ഓൺലൈനിൽ കൂടുതൽ സുരക്ഷിതമായിരിക്കാൻ നിങ്ങളെ സഹായിക്കുന്ന നുറുങ്ങുകൾ

ശക്തമായ പാസ്‌വേഡുകൾ സൃഷ്‌ടിക്കാനും ഉപകരണങ്ങൾ പരിരക്ഷിക്കാനും ഫിഷിംഗ് ശ്രമങ്ങൾ ഒഴിവാക്കാനും സുരക്ഷിതമായി ഇന്റർനെറ്റ് ബ്രൗസ് ചെയ്യാനുമായി, കുറച്ച് അതിവേഗ നുറുങ്ങുകളും ഏറ്റവും മികച്ച സമ്പ്രദായങ്ങളും നിങ്ങൾക്കായി ഞങ്ങൾ ഒരുക്കിയിട്ടുണ്ട്.

നിങ്ങളുടെ അക്കൗണ്ട് സുരക്ഷ ദൃഢമാക്കുക

  • സുരക്ഷ പരിശോധന നടത്തുക

    നിങ്ങളുടെ Google അക്കൗണ്ട് പരിരക്ഷിക്കാനുള്ള എളുപ്പവഴി സുരക്ഷാ പരിശോധന നടത്തലാണ്. നിങ്ങളുടെ Google അക്കൗണ്ടിന്‍റെ സുരക്ഷ ശക്തമാക്കാൻ സഹായിക്കുന്നതിന്, വ്യക്തിഗതവും പ്രവർത്തനക്ഷമവുമായ സുരക്ഷാ നിർദ്ദേശങ്ങൾ നൽകാനാണ് ഘട്ടം ഘട്ടമായുള്ള ഈ ടൂൾ ഞങ്ങൾ നിർമ്മിച്ചിരിക്കുന്നത്.

  • ശക്തമായ പാസ്‌വേഡുകൾ സൃഷ്‌ടിക്കുക

    നിങ്ങളുടെ ഓൺലൈൻ അക്കൗണ്ടുകൾ പരിരക്ഷിക്കുന്നതിന് നിങ്ങൾക്ക് കൈക്കൊള്ളാവുന്ന ഏറ്റവും സുപ്രധാനമായ ഘട്ടങ്ങളിലൊന്നാണ് ശക്തവും തനതുമായ ഒരു പാസ്‌വേഡ് സൃഷ്ടിക്കൽ. നിങ്ങൾക്ക് ഓർക്കാൻ എളുപ്പമുള്ളതും എന്നാൽ മറ്റുള്ളവർക്ക് ഊഹിക്കാൻ പ്രയാസമുള്ളതുമായ വാക്കുകൾ ഉപയോഗിച്ച് ഇത് ചെയ്യാവുന്നതാണ്. അല്ലെങ്കിൽ ‌നീണ്ട വാചകത്തിലെ വാക്കുകളുടെ ആദ്യത്തെ അക്ഷരങ്ങൾ ഉപയോഗിച്ച് പാസ്‌വേഡ് സൃഷ്‌ടിക്കുക. കൂടുതൽ ശക്തമാക്കുന്നതിന്, അത് 8 പ്രതീകങ്ങളെങ്കിലും ദൈർഘ്യമുള്ളതാക്കുക, കാരണം ദൈർഘ്യം കൂടുന്തോറും പാസ്‌വേഡ് ശക്തമാകുന്നു.

    സുരക്ഷാ ചോദ്യങ്ങൾക്ക് ഉത്തരം സൃഷ്‌ടിക്കാൻ ആവശ്യപ്പെട്ടാൽ, ഊഹിക്കാൻ പ്രയാസമുള്ള വ്യാജ ഉത്തരങ്ങൾ ഉപയോഗിക്കുക.

