Idinisenyo para sa kaligtasan
ang bawat produkto ng Google.

Araw-araw, bilyon-bilyong tao ang gumagamit ng Google para makahanap ng maaasahang impormasyon, makapunta sa kanilang destinasyon, makipag-ugnayan sa mga mahal sa buhay, at higit pa. Kapag gumagamit ka ng aming mga produkto at serbisyo, responsibilidad naming panatilihing pribado, ligtas, at secure ang iyong personal na impormasyon.

I-explore ang mga produkto

Maghanap.
Ligtas at secure.

Laptop at teleponong nagpapakita sa Google Search

Mga ligtas na resultang may mataas na kalidad

Nagsisikap kami para matiyak na makakakita ka ng mga kapaki-pakinabang na resulta ng paghahanap na may mataas na kalidad at hindi spam sa web, gaya ng mga site na hindi inihahatid ang pangakong content na may mataas na kalidad o gumagamit ng mga diskarteng posibleng mapaminsala sa mga user. Patuloy naming pinapahusay ang aming teknolohiya sa pag-alis sa spam at patuloy kaming nakikipagtulungan sa labas ng Google para magsiguro may mataas na kalidad at mas ligtas na web.
Secure ang iyong mga paghahanap

Naka-encrypt bilang default ang lahat ng paghahanap sa google.com at sa Google app kaya protektado ang hinahanap mo.
Mga kontrol sa privacy na madaling gamitin

Ginagawa naming secure ang iyong history sa Search at tinitiyak naming madali mo itong masusuri at made-delete sa iyong account gamit ang mga kontrol sa privacy.
Mga kontrol para sa kaligtasan ng content

Idinisenyo ang Search para matulungan kang mahanap ang hinahanap mo. Puwede kang magdagdag ng layer ng proteksyon sa pamamagitan ng pag-opt in sa SafeSearch, na makakatulong sa pag-filter ng mga resultang tahasang seksuwal.
Maghanap sa Incognito mode gamit ang Google app

Ang Google app para sa iOS ay may kasamang Incognito mode. Palagi itong isang pindot lamang ang layo mula sa homescreen.

Matuto pa

Email na nagpapanatiling
ligtas sa iyong pribadong impormasyon.

GMAIL

Malalakas na proteksyon laban sa phishing

Maraming malware at phishing attack ang nagsisimula sa email. Bina-block ng Gmail ang mahigit 99.9% ng spam, mga pagsubok na magsagawa ng phishing, at malware para hindi makarating sa iyo ang mga ito.
Kaligtasan ng account

Pinoprotektahan namin ang iyong account laban sa mga kahina-hinalang pag-log in at hindi awtorisadong aktibidad sa pamamagitan ng pagsubaybay sa maraming signal ng seguridad. Inaalok din namin ang Programang Advanced na Proteksyon para sa mga account na pinakananganganib sa mga naka-target na pag-atake.
Pag-encrypt ng email

Sa imprastraktura ng Google, ine-encrypt ang mga mensahe kapag nakabinbin at habang inihahatid sa pagitan ng mga data center. Ine-encrypt ang mga mensaheng inihahatid sa mga third-party na provider gamit ang Transport Layer Security kapag posible o kinakailangan ng configuration.

Matuto pa

Seguridad na hindi mo
kailangang alalahanin.

Chrome

Secure bilang default

Pinoprotektahan ka ng mga built-in na proteksyon tulad ng Ligtas na Pag-browse, pag-sandbox, at iba pang pinakamahusay na teknolohiya laban sa mga mapanganib na site, malware, at banta kapag gumagamit ka ng Chrome.
Mga awtomatikong update sa seguridad

Awtomatikong mag-a-update ang Chrome kada anim na linggo para makuha mo ang mga pinakabagong feature at pag-aayos na panseguridad, at wala kang kailangang gawin.
Mga natatanging password na mahirap hulaan

Para mapanatiling mas secure ang lahat ng iyong account, puwedeng tumulong ang Chrome na gumawa ng mga natatanging password na mahirap hulaan at ilagay ang mga ito para sa iyo sa iba't ibang device habang nagba-browse ka sa web.
Incognito mode

Sa Incognito mode sa Chrome, makakapag-browse ka sa internet nang hindi nase-save ang iyong aktibidad sa browser o device mo.

