எங்கள் தனியுரிமை மற்றும் பாதுகாப்புக் கோட்பாடுகள்

அனைவரும் இலவசமாக அணுகக்கூடிய தயாரிப்புகளையும் சேவைகளையும் உருவாக்கும்போது அவர்களுக்கு ஏற்ற வகையில் தனியுரிமை அம்சங்களைக் கட்டமைக்கும் பொறுப்பும் சேர்ந்தே வருகிறது. தொழில்நுட்பச் செயல்முறைகளும் தனியுரிமைத் தேவைகளும் வளர்ந்து வரும் சூழலில் இதுவும் மிகவும் முக்கியமானதாகும். பயனர்களின் தரவைப் பாதுகாப்பதில் எங்கள் தயாரிப்புகளையும், செயல்முறைகளையும் பணியாளர்களையும் வழிநடத்த இந்தக் கோட்பாடுகளையே சார்ந்திருக்கிறோம்.

  1. 1. பயனர்களை மதிக்க வேண்டும். அவர்களின் தனியுரிமையை மதிக்க வேண்டும்.

    இந்தக் கோட்பாடுகள் ஒன்றுக்கொன்று தொடர்புடையவை என்பதால், இவற்றில் ஒன்றைக் கைக்கொண்டு மற்றொன்றைக் கைக்கொள்ளாமல் இருக்க முடியாது. முதல் நாளிலிருந்து நாங்கள் மேற்கொண்டு வருபவற்றில் இருந்து, இனி மேற்கொள்ளவிருக்கும் எல்லாவற்றிலும் இவற்றை மையமாக வைத்தே செயல்படுவோம். எங்கள் தயாரிப்புகளைப் பயன்படுத்தும் போது, பயனர்கள் எங்களை நம்பி தங்களது தகவலை வழங்குகின்றனர், அவர்களது நம்பிக்கைக்கு ஏற்ப செயல்படுவது எங்கள் பொறுப்பாகும். நாங்கள் எந்த வகையான தரவைப் பயன்படுத்துகிறோம், அதை எப்படிப் பயன்படுத்துகிறோம், அதை எப்படிப் பாதுகாக்கிறோம் என்பதை எப்போதும் கருத்தில்கொண்டு செயல்படுவதே இதன் அர்த்தமாகும்.

  2. 2. எந்த வகையான தகவலைச் சேகரிக்கிறோம் என்றும் எதற்காகச் சேகரிக்கிறோம் என்றும் தெளிவாக எடுத்துக்கூற வேண்டும்.

    Google தயாரிப்புகளை எப்படிப் பயன்படுத்தலாம் என்பதைப் பற்றிய தெளிவான முடிவுகளைப் போதிய தகவல்களின் துணையுடன் எடுக்கப் பயனர்களுக்கு உதவும் வகையில், நாங்கள் எந்த வகையான தரவைச் சேகரிக்கிறோம், அதை எப்படிப் பயன்படுத்துகிறோம், எதற்காகப் பயன்படுத்துகிறோம் என்பது தொடர்பான தகவல்களை எளிதாகப் புரிந்துகொள்ளும் வகையில் அமைத்துள்ளோம். வெளிப்படையாகச் செயல்படுவது என்பது இவற்றை எளிதில் கிடைக்கக்கூடியதாகவும், புரிந்துகொள்ளக்கூடியதாகவும், பயன்படுத்தக்கூடியதாகவும் அமைப்பதே ஆகும்.

  3. 3. பயனர்களின் தனிப்பட்ட தகவலை யாருக்கும் விற்கக்கூடாது.

    தேடல்', 'வரைபடம்' போன்ற Google தயாரிப்புகளை மேலும் பயனுள்ளதாக்க நாங்கள் பயனர் தரவைப் பயன்படுத்துகிறோம். மேலும், பயனருக்குத் தொடர்புடைய விளம்பரங்களைக் காட்டுவதற்காகவும் தரவைப் பயன்படுத்துகிறோம். இந்த விளம்பரங்கள் எங்கள் சேவைகள் இயங்குவதற்கான நிதியை ஈட்டித் தருவதுடன், அவற்றை அனைவரும் இலவசமாகப் பயன்படுத்திக் கொள்ளவும் உதவுகின்றன. ஆனால், பயனர்களின் தனிப்பட்ட தகவல்கள் ஒருபோதும் விற்பனைக்கானவை அல்ல.

  4. 4. பயனர்கள் தங்கள் தனியுரிமையை அம்சங்களை நிர்வகிப்பதை எளிதாக்க வேண்டும்.

