முழுமையான கட்டுப்பாடு உங்களுடையது

ஒரே தனியுரிமை அம்சம் அனைவருக்கும் பொருந்தாது என்பதை நாங்கள் அறிவோம். எனவேதான், வலிமையான, எளிமையான தனியுரிமைக் கருவிகளை உங்கள் Google கணக்கில் கட்டமைத்துள்ளோம். இவற்றைப் பயன்படுத்தி உங்களுக்கேற்ற தனியுரிமை அமைப்புகளையும், எங்கள் சேவைகள் முழுவதும் எந்த வகையான தரவு சேகரிக்கப்பட்டுப் பயன்படுத்தப்படுகிறது என்பதையும் நீங்களே தேர்வுசெய்து கொள்ளலாம்.

Google முழுவதும் தரவு எப்படிப் பயன்படுத்தப்படுகிறது என்பதைக் கட்டுப்படுத்துதல்

  • உங்கள் Google கணக்கில் சேமிக்கப்பட்டுள்ள தரவை நீங்களே கட்டுப்படுத்தலாம்

    உங்கள் தகவல், தனியுரிமை, பாதுகாப்பு அமைப்புகள் ஆகிய அனைத்தையும் ஒரே இடத்தில் கண்டறியலாம். அதாவது, உங்கள் Google கணக்கிலேயே கண்டறியலாம். Google சேவைகளில் நீங்கள் மேற்கொள்ளும் செயல்பாடு மூலம் சேகரிக்கப்படும் தரவைக் குறித்து வெளிப்படையான தகவலை வழங்கும் டாஷ்போர்டு, எனது செயல்பாடு போன்ற பயன்படுத்துவதற்கு எளிதான கருவிகளை உருவாக்கியுள்ளோம். அத்துடன், செயல்பாட்டுக் கட்டுப்பாடுகள், விளம்பர அமைப்புகள் போன்ற ஆற்றல் வாய்ந்த தனியுரிமைக் கட்டுப்பாடுகளும் உள்ளன. இவற்றைப் பயன்படுத்தி, எல்லா Google தயாரிப்புகளும் சேவைகளும் எப்படி இன்னும் சிறப்பாகச் செயல்படலாம் என்பதைத் தீர்மானிக்கும் வகையில், தரவு சேகரிக்கப்பட்டு, பயன்படுத்தப்படுவதை நீங்கள் அனுமதிக்கலாம் அல்லது முடக்கலாம்.

  • உங்கள் தனியுரிமைச் சரிபார்ப்பு மூலம் உங்களுக்கேற்ற தனியுரிமை அமைப்புகளைத் தேர்வுசெய்தல்

    நீங்கள் ஒரு சில நிமிடங்களிலேயே நாங்கள் சேகரிக்கும் தரவு வகைகளை நிர்வகிக்கலாம், நண்பர்களுடன் எந்தத் தகவலைப் பகிர வேண்டும், பொதுவில் எதைப் பகிர வேண்டும் என்ற அமைப்புகளை மாற்றலாம், மேலும் எந்த வகையான விளம்பரங்களை நாங்கள் உங்களுக்குக் காட்ட வேண்டும் என்பதையும் மாற்றியமைக்கலாம். விரும்பும்போதெல்லாம் இந்த அமைப்புகளை மாற்றலாம், மேலும் தற்போதைய அமைப்புகளை நினைவில் வைத்துக் கொள்ளும் வகையில், தொடர்ச்சியாக நினைவூட்டல்களைப் பெறுவதற்கும் தேர்வுசெய்யலாம்.

  • உங்கள் கணக்கில் எந்தெந்தத் தரவைச் சேமிக்கலாம் என்பதைத் தேர்வுசெய்வதற்கு அனுமதிக்கும் எளிய ஆன்/ஆஃப் கட்டுப்பாடுகள்

    உங்கள் கணக்கில் சேமிக்கப்படும் தரவானது, வரைபடத்தில் வழக்கமான பயணத்திற்கான சிறந்த வழிகளை வழங்குவது முதல் தேடலில் விரைவான முடிவுகளை வழங்குவது வரை எங்கள் சேவைகளை உங்களுக்கு விரைவாகவும், மிகவும் பயனுள்ள வகையிலும் வழங்கிட உதவும். Google சேவைகள் அனைத்திலும் உங்கள் அனுபவத்தைத் தனிப்பயனாக்கவும் குறிப்பிட்ட தரவு வகைகள் (உங்கள் தேடல் மற்றும் உலாவல் செயல்பாடு, இதுவரை சென்ற இடங்கள், உங்கள் மொபைல், லேப்டாப் அல்லது டேப்லெட்டில் உள்ள தகவல் போன்றவை) சேகரிக்கப்படுவதை இடைநிறுத்தவும் செயல்பாட்டுக் கட்டுப்பாடுகளைப் பயன்படுத்தி, உங்கள் கணக்குடன் எந்த வகையான செயல்பாடு தொடர்புப்படுத்தப்படலாம் என்பதைத் தீர்மானிக்கலாம்.

