இணையம் முழுவதும் பாதுகாப்பை வலுப்படுத்தும் வகையில் ஒன்றிணைந்து செயல்படுதல்

உலகம் முழுவதும் உள்ள கூட்டாளர்கள், போட்டியாளர்கள் மற்றும் நிறுவனங்களுடன் Google நிறுவனம் பாதுகாப்பு தொடர்பான புரிதலையும், அனுபவங்களையும், தொழில்நுட்பங்களையும் வெளிப்படையாகப் பகிர்ந்துகொண்டு வருகிறது. பாதுகாப்பு அச்சுறுத்தல்கள் பெருகிவரும் இந்தச் சமயத்தில், பயனர்களைப் பாதுகாக்கவும் மிகவும் பாதுகாப்பான இணையத்தை ஒன்றிணைந்து உருவாக்கவும் இந்தக் கூட்டு முயற்சி மிக முக்கியமானதாகும்.

எங்கள் பாதுகாப்புத் தீர்வுகளைப் பகிர்தல் அனைவரும் இணைந்து இணையத்தைப் பாதுகாப்பானதாக்க உதவுகிறது

  • Safe Browsing மூலம் அபாயகரமான தளங்கள், ஆப்ஸ், விளம்பரங்கள் ஆகியவற்றில் இருந்து உங்களைப் பாதுகாத்தல்

    பயனர்கள் அபாயகரமான தளங்களுக்குச் செல்லும் போது எச்சரிப்பதன் மூலம் தீம்பொருள் மற்றும் ஃபிஷிங் தாக்குதல்களில் இருந்து அவர்களைப் பாதுகாப்பதற்காக, எங்கள் Safe Browsing தொழில்நுட்பத்தை உருவாக்கியுள்ளோம். இது Chrome பயனர்களை மட்டுமின்றி மேலும் பலரையும் பாதுகாக்கிறது. இணையத்தை அனைவருக்கும் பாதுகாப்புள்ளதாக மாற்ற, Appleளின் Safari மற்றும் Mozillaவின் Firefox உட்பட மற்ற நிறுவனங்கள் தங்களின் உலாவிகளில் இதை இலவசமாகப் பயன்படுத்தவும் அனுமதித்துள்ளோம். இன்று, 3 பில்லியனுக்கும் அதிகமான சாதனங்கள் Safe Browsing மூலம் பாதுகாக்கப்படுகின்றன. தளங்களில் பாதுகாப்புக் குறைபாடுகள் இருந்தால், அந்தத் தள உரிமையாளர்களை எச்சரித்து, அவர்கள் சிக்கல்களை உடனடியாகத் தீர்க்க உதவும் இலவசக் கருவிகளையும் வழங்குகிறோம்.

  • HTTPS என்க்ரிப்ஷனானது, நீங்கள் இணையத்தில் உலாவும் போது உங்களைப் பாதுகாப்பாக வைத்திருக்கிறது

    எங்கள் சேவைகளை HTTPS என்க்ரிப்ஷன் மூலம் பாதுகாப்பதனால், தகவல் திருட்டு பற்றிய பயமின்றி நீங்கள் தளங்களுடன் இணைந்து கிரெடிட் கார்டு எண்கள் போன்ற தனிப்பட்ட தகவல்களையும் உள்ளிட முடியும். இந்தக் கூடுதல் பாதுகாப்பை மற்ற இணையதளங்களும் பயன்படுத்துவதை ஊக்குவிக்கும் விதமாக, டெவெலப்பர்களுக்குக் கருவிகளையும் பாடங்களையும் வழங்குகிறோம். தேடல் முடிவுகளில் இணையதளங்களை மதிப்பிடும் போது Google தேடல் அல்காரிதம் பயன்படுத்தும் நெறிமுறைகளில் HTTPS என்க்ரிப்ஷனும் ஒன்றாகும். HSTS preloading முறையைப் பயன்படுத்தும் .google அல்லது .app போன்ற உயர்நிலை டொமைன்களுக்கும் இது பயன்படுத்தப்படுகிறது. இந்த டொமைன்களில் HTTPS உபயோகத்தை இது கட்டாயப்படுத்துகிறது.

  • டெவெலப்பர்கள் பாதுகாப்பு தொடர்பான ஆபத்துகளைத் தடுப்பதற்கு உதவும் வகையில், பாதுகாப்புக் கருவிகள் அவர்களுக்குக் கிடைக்கும்படிச் செய்தல்

    எங்களின் பாதுகாப்புத் தொழில்நுட்பம் பிறருக்கு நன்மை பயக்கும் என நம்பும்போதெல்லாம், அதைப் பகிர்கிறோம். எடுத்துக்காட்டாக, எங்கள் Google கிளவுட் பாதுகாப்பு ஸ்கேனரை டெவெலப்பர்கள் இலவசமாகப் பயன்படுத்திக் கொள்ளும்படிச் செய்துள்ளோம். இதன் மூலம், அவர்கள் App Engineனில் பாதுகாப்பு தொடர்பாக ஏதேனும் பாதிப்புகள் ஏற்படுமா என்பதைத் தெரிந்து கொள்ள, தங்களது இணைய ஆப்ஸை ஸ்கேன் செய்து தெரிந்து கொள்ள முடியும்.