    ஒரே தனியுரிமை அம்சம் அனைவருக்கும் பொருந்தாது என்பதை நாங்கள் அறிவோம். ஒவ்வொரு Google கணக்கும் இயக்கக்கூடிய/முடக்கக்கூடிய தரவுக் கட்டுப்பாடுகளுடனே உருவாக்கப்படுகின்றன, இதனால் எங்கள் பயனர்கள் அவர்களுக்கேற்ற தனியுரிமை அமைப்புகளைத் தேர்வுசெய்ய முடியும். தொழில்நுட்பம் வளர்ச்சியடையும் போது, தனியுரிமைக் கட்டுப்பாடுகளும் வளர்ச்சியடைகின்றன. தனியுரிமை என்பது எப்போதும் பயனரின் தனிப்பட்ட விருப்பத்தேர்வாக இருப்பதை இது உறுதிசெய்கிறது.

  5. 5. தரவை மதிப்பாய்வு செய்யும், நகர்த்தும் அல்லது நீக்கும் அதிகாரத்தைப் பயனருக்கு வழங்க வேண்டும்.

    எங்களுடன் பயனர்கள் பகிர்ந்துள்ள தனிப்பட்ட தகவலை அவர்களால் எந்த நேரத்திலும் எந்தக் காரணத்திற்காகவும் அணுக முடிய வேண்டும் என விரும்புகிறோம். எனவேதான், பயனர்கள் தங்களது தரவை அணுகி, மதிப்பாய்வு செய்வதையும், தரவைப் பதிவிறக்கி, விரும்பினால் அதை மற்றொரு சேவைக்கு நகர்த்துவதையும் அல்லது அதை முழுமையாக நீக்குவதையும் எளிதாக்குவதைத் தொடர்கிறோம்.

  6. 6. உள்ளதிலேயே வலுவான பாதுகாப்புத் தொழில்நுட்பங்களை எங்கள் தயாரிப்புகளில் கட்டமைக்க வேண்டும்.

    எங்கள் பயனர்களின் தனியுரிமைக்கு மதிப்பளிப்பது என்பது எங்களை நம்பி அவர்கள் வழங்கும் தரவைப் பாதுகாப்பதாகும். எங்கள் பயனர்களுக்கு ஒவ்வொரு Google தயாரிப்பையும் சேவையையும் பாதுகாப்பாக வைத்திருக்க, உலகின் மிகவும் மேம்பட்ட பாதுகாப்பு உட்கட்டமைப்புகளை வடிவமைத்து, பயன்படுத்துகிறோம். பெருகிவரும் ஆன்லைன் அச்சுறுத்தல்கள் எங்கள் பயனர்களைச் சென்றடைவதற்கு முன்னர், அவற்றைக் கண்டறிந்து, பயனர்களை அவற்றிலிருந்து பாதுகாக்க, எங்கள் உள்ளமைந்த பாதுகாப்புத் தொழில்நுட்பங்களைத் தொடர்ந்து வலுப்படுத்துவதே இதன் அர்த்தமாகும்.

  7. 7. அனைவருக்குமான ஆன்லைன் பாதுகாப்பை மேம்படுத்துவதற்கு ஒரு முன்னணி உதாரணமாகத் திகழ வேண்டும்.

    பயனர்களை ஆன்லைனில் பாதுகாப்பாக வைத்திருப்பது Googleளுடன் நின்றுவிடுவதில்லை, அது முழு இணையத்திற்கும் பொருந்தும். நாம் இப்போது பயன்படுத்தும் பல பாதுகாப்புத் தரநிலைகளை முதலில் உருவாக்கிய நிறுவனம் Google ஆகும். மேலும், அனைவரும் பயன்படுத்தக்கூடிய புதிய பாதுகாப்புத் தொழில்நுட்பங்களையும் நாங்கள் தொடர்ந்து உருவாக்கி வருகிறோம். இணையம் முழுவதற்கும் பாதுகாப்பை வழங்க, அனைத்துத் தரப்பினரும் இணைந்து செயல்படுவது அவசியம் என்பதால் பாதுகாப்பு தொடர்பான எங்கள் புரிதல்களையும், அனுபவங்களையும், கருவிகளையும் உலகம் முழுவதும் உள்ள கூட்டாளர்கள், நிறுவனங்கள் மற்றும் போட்டியாளர்களுடன் பகிர்கிறோம்.

எங்களின் பாதுகாப்பு முயற்சிகளைப் பற்றி மேலும் அறிக

உங்கள் பாதுகாப்பு

தொழில்துறையின் சிறந்த பாதுகாப்பைப் பயன்படுத்தி, ஆன்லைனில் உங்களைப் பாதுகாக்கிறோம்.

உங்கள் தனியுரிமை

அனைவருக்கும் ஏற்ற தனியுரிமையைக் கட்டமைக்கிறோம்.

குடும்பங்களுக்கானது

ஆன்லைனில் உங்கள் குடும்பத்திற்கு ஏற்றவற்றை நிர்வகிக்க உங்களுக்கு உதவுவோம்.