  • எனது செயல்பாடு' என்பதில் உங்கள் கணக்கில் எந்தெந்தத் தரவு சேமிக்கப்பட்டுள்ளது என்பதைப் பார்க்கலாம், கட்டுப்படுத்தலாம்

    எனது செயல்பாடு என்பது எங்கள் சேவைகள் மூலம் நீங்கள் தேடிய, பார்த்த, கண்டுகளித்த எல்லா விஷயங்களையும் காட்டும் இடமாகும். உங்கள் முந்தைய ஆன்லைன் செயல்பாட்டை எளிதாக மீண்டும் பார்ப்பதற்காக தலைப்பு, தேதி மற்றும் தயாரிப்பு ஆகியவற்றின்படி தேடும் கருவிகளை அளிக்கிறோம். உங்கள் கணக்குடன் தொடர்புப்படுத்தப்பட விரும்பாத குறிப்பிட்ட செயல்பாடுகளை அல்லது தலைப்புகள் முழுவதையும் கூட நீங்கள் நிரந்தரமாக நீக்கலாம்.

  • டாஷ்போர்டில் உங்கள் Google கணக்கில் உள்ள தரவைப் பார்க்கலாம், நிர்வகிக்கலாம்

    நீங்கள் பயன்படுத்தும் Google தயாரிப்புகள் பற்றியும் அவை ஒவ்வொன்றிலும் உள்ள தரவு பற்றியும் ஒரே இடத்தில் பொதுவாக அறிந்துகொள்வதை எளிதாக்கியுள்ளோம். கடந்த மாதம் Googleளில் நீங்கள் மேற்கொண்ட செயல்பாட்டைப் பார்க்கலாம், உங்களிடம் எத்தனை மின்னஞ்சல்கள், ஆவணங்கள், படங்கள் உள்ளன என்பதைத் தெரிந்து கொள்ளலாம் மற்றும் Gmail அமைப்புகளைக் குறித்த கேள்விகளுக்குப் பதில்களைப் பெறலாம். அத்துடன், தேவைப்படும் போது, தொடர்புடைய தயாரிப்பு அமைப்புகளையும் தொடர்புடைய உதவி மையக் கட்டுரைகளையும் விரைவாக அணுகலாம்.

  • "எனது தரவைப் பதிவிறக்கு" எனும் அம்சத்தின் மூலம் உங்கள் உள்ளடக்கத்தை எங்கு வேண்டுமானாலும் எடுத்துச்செல்லலாம்

    உங்கள் படங்கள். உங்கள் மின்னஞ்சல்கள். உங்கள் தொடர்புகள். உங்கள் புத்தகக்குறிகளும். உங்கள் Google கணக்கில் சேமிக்கப்பட்டுள்ள தரவை நீங்களே கட்டுப்படுத்தலாம். அதற்காகவே, "எனது தரவைப் பதிவிறக்கு" எனும் அம்சத்தை உருவாக்கியுள்ளோம். இதைப் பயன்படுத்தி உங்கள் தரவை நகலெடுக்கலாம், காப்புப் பிரதி எடுக்கலாம் அல்லது மற்ற சேவைக்குக்கூட நகர்த்தலாம்.

    Google புகைப்படங்கள், இயக்ககம், கேலெண்டர், Google Play மியூசிக், Gmail உள்ளிட்ட Google சேவைகளில் இருந்து தரவைப் பல வடிவங்களில் பதிவிறக்கலாம். அல்லது Dropbox, Microsoft OneDrive, Box உள்ளிட்ட சேவைகளில் நேரடியாகத் தரவை ஏற்றலாம்.

  • பிறர் எளிதில் தொடர்பு கொள்ளும் வகையில், எந்தெந்தத் தனிப்பட்ட தகவலைப் பகிரலாம் என்பதைத் தீர்மானித்தல்

    Hangouts, Gmail, புகைப்படங்கள் போன்ற Google சேவைகளில் பிறர் உங்களைக் கண்டறிந்து, தொடர்பு கொள்வதற்கு உதவும் வகையில், உங்கள் பெயர், மின்னஞ்சல், ஃபோன் எண் போன்ற தனிப்பட்ட தகவலை நீங்கள் நிர்வகிக்கலாம்.

