Pagpapanatiling pribado ng iyong pribadong impormasyon

Gumagamit kami ng data para gawing kapaki-pakinabang ang mga produkto ng Google sa mga sitwasyon kung saan mahalaga ito — tulad ng pagtulong sa iyo na makahanap ng restaurant sa malapit o rutang pauwi na mas nakakatipid sa gasolina.

Gumagamit din kami ng data para makapaghatid ng mga mas may kaugnayang ad Bagama't ginagawang posible ng mga ad na ito na makapag-alok kami ng mga produkto nang libre para sa lahat, mahalagang linawing hindi namin kailanman ibinebenta ang iyong personal na impormasyon sa kahit sino, kahit para sa mga layunin ng ad. Sadyang hindi ito pinapayagan.

Gusto naming ipaalam sa iyo kung anong data ang kinokolekta namin, paano namin ito ginagamit, at bakit. Mahalaga ang transparency, kaya ginagawa naming madaling mahanap at maunawaan ang impormasyong ito. Sa pamamagitan nito, makakagawa ka ng mga may-kabatirang desisyon kung paano mo gagamitin ang mga produkto ng Google.

Ibig sabihin, madali mong mapipili ang mga setting ng privacy na mainam para sa iyo at makokontrol mo ang personal na impormasyong ibinahagi mo sa Google kailan mo man gusto — kabilang ang pagsuri sa iyong data, pag-download at paglilipat nito sa ibang serbisyo kung gusto mo, o ganap na pag-delete nito.

Hindi namin kailanman ginagamit ang content na ginagawa at sino-store mo sa mga app tulad ng Drive, Gmail, at Photos para sa mga layunin ng pag-advertise, at hindi kami kailanman gumagamit ng sensitibong impormasyon tulad ng kalusugan, lahi, relihiyon, o sekswal na oryentasyon para mag-angkop ng mga ad sa iyo

Ginawa rin naming default ang mga kontrol ng awtomatikong pag-delete kapag nag-sign up ka para sa Google account, kaya regular naming dine-delete ang data ng iyong aktibidad online na nakaugnay sa Google account mo, tulad ng mga hinanap at pinanood mo.

Kapag ginagamit mo ang aming mga produkto, ipinagkakatiwala mo sa amin ang iyong impormasyon at trabaho naming panindigan ito. Kaya naman ginagamit namin ang isa sa mga pinaka-advanced na imprastraktura ng seguridad sa mundo para protektahan ang iyong data.

Idinisenyo ang aming mga produkto na naka-default na maging secure at tuloy-tuloy naming pinapalakas ang aming mga hakbang na panseguridad para ma-detect ang at magprotekta laban sa mga umuusbong na banta online, tulad ng mga bad actor na sumusubok na nakawin ang iyong personal na impormasyon, bago pa sila makaabot sa iyo.

Nasa sentro ng lahat ng ginagawa namin ang pagpapanatiling bukas, pribado, at ligtas ng internet. Hindi dapat huminto sa Google ang iyong kaligtasan online — saklaw dapat nito ang buong internet. Kaya naman patuloy kaming bumubuo ng mga teknolohiya sa privacy at ginagawa namin itong available sa marami. Ibinabahagi namin ang mga natututunan, nararanasan, at tool namin sa mga partner, organisasyon, at kakumpitensya, dahil kailangang magtulungan ang lahat para mapanatiling ligtas ang internet.