂದಿರಬಾರದ ಯಾವುದೇ ವ್ಯಕ್ತಿಯನ್ನು ಹೊರಗಿಡಲು ಸಹಾಯ ಮಾಡುತ್ತದೆ.

ನಿಮ್ಮ ಆನ್‌ಲೈನ್ ಖಾತೆಗಳಿಗೆ ಸೈನ್ ಇನ್ ಮಾಡುವಾಗ ನಿಮ್ಮ ಪೋನ್‌ನಂತಹ ಭೌತಿಕ ಸ್ವರೂಪದ ಪ್ರಮಾಣೀಕರಣವನ್ನು ಬಳಸುವುದು, ಸುಲಭವಾಗಿ ಅಪಾಯಕ್ಕೀಡಾಗಬಹುದಾದ ಪಾಸ್‌ವರ್ಡ್‌ಗಿಂತ ತುಂಬಾ ಹೆಚ್ಚು ಸುರಕ್ಷಿತ ಎಂದು ಸಾಬೀತಾಗಿದೆ. ಇದೇ ಕಾರಣದಿಂದ, ಪ್ರಮಾಣೀಕರಣದ ಪರ್ಯಾಯ ಮೋಡ್‌ಗಳನ್ನು ಸುಧಾರಿಸುವುದಕ್ಕಾಗಿ ನಾವು ಮಾಡುತ್ತಿರುವುದಕ್ಕಿಂತ ಹೆಚ್ಚಿನ ಪ್ರಯತ್ನವನ್ನು ಯಾರೂ ಮಾಡುತ್ತಿಲ್ಲ. Google ಪ್ರಾಂಪ್ಟ್ ಸಹಾಯದಿಂದ ಒಂದು ಸರಳ ಟ್ಯಾಪ್‌ನಿಂದ ನಿಮ್ಮ ಖಾತೆಯನ್ನು ಪ್ರಮಾಣೀಕರಿಸಬಹುದು.

ಪ್ರಮಾಣೀಕರಣ ಪ್ರಕ್ರಿಯೆಯನ್ನು ಪಾಸ್‌ವರ್ಡ್‌ಗಿಂತ ಇನ್ನಷ್ಟು ಹೆಚ್ಚು ಅನುಕೂಲಕರ ಮತ್ತು ಸುರಕ್ಷಿತವಾಗಿಸಲು ನಾವು ಸಾಧನಗಳಲ್ಲಿ ಸುಧಾರಿತ ಭದ್ರತಾ ತಂತ್ರಜ್ಞಾನಗಳನ್ನು ಅಳವಡಿಸುತ್ತಿದ್ದೇವೆ – ಉದಾಹರಣೆಗೆ Android ನಲ್ಲಿನ ಭದ್ರತೆ ಕೀಗಳು ಮತ್ತು iOS ನಲ್ಲಿನ Google Smart Lock ಆ್ಯಪ್. ಶೀಘ್ರದಲ್ಲೇ, ತಮ್ಮ ಖಾತೆಗಳಲ್ಲಿ ಮರುಪ್ರಾಪ್ತಿ ಫೋನ್ ಸಂಖ್ಯೆ ಅಥವಾ ಇಮೇಲ್ ಅನ್ನು ಹೊಂದಿರುವ ಬಳಕೆದಾರರನ್ನು 2-ಹಂತದ ಪರಿಶೀಲನೆಗೆ ಸ್ವಯಂಚಾಲಿತವಾಗಿ ನೋಂದಣಿ ಮಾಡಿಕೊಳ್ಳುವ ಪ್ರಕ್ರಿಯೆಯನ್ನು ನಾವು ಪ್ರಾರಂಭಿಸುತ್ತೇವೆ. ನಿಮ್ಮ ಖಾತೆಯನ್ನು ಭದ್ರತಾ ಪರಿಶೀಲನೆಯ ಮೂಲಕ ಪರಿಶೀಲಿಸಿ.