  • ഓരോ അക്കൗണ്ടിനും പ്രത്യേകം പാസ്‌വേഡുകൾ ഉപയോഗിക്കുക

    Google അക്കൗണ്ട്, സോഷ്യൽ മീഡിയ പ്രൊഫൈലുകൾ, ചില്ലറവ്യാപാര വെഫ്‌സൈറ്റുകൾ പോലെയുള്ള ഒന്നിലധികം അക്കൗണ്ടിലേക്ക് ലോഗിൻ ചെയ്യാൻ ഒരേ പാസ്‌വേഡ് ഉപയോഗിക്കുമ്പോൾ നിങ്ങളുടെ സുരക്ഷാ അപകടസാധ്യതകള്‍ വർദ്ധിക്കുന്നു. അതായത്, നിങ്ങളുടെ വീടിനും കാറിനും ഓഫീസിനും ഒരേ താക്കോൽ ഉപയോഗിക്കുന്നത് പോലെയാണത്. ആർക്കെങ്കിലും ആക്‌സസ് ലഭിക്കുകയാണെങ്കിൽ, അവയെല്ലാം അപഹരിക്കപ്പെട്ടേക്കാം. ഓരോ അക്കൗണ്ടിനും തനതായ പാസ്‌വേഡ് ഉപയോഗിക്കുമ്പോൾ ഈ സുരക്ഷാ അപകടസാധ്യത ഒഴിവാകുകയും നിങ്ങളുടെ അക്കൗണ്ടുകൾ കൂടുതൽ സുരക്ഷിതമാവുകയും ചെയ്യുന്നു.

  • ഒന്നിലധികം പാസ്‌‌വേഡുകൾ ട്രാക്ക് ചെയ്‌തുകൊണ്ടിരിക്കുക

    നിങ്ങളുടെ Google അക്കൗണ്ടിലുള്ളത് പോലെ ഒരു പാസ്‍വേഡ് മാനേജർ, സൈറ്റുകളിലും ആപ്പുകളിലും നിങ്ങൾ ഉപയോഗിക്കുന്ന പാസ്‍വേഡുകൾ ട്രാക്ക് ചെയ്‌തുകൊണ്ടിരിക്കാനും പരിരക്ഷിക്കാനും സഹായിക്കുന്നു. സുരക്ഷിതമായും എളുപ്പത്തിലും സൈൻ ഇൻ ചെയ്യാൻ Google-ന്റെ പാസ്‍വേഡ് മാനേജർ നിങ്ങളുടെ സംരക്ഷിച്ച പാസ്‍വേഡുകൾ ഉപയോഗിക്കുന്നു.

  • 2 ഘട്ട പരിശോധന ഉപയോഗിച്ച് ഹാക്കർമാരെ പ്രതിരോധിക്കുക

    നിങ്ങളുടെ അക്കൗണ്ടിലേക്ക് ലോഗിൻ ചെയ്യുന്നതിന്, ഉപയോക്തൃ നാമത്തിനും പാസ്‌വേഡിനും പുറമെ ഒരു ദ്വിതീയ ഘട്ടം കൂടി ഉപയോഗിക്കാൻ ആവശ്യപ്പെടുന്നതിലൂടെ, നിങ്ങളുടെ അക്കൗണ്ട് ആക്‌സസ് ചെയ്യാൻ പാടില്ലാത്തവരെ അത് ഉപയോഗിക്കുന്നതിൽ നിന്ന് അകറ്റിനിർത്താൻ 2-ഘട്ട പരിശോധിച്ചുറപ്പിക്കൽ സഹായിക്കുന്നു. Google-ൽ, ഉദാഹരണത്തിന്, ഇത് Google ഓതൻ്റിക്കേറ്റർ ആപ്പിൽ നിന്നുള്ള ആറക്ക കോഡ് ആകാം അല്ലെങ്കിൽ ഒരു വിശ്വസ്ത ഉപകരണത്തിൽ നിന്ന് ലോഗിൻ സ്വീകരിക്കാനുള്ള നിർദ്ദേശമാകാം.

