உங்கள் எல்லா ஆன்லைன் கணக்குகளிலும் உள்நுழைவதற்குப் பாதுகாப்பான வழி.

உங்கள் எல்லா ஆன்லைன் கணக்குகளிலும் 'உள்நுழைவு' என்பது அதிலுள்ள தனிப்பட்ட தகவல்களை அணுவதற்கான வாயில் கதவாகும். இது ஆபத்துகளுக்கான முதன்மை நுழைவிடமாகவும் இருப்பதால் இதைப் பாதுகாப்பது மிகவும் முக்கியம்.

Googleளிலும் உங்கள் அனைத்து ஆப்ஸ் மற்றும் சேவைகளிலும் உள்நுழைவதை இயல்பாகவே பாதுகாப்பானதாக அமைத்துள்ளோம். உள்ளமைந்த கருவிகள் மற்றும் தானியங்குப் பாதுகாப்புகள் (எ.கா. புதிய சாதனத்திலிருந்து Google கணக்கை அணுகும் போது விழிப்பூட்டல்களைப் பெறுதல்) மூலம் பாதுகாப்பாக உள்நுழைவதை விரைவானதாகவும் எளிதானதாகவும் மாற்றியுள்ளோம்.

கடவுச்சொல் நிர்வாகி

வலிமையான கடவுச்சொற்கள் உங்கள் கணக்குகளைப் பாதுகாப்பாக வைத்திருக்க உதவுகின்றன

உங்களின் தனிப்பட்ட தகவல்களைப் பிறர் அணுக முடியாததாக வைத்திருப்பதற்கு ஆன்லைன் கணக்குகளுக்கு வலிமையான, தனித்துவமான கடவுச்சொற்களைத் தேர்வுசெய்வது முக்கியமான படியாகும். ஆனால் பெரும்பாலான மக்கள் வலுவற்ற ஒரே கடவுச்சொல்லையே பல தளங்களிலும் பயன்படுத்துவதாகத் தெரிவிக்கின்றனர். இது அந்தக் கணக்குகளின் பாதுகாப்புக் குறைபாடுகளை அதிகரிக்கிறது.
Googleளின் கடவுச்சொல் நிர்வாகி வலிமையான கடவுச்சொற்களை உருவாக்க உங்களுக்கு உதவுகிறது

Googleளின் கடவுச்சொல் நிர்வாகி Chrome மற்றும் Androidல் உள்ளமைக்கப்பட்டுள்ளது. இது உங்களின் அனைத்து ஆன்லைன் கணக்குகளுக்கும் கடவுச்சொற்களை உருவாக்குகிறது, பாதுகாப்பாகச் சேமிக்கிறது, தானாக நிரப்புகிறது.
சேமிக்கப்பட்ட உங்கள் கடவுச்சொற்களை நிர்வகியுங்கள்
உங்கள் கடவுச்சொற்களைப் பாதுகாப்பாக வைத்திருப்பதற்குத் தானியங்கிக் கடவுச்சொல் எச்சரிக்கைகள் உதவுகின்றன

ஒவ்வொரு நாளும் புதுப்புதுத் தரவு மீறல் நிகழ்வுகள் லட்சக்கணக்கான பயனர்பெயர்களையும் கடவுச்சொற்களையும் பொதுவில் வெளிப்படுத்துகின்றன. களவாடப்பட்ட கடவுச்சொற்களை Google கண்காணித்து வருகிறது. இதனால் தரவு மீறலின்போது உங்களின் சேமிக்கப்பட்ட கடவுச்சொற்கள் ஏதேனும் வெளியாகி இருப்பதைக் கண்டறிந்தால் நாங்கள் தானாகவே உங்களுக்கு எச்சரிக்கையை அனுப்புவோம்.
Google Assistant மூலம் உங்கள் கடவுச்சொற்களை மாற்றுங்கள்
விரைவில் வருகிறது

களவாடப்பட்ட கடவுச்சொற்களைச் சரிசெய்யும்போது விரைவாகச் செயல்படுவது முக்கியமாகும். விரைவாகச் சரிசெய்வதற்கான ஓர் அம்சத்தை Chrome வெளியிட உள்ளது: உங்களின் களவாடப்பட்ட கடவுச்சொற்களை அடையாளப்படுத்துவதுடன் Google Assistant உதவியோடு ஒருமுறை தட்டுவதன் மூலம் அவற்றை மாற்றலாம்.

இருபடிச் சரிபார்ப்பு

உள்நுழைவிற்கான இரண்டாம் அடுக்குப் பாதுகாப்பை இருபடிச் சரிபார்ப்பு வழங்குகிறது

கடவுச்சொற்கள் களவாடப்படும் நிகழ்வுகள் நீங்கள் நினைப்பதை விட அதிகமாகவே நடக்கின்றன. கூடுதல் சரிபார்ப்பைக் கொண்டிருப்பது உங்கள் கணக்கைப் பாதுகாப்பாக வைத்திருப்பதற்கான சிறந்த வழிகளில் ஒன்றாகும். உங்கள் கடவுச்சொல்லை உள்ளிட்ட பின்பு இரண்டாவது படியைக் கேட்பதன் மூலம், தவறான நபர்கள் உங்கள் கணக்கை அணுகாதபடி தடுக்க இருபடிச் சரிபார்ப்பு உதவுகிறது.
இருபடிச் சரிபார்ப்பை இயக்குங்கள்
மொபைலை அடிப்படையாகக் கொண்ட அங்கீகரிப்பு எளிதானது மற்றும் பாதுகாப்பானது