Matuto pa

Tuklasin ang mundo at
kontrolin ang iyong privacy.

Maps

Incognito mode

Gumamit ng Maps sa Incognito mode at hindi mase-save sa iyong device ang aktibidad mo. Madaling i-on ang Incognito mode sa Maps sa pamamagitan ng pag-tap sa iyong larawan sa profile, at i-off ito anumang oras para magkaroon ng mas naka-personalize na karanasan, kabilang ang mga rekomendasyon sa restaurant at iba pang feature na iniangkop sa iyo.
Mga kontrol sa privacy na madaling i-access

Sa pamamagitan ng “Iyong data sa Maps,” madali mong maa-access ang iyong History ng Lokasyon at iba pang kontrol sa privacy para tingnan at pamahalaan ang data mo.

Matuto pa

Kontrolado mo
ang iyong karanasan sa YouTube.

YouTube

Mga Setting ng Ad

Hinding-hindi namin ibinebenta ang iyong personal na impormasyon sa kahit na sino. Nagbibigay rin kami ng mga setting ng ad para mas mahusay mong makontrol ang mga ad na nakikita mo at ma-off mo ang pag-personalize ng mga ad sa iyong Mga Setting ng Ad.
Incognito mode

Habang naka-on ang Incognito mode sa YouTube, hindi mase-save sa iyong Google Account o maisasama sa history ng panonood mo ang iyong aktibidad – tulad ng mga pinapanood mong video.
Mga kontrol sa privacy na madaling gamitin

Mapapaganda ng iyong History sa YouTube ang karanasan mo at makakapagbigay ito ng mga rekomendasyon sa content. Pagpasyahan kung gaano katagal papanatilihin ang iyong History sa YouTube o ganap itong i-off sa pamamagitan ng pagpunta sa “Iyong Data sa YouTube.”

Matuto pa

Google Photos, isang ligtas na lugar
para sa mga alaala ng buhay.

Laptop at teleponong nagpapakita sa Photos

Google Photos

Pagpapanatiling ligtas sa iyong impormasyon

Pinoprotektahan namin ang mga alaalang bina-back up mo sa Google Photos gamit ang isa sa mga pinakamakabagong imprastrakturang panseguridad sa buong mundo. Ine-encrypt din namin ang iyong impormasyon kapag inihahatid ito sa pagitan ng device mo, mga serbisyo ng Google, at aming mga data center.
Responsableng pangangasiwa ng data

Hindi ibinebenta ng Google Photos ang iyong mga larawan, video, o personal na impormasyon sa kahit na sino at hindi namin ginagamit ang mga larawan at video mo para sa pag-advertise. Pinapadali ng mga feature na tulad ng pagpapangkat ng mukha ang paghahanap at pamamahala sa iyong mga larawan. Gayunpaman, ikaw lang ang makakakita sa mga pangkat ng mukha at label at hindi namin ginagawang available sa komersyo ang teknolohiya sa pagkilala sa mukha na para sa pangkalahatang paggamit.
Pagbibigay sa iyo ng kontrol

Bumubuo kami ng mga tool na madaling gamitin na nagbibigay sa iyo ng kontrol sa karanasan mo sa Google Photos. Puwede kang pumili ng mga iba-back up na larawang gusto mong i-store sa cloud, ligtas na ibahagi ang iyong mga larawan, i-off ang mga pangkat ng mukha at label para i-delete ang mga ito sa account mo, at i-edit ang impormasyon ng lokasyon.

Matuto pa

Idinisenyo para sa privacy
ang Google Assistant.