    ഫിഷിംഗിനെതിരെയുള്ള കൂടുതൽ പരിരക്ഷ‌യ്ക്കായി, നിങ്ങളുടെ കമ്പ്യൂട്ടറിന്‍റെ USB പോർട്ടിൽ ചേർക്കാവുന്നതോ സമീപത്തെ ഫീൽഡുമായുള്ള ആശയവിനിമയമോ (നിയർ ഫീൽഡ് കമ്മ്യൂൺക്കേഷൻ) Bluetooth-ത്തോ ഉപയോഗിച്ച് മൊബൈലിലേക്ക് കണക്‌റ്റ് ചെയ്യാവുന്നതോ ആയ ഒരു ഭൗതിക സുരക്ഷാ കോഡ് വാങ്ങാം. 2-ഘട്ട പരിശോധിച്ചുറപ്പിക്കലിൻ്റെ രൂപത്തിൽ മാത്രമായി ഒരു ഭൗതിക സുരക്ഷാ കോഡ് ഉപയോഗം നടപ്പിലാക്കുന്നതിലൂടെ, ആക്ടിവിസ്റ്റുകൾ, പത്രപ്രവർത്തകർ, രാഷ്‌ട്രീയ കാമ്പെയിൻ നേതാക്കൾ എന്നിവരുൾപ്പെടെ ടാർഗറ്റ് ചെയ്‌ത ആക്രമണങ്ങൾക്ക് സാധ്യതയുണ്ടെന്ന് കരുതുന്ന എല്ലാവർക്കും വിപുലമായ പരിരക്ഷാ പ്രോഗ്രാം ഫിഷിംഗിനെതിരെയുള്ള Google-ൻ്റെ ശക്തമായ പ്രതിരോധം നൽകുന്നു.

നിങ്ങളുടെ ഉപകരണങ്ങൾ പരിരക്ഷിക്കുക

  • സോഫ്‌റ്റ്‌വെയർ അപ് ടു ഡേറ്റ് ആയി നിലനിർത്തൽ

    സുരക്ഷാ ആക്രമണങ്ങളിൽ നിന്ന് സ്വയം പരിരക്ഷിക്കുന്നതിന്, നിങ്ങളുടെ വെബ് ബ്രൗസർ, ഓപ്പറേറ്റിംഗ് സിസ്‌റ്റം, പ്ലഗിനുകൾ, ഡോക്യുമെന്റ് എഡിറ്ററുകൾ എന്നിവയിലെല്ലാം എപ്പോഴും അപ് ടു ഡേറ്റ് ആയ സോഫ്‌റ്റ്‌വെയറുകൾ ഉപയോഗിക്കുക. നിങ്ങളുടെ സോഫ്‌റ്റ്‌വെയറുകൾ അപ്‌ഡേറ്റ് ചെയ്യാനുള്ള അറിയിപ്പുകൾ ലഭിക്കുമ്പോൾ, എത്രയും പെട്ടെന്ന് തന്നെ അത് ചെയ്യുക.

    നിങ്ങൾ ഏറ്റവും പുതിയ പതിപ്പാണ് എപ്പോഴും റൺ ചെയ്യുന്നതെന്ന് ഉറപ്പുവരുത്താൻ പതിവായി ഉപയോഗിക്കുന്ന സോഫ്‌റ്റ്‌വെയറുകൾ അവലോകനം ചെയ്യുക. Chrome ബ്രൗസർ ഉൾപ്പെടെയുള്ള ചില സേവനങ്ങൾ സ്വമേധയാ അപ്‌ഡേറ്റ് ചെയ്യപ്പെടും.

  • നിങ്ങളുടെ ഫോണിലെ ദോഷകരമാകാൻ സാധ്യതയുള്ള ആപ്പുകൾ ഓഫ് ചെയ്യുക

    നിങ്ങൾക്ക് വിശ്വാസമുള്ള ഉറവിടത്തിൽ നിന്ന് മാത്രം മൊബൈൽ ആപ്പുകൾ ഡൗൺലോഡ് ചെയ്യുക. Android ഉപകരണങ്ങൾ സുരക്ഷിതമായി നിലനിർത്താൻ സഹായിക്കുന്നതിന്, Google Play സ്‌റ്റോറിൽ നിന്ന് ആപ്പുകൾ ഡൗൺലോഡ് ചെയ്യുന്നതിന് മുമ്പായി ആപ്പുകളിൽ Google Play പരിരക്ഷ, ഒരു സുരക്ഷാ പരിശോധന റൺ ചെയ്യുന്നു, കൂടാതെ മറ്റ് ഉറവിടങ്ങളിൽ നിന്നുള്ള ദോഷകരമാകാൻ സാധ്യതയുള്ള ആപ്പുകൾക്കായി ഇടയ്‌ക്കിടെ നിങ്ങളുടെ ഉപകരണം പരിശോധിക്കുകയും ചെയ്യുന്നു.