  • தனிப்பயனாக்கிய விளம்பரங்களைக் காட்ட Google எந்தெந்தத் தகவலைப் பயன்படுத்தலாம் என்பதைக் கட்டுப்படுத்தலாம்

    உங்களுக்குக் காட்டும் விளம்பரங்களைத் தனிப்பயனாக்க நாங்கள் எந்தத் தரவைப் பயன்படுத்தலாம் என்பதை விளம்பர அமைப்புகளில் எளிதில் கட்டுப்படுத்தலாம். நீங்கள் Google கணக்கில் சேர்த்துள்ள தகவல், உங்கள் ஆர்வங்களைப் (உங்கள் செயல்பாடு மூலம் பெற்றது) பற்றிய எங்களின் கணிப்பு, விளம்பரங்களைக் காட்டுவதற்காக எங்களுடன் கூட்டாளராக உள்ள பிற விளம்பரதாரர்களுடனான ஊடாடல்கள் ஆகியவை இதில் அடங்கும்.

    உங்கள் செயல்பாட்டை அடிப்படையாக வைத்தே உள்ளடக்கத்தைக் காட்டுகிறோம். ஆனால், இதை எப்போதும் நீங்களே கட்டுப்படுத்தலாம். எடுத்துக்காட்டாக, நீங்கள் சமீபத்திய கால்பந்து போட்டியின் ஹைலைட்ஸை YouTubeல் பார்த்ததாலோ “எனக்கு அருகிலுள்ள கால்பந்து மைதானங்கள்” என Google தேடலில் தேடியதாலோ நீங்கள் ஒரு கால்பந்து ரசிகர் என நாங்கள் நினைக்கக்கூடும். மேலும், எங்கள் கூட்டாளராக உள்ள விளம்பரதாரர்களின் தளத்தை நீங்கள் பார்த்தால் அதன் அடிப்படையில் விளம்பரங்களை நாங்கள் பரிந்துரைக்கலாம்.

    விளம்பரத் தனிப்பயனாக்கம் இயக்கத்தில் இருக்கும் போது, வயது, பாலினம், ஊகித்த ஆர்வம் அல்லது விளம்பரதாரருடனான முந்தைய தொடர்பு போன்ற எந்தத் தகவலையும் தேர்வுசெய்யலாம், அது எதற்காகப் பயன்படுத்தப்படுகிறது என்பதைப் பற்றி மேலும் அறிந்து கொள்ளலாம், விளம்பரத் தனிப்பயனாக்கத்தை முடக்கலாம் அல்லது தனிப்பயனாக்கிய விளம்பரங்களையே முழுவதுமாக முடக்கலாம். அதன்பிறகும் விளம்பரங்கள் காட்டப்படும். ஆனால் அவை உங்களுக்கு அதிகம் தொடர்புடையதாக இல்லாமல் போகலாம்.

  • மறைநிலைப் பயன்முறை மூலம் இணையத்தில் தனிப்பட்ட முறையில் உலாவுதல்

    ஆன்லைனில் நீங்கள் மேற்கொள்ளும் செயல்கள், மிகவும் பயனுள்ள தேடல் முடிவுகளை உங்களுக்கு வழங்க உதவினாலும், சில நேரங்களில் நீங்கள் தனிப்பட்ட முறையில் உலாவ விரும்பலாம். எடுத்துக்காட்டாக, நீங்களும் உங்கள் துணையும் சேர்ந்து கம்ப்யூட்டரைப் பயன்படுத்துகிறீர்கள் எனில், ஆச்சரியமூட்டும் வகையில் அவருக்குப் பிறந்தநாள் பரிசை வழங்குவதற்காக நீங்கள் இணையத்தில் தேடிய விஷயத்தை அவரிடமிருந்து மறைக்க விரும்பலாம். இது போன்ற தருணங்களில், உங்கள் உலாவல் வரலாற்றை Chrome சேமிப்பதைத் தடுக்க, கம்ப்யூட்டர் அல்லது மொபைல் சாதனத்தில் மறைநிலைச் சாளரத்தைப் பயன்படுத்தவும்.

எங்களின் பாதுகாப்பு முயற்சிகளைப் பற்றி மேலும் அறிக

உங்கள் பாதுகாப்பு

தொழில்துறையின் சிறந்த பாதுகாப்பைப் பயன்படுத்தி, ஆன்லைனில் உங்களைப் பாதுகாக்கிறோம்.

உங்கள் தனியுரிமை

அனைவருக்கும் ஏற்ற தனியுரிமையைக் கட்டமைக்கிறோம்.

குடும்பங்களுக்கானது

ஆன்லைனில் உங்கள் குடும்பத்திற்கு ஏற்றவற்றை நிர்வகிக்க உங்களுக்கு உதவுவோம்.