Google Home, laptop, at teleponong nagpapakita sa Hey Google

Google Assistant

Nagsisimula nang naka-standby

Idinisenyo ang Google Assistant na maghintay sa standby mode hanggang may ma-detect itong pag-activate, halimbawa, kapag narinig nito ang “Ok Google.” Kapag nasa standby mode ito, hindi ipapadala ng iyong Assistant sa Google o sa kahit na sino ang sinasabi mo.

Kapag naka-detect ang Google Assistant ng pag-activate, aalis ito sa standby mode at ipapadala nito ang iyong kahilingan sa mga server ng Google. Puwede rin itong mangyari kung may tunog na parang “Ok Google” o kung may hindi sinasadyang manual na pag-activate.
Idinisenyo para sa privacy

Bilang default, hindi namin pinapanatili ang iyong mga recording ng audio sa Google Assistant Bumisita sa “Iyong data sa Google Assistant” para matuto pa tungkol sa kung paano napapagana ng iyong data ang Google Assistant para sa iyo.
Mga kontrol sa privacy na madaling gamitin

Para kontrolin kung aling mga pakikipag-ugnayan ang iso-store, magsabi lang ng gaya ng “Ok Google, i-delete ang sinabi ko ngayong linggo,” at ide-delete ng Google Assistant ang mga pakikipag-ugnayang iyon sa “Aking Aktibidad.”

Matuto pa

Ang platform na
idinisenyo para magbigay ng proteksyon.

Android

Google Play Protect

Awtomatikong sina-scan ng Google Play Protect ang iyong mga app para matiyak na ligtas ang mga ito. Kung may makita kang hindi maayos na app, mabilis ka naming aalertuhan at sasabihin namin sa iyo kung paano alisin ang app sa iyong device.
Mga pahintulot sa app

Gumagamit ang mga app na dina-download mo ng data sa iyong device para gawing mas kapaki-pakinabang ang functionality ng mga ito. Sa pamamagitan ng mga pahintulot sa app, makokontrol mo kung, at kung kailan, maa-access ng app ang iba't ibang uri ng data sa iyong device, gaya ng mga contact, larawan, at lokasyon.
Mga proteksyon laban sa phishing

Nangyayari ang phishing kapag may sumubok na manloko sa iyo para ibigay mo sa kanya ang iyong pribadong impormasyon. Inaalertuhan ka ng Android tungkol sa mga spammer, at nagbibigay-daan sa iyo ang Call Screen na itanong kung sino ang tumatawag bago mo pa ito sagutin.

Matuto pa

Ang mas ligtas na paraan para makipag-Meet.

Meet

Naka-on bilang default ang mga feature na pangkaligtasan

Para mapanatiling ligtas ang mga meeting, naka-on bilang default sa Google Meet ang mga feature laban sa pang-aabuso at secure na kontrol sa meeting, at sinusuportahan nito ang maraming opsyon sa two-step na pag-verify kabilang ang mga security key.
Naka-on bilang default ang pag-encrypt kapag inihahatid

Naka-encrypt kapag inihahatid ang lahat ng video meeting. Sumusunod ang Meet sa mga pamantayan sa seguridad ng IETF para sa Datagram Transport Layer Security (DTLS).
Sadyang secure na deployment

Hindi kailangan ng mga plugin para magamit ang Meet sa web. Ganap itong gumagana sa Chrome at iba pang browser, kaya mas mahirap itong maapektuhan ng mga banta sa seguridad. Sa mobile, puwede mong i-install ang Google Meet app.

Matuto pa

Pinangangasiwaan ang iyong health data nang may pangangalagang dapat lang nitong matanggap.

Fitbit

Kontrolin ang iyong data ng wellness nang walang kahirap-hirap

Gaano karaming hakbang ang ginawa mo, gaano ka katagal natulog, o anupamang sinusubaybayan mo gamit ang iyong Fitbit – protektado ng built-in na seguridad ang data ng wellness mo. Ikaw ang may kontrol sa iyong data ng kalusugan gamit ang madaling mahanap at madaling gamiting mga setting ng privacy.

Matuto pa