    നിങ്ങളുടെ ഡാറ്റ പരിരക്ഷിതമായി നിലനിർത്താൻ:

    • നിങ്ങളുടെ ആപ്പുകൾ അവലോകനം ചെയ്യുക, ഉപയോഗിക്കാത്തവ ഇല്ലാതാക്കുക.
    • നിങ്ങളുടെ ആപ്പ് സ്‌റ്റോർ ക്രമീകരണം സന്ദർശിച്ച് സ്വമേധയായുള്ള അപ്‌ഡേറ്റുകൾ പ്രവർത്തനക്ഷമമാക്കുക
    • നിങ്ങൾക്ക് വിശ്വാസമുള്ള ആപ്പുകളിലേക്ക് മാത്രം ലൊക്കേഷൻ, ഫോട്ടോകൾ പോലെയുള്ള സെൻസിറ്റീവ് ഡാറ്റയിലേക്ക് ആക്‌സസ് നൽകുക
  • സ്‌ക്രീൻ ലോക്ക് ഉപയോഗിക്കുക

    നിങ്ങളുടെ കമ്പ്യൂട്ടർ, ലാപ്‌ടോപ്പ്, ടാബ്‌ലറ്റ് അല്ലെങ്കിൽ ഫോൺ എന്നിവ ഉപയോഗിക്കാത്ത സമയത്ത്, മറ്റുള്ളവർ ഉപയോഗിക്കുന്നത് തടയാൻ സ്‌ക്രീൻ ലോക്ക് ചെയ്യുക. അധിക സുരക്ഷയ്ക്കായി, ഉപകരണം സ്ലീപ്പാകുമ്പോൾ സ്വമേധയാ ലോക്ക് ചെയ്യുന്നത് സജ്ജമാക്കുക.

  • നിങ്ങളുടെ ഫോൺ നഷ്‌ടപ്പെട്ടാൽ അത് ലോക്ക് ചെയ്യുക

    ഫോൺ നഷ്‌ടപ്പെടുകയോ കളവ് പോവുകയോ ചെയ്‌താൽ, പെട്ടെന്ന് പൂർത്തീകരിക്കാവുന്ന ചില ഘട്ടങ്ങളിലൂടെ നിങ്ങളുടെ ഡാറ്റ പരിരക്ഷിക്കുന്നതിന് [നിങ്ങളുടെ Google അക്കൗണ്ട്] സന്ദർശിച്ച് (https://myaccount.google.com/?hl=en) “നിങ്ങളുടെ ഫോൺ കണ്ടെത്തുക” തിരഞ്ഞെടുക്കുക. നിങ്ങളുടെ പക്കൽ ഒരു Android അല്ലെങ്കിൽ iOS ഉപകരണം ഉണ്ടെങ്കിൽ, വിദൂരമായി ഫോൺ കണ്ടെത്താനും ലോക്ക് ചെയ്യാനും കഴിയുന്നതിനാൽ മറ്റാർക്കും അത് ഉപയോഗിക്കാനോ വ്യക്തിഗത വിവരങ്ങൾ ആക്‌സസ് ചെയ്യാനോ കഴിയില്ല.

ഫിഷിംഗ് ശ്രമങ്ങൾ ഒഴിവാക്കുക

  • സംശയാസ്‌പദമായ URL-കൾ അല്ലെങ്കിൽ ലിങ്കുകൾ എപ്പോഴും പരിശോധിക്കുക

    പാസ്‌വേഡ് പോലെയുള്ള നിർണ്ണായക വ്യക്തിഗത വിവരങ്ങൾ വെളിപ്പെടുത്താനായി കബളിപ്പിക്കാനുള്ള ശ്രമമാണ് ഫിഷിംഗ്. ഇത് വിവിധ രീതികളിലുണ്ടാകാമെന്നതിനാൽ, സംശായാസ്‌പദമായ ഇമെയിലുകളും വെബ്‌സൈറ്റുകളും എങ്ങനെ കണ്ടെത്താമെന്ന് മനസ്സിലാക്കുക. ഉദാഹരണത്തിന്, നിയമാനുസൃതമാണെന്ന് തോന്നിപ്പിക്കുന്ന തരത്തിലുള്ള ഒരു ലോഗിൻ പേജ് ഹാക്കർ സൃഷ്‌ടിച്ചേക്കാം, എന്നാൽ യഥാർത്ഥത്തിൽ അത് വ്യാജമായിരിക്കും, ഒരിക്കൽ നിങ്ങളുടെ പാസ്‌വേഡ് വെളിപ്പെടുത്തിക്കഴിഞ്ഞാൽ ഹാക്കർക്ക് നിങ്ങളുടെ അക്കൗണ്ട് ആക്സസ് ചെയ്യാനോ മെഷീനിനെ അപകടത്തിലാക്കാനോ കഴിയും.

