Kung hindi ito secure,
hindi ito pribado
Tuloy-tuloy na pinoprotektahan ng isa sa mga pinaka-advanced na imprastraktura ng seguridad sa mundo ang lahat ng produkto ng Google. Awtomatikong nade-detect at pinipigilan ng built-in na seguridad na ito ang mga banta online, kung kaya makakampante kang ligtas ang iyong pribadong impormasyon.
Mas marami kaming taong pinapanatiling ligtas online kaysa sa sinupaman sa mundo
Pag-encrypt
Pinapanatili ng pag-encrypt na pribado at ligtas ang data habang inililipat ito
Naghahatid ang pag-encrypt ng mas mataas na level ng seguridad at privacy sa aming mga serbisyo. Kapag nagpadala ka ng email, nag-share ng video, bumisita sa isang website, o nag-store ng iyong mga larawan, nagpapalipat-lipat ang ginagawa mong data sa iyong device, mga serbisyo ng Google, at sa mga data center namin. Pinoprotektahan namin ang data na ito gamit ang maraming layer ng seguridad, kabilang ang nangungunang teknolohiya sa pag-encrypt tulad ng HTTPS at Transport Layer Security.
Mga alertong panseguridad
Nakakatulong ang maaagap na alertong panseguridad na protektahan ang iyong pribadong impormasyon
Aabisuhan ka namin kaagad kung may ma-detect kaming bagay na sa tingin namin ay dapat mong malaman, tulad ng kahina-hinalang pag-log in o nakakapinsalang website, file, o app, at magbibigay kami ng gabay para tulungan kang patibayin ang iyong seguridad. Halimbawa, bibigyan ka namin ng babala sa Gmail bago ka mag-download ng attachment na posibleng maglagay sa iyo sa panganib, o kung may isang taong magla-log in sa account mo mula sa device na hindi nauugnay sa iyo. Kapag may na-detect kaming kahina-hinalang bagay sa iyong account, magpapadala kami ng notification sa iyong inbox o telepono para maprotektahan mo ang iyong account sa isang pag-click.
Pag-block ng mga lumalabag na ad
Pag-block ng mga nakakapinsala at mapanlinlang na ad bago pa makarating ang mga ito sa iyo
Posibleng makaapekto sa iyong online na experience at makakompromiso sa iyong seguridad ang mga ad na nagdadala ng malware, humaharang sa content na sinusubukan mong tingnan, nagpo-promote ng mga pekeng produkto, o lumalabag sa aming mga patakaran sa pag-advertise sa ibang paraan. Lubos naming sineseryoso ang problemang ito. Bilyon-bilyong lumalabag na ad ang bina-block namin bawat taon — 100 kada segundo bilang average — sa pamamagitan ng pinagsamang mga live na reviewer at sopistikadong software. Binibigyan ka rin namin ng mga tool para iulat ang mga nakakapanakit na ad at kontrolin ang mga uri ng ad na nakikita mo. At aktibo naming pina-publish ang aming mga insight at pinakamahuhusay na kagawian para tulungang gawing mas ligtas ang internet para sa lahat.
Seguridad ng Cloud
Pinoprotektahan ng aming cloud infrastructure ang data nang 24/7
Mula sa mga custom na idinisenyong data center hanggang sa mga pribadong cable sa ilalim ng dagat na naglilipat ng data sa iba't ibang kontinente, pinapatakbo namin ang isa sa mga pinaka-secure at mapagkakatiwalaang cloud infrastructure sa buong mundo. Tuloy-tuloy itong sinusubaybayan para protektahan ang iyong data at panatilihin itong available. At kung may mangyaring abala, posibleng awtomatiko at instant na ililipat ang mga serbisyo ng platform mula sa isang pasilidad patungo sa isa pa para magpatuloy ang mga ito nang walang pagkaantala.
MGA TOOL SA PAG-AUTHENTICATE
Mas ligtas na pag-sign in para sa lahat ng iyong online na account
Ang mga online na account ay nagbibigay ng access sa mahahalaga at naka-personalize na serbisyo, pero ang pag-sign in sa mga ito ang pinakamalaking panganib sa seguridad sa kasalukuyan. Araw-araw, milyon-milyong password ang nae-expose sa mga breach sa data, na posibleng maglagay sa iyong pribadong impormasyon sa panganib.
Ang aming mga built-in na tool sa pag-authenticate ay idinisenyo para tulungan kang mag-sign in nang mabilis at secure sa mga app at serbisyong gusto mo.
Ang aming mga built-in na tool sa pag-authenticate ay idinisenyo para tulungan kang mag-sign in nang mabilis at secure sa mga app at serbisyong gusto mo.
Ginagawa naming secure ang mga produktong ginagamit mo araw-araw
Pinoprotektahan ka ng mga awtomatikong pag-update ng Chrome laban sa malware at mga mapanlinlang na site
Palaging nagbabago ang mga teknolohiya sa seguridad, kaya regular na tinitiyak ng Chrome na up to date ang bersyon ng browser na ginagamit mo. Kasama rito ang mga pinakabagong pag-aayos sa seguridad at proteksyon laban sa malware at mapanlinlang na site. At puwede itong awtomatikong mag-update, kaya madaling manatiling protektado gamit ang pinakabagong teknolohiya sa seguridad ng Chrome.
Pinapanatiling ligtas ang iyong Android device, mga app, at data sa pamamagitan ng Google Play Protect
Built in ang Google Play Protect sa iyong Android device at tuloy-tuloy itong gumagana nang hindi napapansin para panatilihing ligtas ang iyong device, data, at mga app. Araw-araw, awtomatiko naming sina-scan ang mga app sa mga Android phone at nagsisikap kaming pigilan ang mga mapaminsalang app na makaabot sa mga ito, at dahil dito, ang Google Play Protect ang pinakamalawakang ginagamit na serbisyo sa proteksyon laban sa banta sa mobile sa buong mundo.
Pinoprotektahan ka ng Gmail mula sa mga kahina-hinalang email at inaalertuhan ka nito sa mga panganib
Maraming malware at phishing attack ang nagsisimula sa email. Mas mahusay ang Gmail kaysa sa ibang serbisyo sa email pagdating sa pagprotekta sa iyo laban sa spam, phishing, at malware. Gamit ang machine learning at artificial intelligence, sinusuri ng Gmail ang mga pattern sa bilyon-bilyong mensahe para matukoy ang mga katangian ng mga email na minarkahan ng mga user bilang spam, at ginagamit nito ang mga marker na iyon para i-block ang 99.9% ng mga kahina-hinala o mapanganib na email bago pa makarating ang mga ito sa iyo.
