Tumutulong sa iyong magtakda ng
mga digital na batayang panuntunan sa pamamagitan ng Family Link.
Tinutulungan ka ng Family Link na pamahalaan ang mga account at device ng iyong mga anak habang nag-e-explore sila online. Puwede mong pamahalaan ang mga app, bantayan ang tagal ng paggamit, at puwede kang tumulong na magtakda ng mga digital na batayang panuntunan para sa iyong pamilya.
-
Mga ulat ng aktibidad sa app
Hindi pare-pareho ang lahat ng tagal ng paggamit. Puwedeng depende ito kung gumagamit ang iyong account ng device para magbasa ng aklat, manood ng mga video, o maglaro. Puwede mong gamitin ang mga ulat ng aktibidad sa app ng Family Link para malaman kung aling mga app ang pinakamadalas gamitin ng iyong anak, at gumawa ng mga desisyon tungkol sa kung ano ang maa-access niya.
-
Limitahan ang pang-araw-araw na access
Ikaw ang magpapasya kung gaano katagal puwedeng gumamit ng device ang iyong anak. Nagbibigay-daan sa iyo ang Family Link na magtakda ng pang-araw-araw na tagal ng paggamit, magtakda ng oras ng pagtulog ng device, at malayuang i-lock ang Android o Chrome OS device ng iyong anak.
-
Pamahalaan ang content at mga pagbili
Aprubahan o tanggihan ang mga pag-download ng app mula sa Google Play Store, at ang mga in-app na pagbiling gustong gawin ng iyong anak.
Pamahalaan ang mga setting ng account
Pamamahala at pag-secure sa account ng iyong anak
I-access ang Mga Kontrol ng Aktibidad ng iyong anak sa mga setting ng Family Link. Bilang magulang, puwede kang tumulong na baguhin o i-reset ang password ng iyong anak kung makalimutan niya ito. Puwede mo ring i-edit ang personal na impormasyon ng iyong anak o i-delete ang kanyang account kung sa palagay mo ay kinakailangan ito. Hindi siya puwedeng magdagdag ng isa pang profile sa kanyang account o device nang walang pahintulot mo. Panghuli, puwede mong tingnan para malaman ang lokasyon ng kanyang Android device (hangga't ito ay naka-on, nakakonekta sa internet, at aktibo kamakailan).
Para sa tulong sa pag-iisip ng mga digital na batayang panuntunan ng iyong pamilya, tingnan ang aming Gabay ng Pamilya. Sa pamamagitan ng mga tip na naghihikayat ng pag-uusap tungkol sa teknolohiya kasama ang iyong mga anak, magkakaroon ka at ang iyong pamilya ng higit na kumpyansang i-navigate ang digital na mundo nang magkasama.
-
Ipa-access sa iyong anak ang Google Assistant sa pamamagitan ng kontroladong account
Puwedeng mag-log in ang mga bata sa mga device na may naka-enable na Assistant gamit ang kanilang account, na pinapamahalaan gamit ang Family Link. Magkakaroon sila ng sariling naka-personalize na karanasan sa Assistant at maa-access nila ang mga laro, aktibidad, at kwentong idinisenyo para sa mga pamilya. Hindi makakagawa ng mga transaksyon ang mga bata, at puwedeng magpasya ang mga magulang kung magkakaroon ng access ang kanilang mga anak sa mga third-party na karanasan sa Assistant.
-
Pamahalaan ang pag-access ng iyong anak sa mga website sa pamamagitan ng Chrome
Puwede mong pamahalaan ang pag-access ng iyong anak sa mga partikular na website kapag ginagamit niya ang Chrome browser sa kanyang Android o Chrome OS device. Puwede mong limitahan ang iyong anak sa mga website lang na kumportable kang puntahan niya o i-block ang mga partikular na site na ayaw mong bisitahin niya.
-
I-filter ang mga tahasang resulta sa Search
Bilang karagdagang proteksyon, puwede mong i-on ang SafeSearch para makatulong na i-filter ang mga pinakatahasang resulta, gaya ng pornograpiya. Naka-on bilang default ang SafeSearch para sa mga naka-sign in na user na wala pang 13 taong gulang (o naaangkop na edad sa iyong bansa) na may mga account na pinapamahalaan ng Family Link. May opsyon din ang mga magulang na i-off ito o i-block ang access sa Search.
Matuto pa tungkol sa mga paraan kung paano binubuo ang mga produkto ng Google nang isinasaalang-alang ang kaligtasan ng iyong pamilya.