    ഫിഷിംഗ് ചെയ്യപ്പെടുന്നത് ഒഴിവാക്കാൻ:

    • സംശയാസ്‌പദമായ ലിങ്കുകളിൽ ഒരിക്കലും ക്ലിക്ക് ചെയ്യരുത്. *നിയമാനുസൃത വെബ്‌സൈറ്റിലേക്കോ ആപ്പിലേക്കോ ആണ് നിങ്ങൾ ഡാറ്റ നൽകുന്നതെന്ന് ഉറപ്പുവരുത്താൻ എപ്പോഴും URL രണ്ടുതവണ പരിശോധിക്കുക.
    • ഏത് വിവരവും സമർപ്പിക്കുന്നതിന് മുമ്പ് സൈറ്റിൻ്റെ URL ആരംഭിക്കുന്നത് “https”-ലാണെന്ന് ഉറപ്പുവരുത്തുക.
  • ആൾമാറാട്ടക്കാരെ സൂക്ഷിക്കുക

    നിങ്ങൾക്കറിയാവുന്ന ആരെങ്കിലും നിങ്ങൾക്ക് ഇമെയിൽ ചെയ്യുകയും സന്ദേശം വിചിത്രമായി തോന്നുകയും ചെയ്‌താൽ, അവരുടെ അക്കൗണ്ട് ഹാക്ക് ചെയ്‌തിട്ടുണ്ടാകാം. ഇമെയിൽ നിയമാനുസൃതമാണെന്ന് സ്ഥിരീകരിക്കാൻ കഴിഞ്ഞില്ലെങ്കിൽ, സന്ദേശത്തിന് മറുപടി നൽകരുത്, ലിങ്കിൽ ക്ലിക്ക് ചെയ്യരുത്.

    ഇത് പോലുള്ള കാര്യങ്ങൾ സൂക്ഷിക്കുക:

    • അടിയന്തിരമായി പണം നൽകാനുള്ള അഭ്യർത്ഥനകൾ
    • മറ്റൊരു രാജ്യത്ത് കുടുങ്ങിയതായി അവകാശപ്പെടുന്ന വ്യക്തി
    • ഫോൺ മോഷ്‌ടിച്ചെന്നും അതിനാൽ വിളിക്കാനായില്ല എന്നും പറയുന്ന വ്യക്തി
  • വ്യക്തിഗത വിവര അഭ്യർത്ഥനകൾക്കെതിരെ ജാഗ്രത പാലിക്കുക

    പാസ്‌വേഡുകൾ, ബാങ്ക് അക്കൗണ്ട്, ക്രെഡിറ്റ് കാർഡ് നമ്പറുകൾ അല്ലെങ്കിൽ നിങ്ങളുടെ ജന്മദിനം എന്നിവപോലുള്ള വ്യക്തിഗത വിവരങ്ങൾ ചോദിക്കുന്ന സംശയാസ്‌പദമായ ഇമെയിലുകൾ, തൽക്ഷണ സന്ദേശങ്ങൾ അല്ലെങ്കിൽ പോപ്പ്-അപ്പ് വിൻഡോകൾ എന്നിവയ്ക്ക് മറുപടി നൽകരുത്. ബാങ്ക് പോലെയുള്ള നിങ്ങൾ വിശ്വസിക്കുന്ന സൈറ്റിൽ നിന്നുള്ള സന്ദേശം ആണെങ്കിൽ പോലും ലിങ്കിൽ ക്ലിക്ക് ചെയ്യുകയോ സന്ദേശത്തിന് മറുപടി അയയ്‌ക്കുകയോ ചെയ്യരുത്. നിങ്ങളുടെ അക്കൗണ്ടിലേക്ക് ലോഗിൻ ചെയ്യുന്നതിന് അവരുടെ വെബ്‌സൈറ്റിലേക്കോ ആപ്പിലേക്കോ നേരിട്ട് പോകുന്നതാണ് നല്ലത്.