  • செய்தி இணையதளங்கள் முடக்கப்படுவதை Project Shield தடுக்கிறது

    Project Shield என்பது, செய்திகள், மனித உரிமைகள், தேர்தல் தளங்கள் ஆகியவற்றை Distributed denial-of-service (DDoS) தாக்குதல்களில் இருந்து எங்கள் தொழில்நுட்பத்தைப் பயன்படுத்தித் தடுப்பதற்கு உதவும் சேவையாகும். இந்தத் தாக்குதல்கள், இணையதளங்களை முடக்குவதற்கும் போலியான ட்ராஃபிக் மூலம் முக்கியமான தகவலை அணுகுவதில் இருந்து பயனர்களைத் தடுப்பதற்குமான முயற்சிகளாகும். இணையதளம் அல்லது தாக்குதலின் அளவு எத்தகையதாக இருந்தாலும், Project Shield எப்போதும் இலவசமே.

முன்னணிப் பாதுகாப்புக் கண்டுபிடிப்புகளும் வெளிப்படைத்தன்மையும்

  • எங்களின் வலுவான பாதுகாப்பு மூலம் இலக்கிட்ட தாக்குதல்களில் இருந்து ஆபத்தில் உள்ள பயனர்களைத் தடுத்தல்

    பாதுகாப்பில் அதிகம் கவனம் செலுத்தும் பயனர்கள்கூட ஃபிஷிங் ஸ்கேம்கள் அல்லது பிற அதிநவீன, இலக்கிட்ட தாக்குதல்கள் மூலம் ஏமாற்றப்படலாம். 'மேம்பட்ட பாதுகாப்புத் திட்டம்' என்பது Googleளின் மிக வலிமையான பாதுகாப்பு அம்சமாகும். இது பெரும்பாலும் அதிகமாக இலக்கிடப்படும் தேசத் தலைவர்கள், பிரச்சாரக் குழுக்கள், பத்திரிகையாளர்கள், சமூக ஆர்வலர்கள், வணிகத் தலைவர்கள் அல்லது அதிநவீன டிஜிட்டல் தாக்குதல்களால் தங்களுக்குப் பாதிப்பு ஏற்படும் என நம்பும் எவரது தனிப்பட்ட Google கணக்கையும் இலக்கிட்ட தாக்குதல்களில் இருந்து பாதுகாக்க வடிவமைக்கப்பட்டதாகும்.

  • பாதுகாப்பான இணையத்தை உருவாக்குவதற்காக, எங்கள் நடைமுறைகளையும் வழிகாட்டுதல்களையும் பற்றிய தரவைப் பகிர்தல்

    2010 முதல் ஃபிஷிங் மற்றும் தீம்பொருள் கண்டறிதல் மற்றும் Safe Browsing போன்ற பாதுகாப்பு முன்முயற்சிகள் பற்றிய புள்ளிவிவரங்களைக் கொண்டுள்ள வெளிப்படைத்தன்மை அறிக்கைய ை வெளியிட்டு வருகிறோம். இணையதளங்களுக்கும், மின்னஞ்சல்களுக்கும் என்க்ரிப்ஷனைப் பயன்படுத்தும் நிறுவனங்களின் தரவையும் பகிர்கிறோம். எங்கள் முன்னேற்றத்தைப் பயனர்களிடம் பகிர்வதற்காக மட்டுமின்றி, அனைவருக்கும் பாதுகாப்பான இணையம் கிடைப்பதற்கான ஆர்வத்தில் பிறரும் வலிமையான பாதுகாப்புத் தரநிலைகளைப் பயன்படுத்துவதற்கு அவர்களை ஊக்கப்படுத்தவும் இதைச் செய்கிறோம்.

தொழில்துறை முழுவதும் பாதுகாப்பை அதிகரிக்கும் வகையில் தரநிலைகளை மேம்படுத்துதல்

  • பாதுகாப்பு தொடர்பான குறைபாடுகளைத் தெரிவிப்பவர்களுக்காகப் பாதுகாப்பு வெகுமதிகளை உருவாக்குதல்

    தங்கள் சேவைகளில் பாதுகாப்பின்மையைக் கண்டறிவதில் ஈடுபடும் தனிப்பட்ட ஆராய்ச்சியாளர்களுக்கு வெகுமதிகளை வழங்குவதற்காக வெகுமதித் திட்டங்களை உருவாக்குவதில் Google முன்னோடியாகத் திகழ்கிறது. எங்கள் பயனர்களைப் பாதுகாப்பாக வைத்திருக்க உதவும் அனைத்து மேம்பட்ட வெளிப்புறப் பங்களிப்புகளுக்கும் வெகுமதி வழங்குவதற்காக, ஒவ்வொரு வருடமும் லட்சக்கணக்கான டாலர்களை ஆராய்ச்சி உதவித் தொகையாகவும் பிழை கண்டுபிடிப்புப் பரிசாகவும் வழங்குகிறோம். தற்போது Chrome, Android உட்பட பெரும்பாலான எங்கள் தயாரிப்புகளுக்குப் பாதுகாப்பின்மையைக் கண்டறிவதற்கான வெகுமதிகளை வழங்குகிறோம்.