உங்கள் ஆன்லைன் கணக்குகளில் உள்நுழையும்போது உறுதியான அங்கீகரிப்பு முறையைப் (எ.கா. உங்கள் மொபைல்) பயன்படுத்துவது, எளிதில் களவாடப்பட வாய்ப்புள்ள கடவுச்சொற்களைப் பயன்படுத்துவதை விடப் பாதுகாப்பானது என நிரூபிக்கப்பட்டுள்ளது. இதனால்தான் வெவ்வேறு விதமான அங்கீகரிப்புகளை மேம்படுத்துவதில் மற்றவர்களை விட நாங்கள் முன்னணியில் இருக்கிறோம். Google அறிவிப்பு மூலம், ஒருமுறை தட்டுவதாலேயே உங்கள் கணக்கிற்கான அங்கீகரிப்பை மேற்கொள்ளலாம்.
எப்போதும் இல்லாதவகையில் கணக்கின் பாதுகாப்பை இன்னும் சிறப்பானதாக்குகிறோம்

அங்கீகரிப்பைத் தடையற்றதாகவும் கடவுச்சொல்லைக் காட்டிலும் பாதுகாப்பானதாகவும் மாற்றுவதற்குச் சாதனங்களில் மேம்பட்ட பாதுகாப்புத் தொழில்நுட்பங்களையும் (எ.கா. Androidல் பாதுகாப்பு விசைகள், iOSஸில் Google Smart Lock ஆப்ஸ்) நாங்கள் உருவாக்கி வருகிறோம். பயனர்களின் கணக்கில் மீட்பு மொபைல் எண்ணோ மின்னஞ்சல் முகவரியோ இருந்தால் விரைவில் அவர்களை இருபடிச் சரிபார்ப்புக்குத் தானாகவே நாங்கள் பதிவுசெய்யத் தொடங்குவோம். பாதுகாப்புச் சரிபார்ப்பு மூலம் உங்கள் கணக்கைச் சரிபாருங்கள்.

Google மூலம் உள்நுழைக

உங்களுக்கு விருப்பமான ஆப்ஸிலும் சேவைகளிலும் உள்நுழைவதற்குப் பாதுகாப்பான வழி

உங்கள் ஆன்லைன் கணக்குகளில் உள்நுழையும்போது வசதிக்காகப் பாதுகாப்பை நீங்கள் விட்டுக்கொடுக்கக்கூடாது. வெளிப்படையான தனியுரிமை விருப்பங்களை ஒரே இடத்தில் நிர்வகிக்கவும், இணையம் முழுவதுமுள்ள ஆயிரக்கணக்கான தளங்கள் மற்றும் சேவைகளில் பாதுகாப்பாகவும் எளிதாகவும் உள்நுழைவதற்கும் உங்கள் Google கணக்கைப் பயன்படுத்தலாம்.
ஒருமுறை தட்டுவதன் மூலம் எங்கிருந்து வேண்டுமானாலும் பாதுகாப்பாக உள்நுழையுங்கள்

பிற கணக்குகளிலுள்ள உங்களின் தனிப்பட்ட தகவல்களைப் பாதுகாக்க உதவுவதற்கு, Googleளின் சிறந்த பாதுகாப்பு அம்சங்களைச் சிறந்த வசதிகளுடன் இணைக்கிறோம். Google மூலம் உள்நுழைக அம்சம் ஒவ்வொரு சேவைக்கும் உங்களைப் பிரத்தியேகமாக அங்கீகரிக்கிறது. இதனால் நீங்கள் பயன்படுத்தும் எந்தவொரு தளத்திலோ சேவையிலோ தரவு மீறல் நடைபெற்றாலும் பிற கணக்குகள் அனைத்திலும் உள்ள உங்களின் தனிப்பட்ட தகவல்கள் ஹேக்கர்களிடமிருந்து பாதுகாப்பாக இருக்கும்.
உங்கள் கணக்குகளுக்கும் இணைப்புகளுக்குமான கூடுதல் கட்டுப்பாடு

Google மூலம் உள்நுழைக அம்சத்தை எவ்வாறு பயன்படுத்துகிறீர்கள் என்பதை Google கணக்கிலிருந்தே நீங்கள் பார்க்கலாம் நிர்வகிக்கலாம். இணைக்கப்பட்ட கணக்குகள் அனைத்திற்குமான அணுகலை ஒரே இடத்திலிருந்து நிர்வகிக்கவும் அகற்றவும் உங்களை இது அனுமதிக்கிறது. இதன் மூலம் மொத்தக் கட்டுப்பாடும் உங்கள் கையிலிருக்கும்.
Google மூலம் உள்நுழைக அம்சத்தை இயக்குங்கள்

உங்கள் Google கணக்கின் பாதுகாப்பை வலுப்படுத்துங்கள்

பாதுகாப்புச் சரிபார்ப்பை மேற்கொண்டு உங்கள் Google கணக்கைப் பாதுகாத்திடுங்கள். உங்கள் Google கணக்கின் பாதுகாப்பை வலுப்படுத்துவதற்கு உதவ, பிரத்தியேகமான மற்றும் செயல்படுத்துவதற்கு எளிதான பரிந்துரைகளை இந்தப் படிப்படியான வழிமுறைகளைக் கொண்ட கருவி உங்களுக்கு வழங்கும்.

சரிபார்ப்பை நிறைவுசெய்யுங்கள்