    ഇമെയിൽ വഴി പാസ്‌വേഡുകളോ സാമ്പത്തിക വിവരങ്ങളോ അയയ്ക്കാൻ നിയമാനുസൃത സൈറ്റുകളും സേവനങ്ങളും ആവശ്യപ്പെടില്ല എന്ന് ഓർക്കുക.

  • ഇമെയിൽ സ്‌കാം, വ്യാജ സമ്മാനങ്ങൾ, സമ്മാനങ്ങൾ എന്നിവയെ സൂക്ഷിക്കുക

    അപരിചിതരിൽ നിന്നുള്ള സന്ദേശങ്ങളെ എപ്പോഴും സംശയിക്കുക, പ്രത്യേകിച്ചും സത്യമാവുകയാണെങ്കിൽ വളരെ സന്തോഷമുണ്ടാക്കുന്ന കാര്യങ്ങൾ — നിങ്ങൾ എന്തെങ്കിലും സമ്മാനം നേടിയിട്ടുണ്ടെന്ന് പ്രഖ്യാപിക്കുന്നത് പോലെയുള്ളവ, സർവേ പൂർത്തിയാക്കാൻ സമ്മാനങ്ങൾ വാഗ്‌ദാനം ചെയ്യുന്നത് പോലെയുള്ളവ അല്ലെങ്കിൽ പണം സമ്പാദിക്കാൻ വേഗത്തിലുള്ള മാർഗ്ഗങ്ങൾ പ്രോത്സാഹിപ്പിക്കുന്നത് പോലെയുള്ളവ. സംശാസ്‌പദമായ ലിങ്കുകളിൽ ഒരിക്കലും ക്ലിക്ക് ചെയ്യരുത്, ഒരിക്കലും സംശയാസ്‌പദമായ ഫോമുകളിലോ സർവേകളിലോ സ്വകാര്യ വിവരങ്ങൾ നൽകരുത്.

  • ഡൗൺലോഡ് ചെയ്യുന്നതിനു മുമ്പ് ഫയലുകൾ രണ്ടുതവണ പരിശോധിക്കുക

    ചില സങ്കീർണ്ണമായ ഫിഷിംഗ് ആക്രമണങ്ങൾ, വൈറസ് ബാധിച്ച ഡോക്യുമെന്‍റുകൾ, PDF അറ്റാച്ച്മെന്‍റുകൾ എന്നിവ വഴി സംഭവിക്കുന്നവയാണ് നിങ്ങൾ സംശയാസ്പദമായ അറ്റാച്ച്‌മെന്‍റിൽ എത്തിയിട്ടുണ്ടെങ്കിൽ, അത് തുറക്കുന്നതിന് Chrome അല്ലെങ്കിൽ Google ഡ്രൈവ് ഉപയോഗിക്കുക, അത് നിങ്ങളുടെ ഉപകരണത്തെ ദോഷകരമായി ബാധിക്കാനുള്ള സാധ്യത കുറയ്ക്കും. ഞങ്ങൾ ഒരു വൈറസ് കണ്ടെത്തുകയാണെങ്കിൽ, നിങ്ങൾക്ക് ഒരു മുന്നറിയിപ്പ് കാണിക്കും.