    தனிப்பட்ட ஆராய்ச்சியாளர்கள் மட்டுமில்லாமல், Project Zero எனப்படும் எங்கள் பொறியாளர் குழுவும் இணையம் முழுவதும் பயன்படுத்தப்படும் மென்பொருட்களில் உள்ள பாதுகாப்புக் குறைபாடுகளைக் கண்டறிந்து தீர்த்து வருகிறது.

  • பாதுகாப்புத் தீர்வுகளை மேம்படுத்த, சிறந்த ஆய்வாளர்களுடன் கூட்டுப்பணியாற்றுதல்

    பாதுகாப்பு, தனியுரிமை மற்றும் தவறான உபயோகத்திற்கு எதிரான ஆய்வுகளை மேம்படுத்த, கல்வித் துறைகள், தொழில்துறைக் குழுக்கள், அரசு சார்பற்ற நிறுவனங்கள் (NGOக்கள்) ஆகியவற்றுடன் எங்கள் ஆய்வாளர்கள் பெரிய அளவில் கூட்டுப்பணியாற்றுகின்றனர். தொடர்ச்சியான கூட்டுப்பணி மூலம் எல்லா இடங்களிலும் உள்ள பயனர்களைப் பாதுகாக்க அதிநவீனத் தீர்வுகளை உருவாக்கி வருகிறோம். மேலும், எங்கள் ஆய்வாளர்கள் தங்களது வழிகாட்டலின் மூலமும் Google ஆதாரங்களுக்கான அணுகலை வழங்குவதன் மூலமும் தொலைநோக்குடைய ஆய்வுத் திட்டங்களை ஆதரிக்கின்றனர்.

  • உங்கள் உள்நுழைவை முடிந்தவரை பாதுகாப்பாக வைத்திருக்க, அங்கீகாரத் தரநிலைகளை மேம்படுத்துதல்

    இணையத்தில் வலிமையான உள்நுழைவு மற்றும் அங்கீகாரத் தரநிலைகளைப் பிறருடன் இணைந்து உருவாக்குவதிலும் ஏற்றுக்கொள்வதிலும் எப்போதும் முன்னணி வகிக்கிறோம். தொழில் நிறுவனங்களுடன் இணைந்து செயல்பட்டு, இணையத்திற்கென பொதுவான தரநிலைகளை உருவாக்குவதன் மூலம் தொழில்நுட்பத்தைப் பகிர்கிறோம். இதைப் போன்று இலாப நோக்கற்ற நிறுவனமான FIDO Alliance உடன் இணைந்து, செயல்பட்டதன் மூலமாக, நிறுவனங்கள் பயன்படுத்தக்கூடிய புதிய தொழில் தரநிலைகளை அமைக்கவும் செயலாக்கவும் முடிந்தது. மேலும், அந்த நிறுவனங்களின் பணியாளர்கள் தங்கள் கணக்கைப் பாதுகாப்பாக அணுகுவதையும் இதன் மூலம் உறுதிசெய்ய முடிந்தது.

  • அனைவருக்கும் சிறப்பான பாதுகாப்பைக் கொண்டு செல்ல, அவுட்ரீச் மற்றும் ஆன்லைன் பாதுகாப்புப் பயிற்சியை வழங்குதல்

    ஆன்லைனில் எவ்வாறு பாதுகாப்பாக இருப்பது என்பதை உலகம் முழுவதும் உள்ளவர்கள் அறிவதற்கு உதவ, பாடப்பொருட்கள், பயிற்சி, கருவிகள் ஆகியவற்றை வழங்குகிறோம். எங்கள் அவுட்ரீச் குழுவானது ஆன்லைன் பாதுகாப்பு பாடப்பொருட்களாலும் பயிற்சிகளாலும் ஆண்டுதோறும் கல்வியாளர்கள், மாணவர்கள், பெற்றோர்கள், முதியோர்கள், மாற்றுத் திறனாளிகள் என 100 மில்லியனுக்கும் மேற்பட்டவர்களுக்குப் பயனளிக்கிறது.

எங்களின் பாதுகாப்பு முயற்சிகளைப் பற்றி மேலும் அறிக

உங்கள் பாதுகாப்பு

தொழில்துறையின் சிறந்த பாதுகாப்பைப் பயன்படுத்தி, ஆன்லைனில் உங்களைப் பாதுகாக்கிறோம்.

உங்கள் தனியுரிமை

அனைவருக்கும் ஏற்ற தனியுரிமையைக் கட்டமைக்கிறோம்.

குடும்பங்களுக்கானது

ஆன்லைனில் உங்கள் குடும்பத்திற்கு ஏற்றவற்றை நிர்வகிக்க உங்களுக்கு உதவுவோம்.