സുരക്ഷിത നെറ്റ്‌വർക്കുകളിലും കണക്ഷനുകളിലും ബ്രൗസ് ചെയ്യൽ

  • സുരക്ഷിത നെറ്റ്‌വർക്കുകൾ ഉപയോഗിക്കുക

    പബ്ലിക്കായതോ സൗജന്യമായതോവായ വൈഫൈ ഉപയോഗിക്കുമ്പോൾ, അവ പാസ്‌വേഡ് ചോദിക്കുന്നുണ്ടെങ്കിൽ കൂടി ജാഗ്രത പുലർത്തുക. ഈ നെറ്റ്‌വർക്കുകൾ എൻക്രിപ്‌റ്റ് ചെയ്‌തിട്ടുണ്ടാവില്ല, അതിനാൽ നിങ്ങൾ ഒരു പബ്ലിക് നെറ്റ്‌വർക്കിലേക്ക് കണക്‌റ്റ് ചെയ്യുമ്പോൾ, സമീപത്തുള്ള ആർക്കും നിങ്ങൾ സന്ദർശിക്കുന്ന വെബ്‌സൈറ്റുകൾ, സൈറ്റിലേക്ക് ടൈപ്പ് ചെയ്യുന്ന വിവരങ്ങൾ എന്നിവ പോലുള്ള നിങ്ങളുടെ ഇന്‍റര്‍നെറ്റ് പ്രവർത്തനം നിരീക്ഷിക്കാൻ കഴിഞ്ഞേക്കാം. പബ്ലിക്കായതോ സൗജന്യമായതോവായ വൈഫൈ മാത്രമാണ് നിങ്ങൾക്ക് ലഭ്യമായ ഓപ്ഷനെങ്കിൽ, സൈറ്റ് സുരക്ഷിതമാണോയെന്ന് Chrome ബ്രൗസർ നിങ്ങളെ വിലാസ ബാറിൽ അറിയിക്കും. വീട്ടിലാണെങ്കിൽ പോലും, നിങ്ങളുടെ വൈഫൈ നെറ്റ്‌വർക്ക് എൻക്രിപ്‌റ്റ് ആണെന്ന് ഉറപ്പുവരുത്തിയും ശക്തമായ ഒരു പാസ്‌വേഡ് സജ്ജീകരിച്ചും നിങ്ങളുടെ ബ്രൗസിംഗ് ആക്‌റ്റിവിറ്റിയുടെ സ്വകാര്യതയും സുരക്ഷയും പരിരക്ഷിക്കുക.

  • തന്ത്രപ്രധാന വിവരങ്ങൾ നൽകുന്നതിനുമുമ്പ് സുരക്ഷിത കണക്ഷനുകൾ തിരയുക

    നിങ്ങൾ വെബ് ബ്രൗസ് ചെയ്യുമ്പോൾ – പ്രത്യേകിച്ചും പാസ്‌വേഡ് അല്ലെങ്കിൽ ക്രെഡിറ്റ് കാർഡ് നമ്പർ പോലുള്ള രഹസ്യസ്വഭാവമുള്ള വിവരങ്ങൾ നൽകാൻ ഉദ്ദേശിക്കുന്നെങ്കിൽ – നിങ്ങൾ സന്ദർശിക്കുന്ന സൈറ്റുകളിലേക്കുള്ള കണക്ഷൻ സുരക്ഷിതമാണെന്ന് ഉറപ്പ് വരുത്തുക. അതൊരു സുരക്ഷിത URL ആണെങ്കിൽ, Chrome ബ്രൗസർ URL ഫീൽഡിൽ ലോക്ക് ചെയ്‌ത ചാരനിറത്തിലുള്ള ഒരു ഐക്കൺ കാണിക്കും. നിങ്ങൾ സന്ദർശിക്കുന്ന വെബ്‌സൈറ്റുകളുമായി നിങ്ങളുടെ ബ്രൗസറോ ആപ്പോ സുരക്ഷിതമായി കണക്‌റ്റ് ചെയ്യുന്നതിലൂടെ HTTPS നിങ്ങളുടെ ബ്രൗസിംഗ് സുരക്ഷിതമായി നിലനിർത്താൻ സഹായിക്കുന്നു.

ഞങ്ങളുടെ സുരക്ഷാ നടപടികളെ കുറിച്ച് കൂടുതലറിയുക

നിങ്ങളുടെ സുരക്ഷ

ഈ മേഖലയിൽ ലഭ്യമായ മുൻനിര സുരക്ഷ ഉപയോഗിച്ച് ഞങ്ങൾ നിങ്ങളെ ഓൺലൈനിൽ പരിരക്ഷിക്കുന്നു.

നിങ്ങളുടെ സ്വകാര്യത

എല്ലാവർക്കും അനുയോജ്യമായ സ്വകാര്യതാ തത്ത്വങ്ങളാണ് ഞങ്ങൾ സൃഷ്‌ടിക്കുന്നത്.

കുടുംബങ്ങൾക്ക്

നിങ്ങളുടെ കുടുംബത്തിന് ഓൺലൈനിൽ അനുയോജ്യമായത് എന്താണെന്ന് മാനേജ് ചെയ്യാൻ ഞങ്ങൾ സഹായിക്കുന്നു.