பொறுப்பான தரவு நடைமுறைகளின்
மூலம் உங்கள் தனியுரிமை பாதுகாக்கப்படுகிறது.

எங்கள் தயாரிப்புகளை நீங்கள் பயன்படுத்துவதைப் பாதிக்காமல் உங்கள் தனிப்பட்ட தகவல்களைப் பாதுகாக்கும் புதிய தொழில்நுட்பங்களைத் தொடர்ந்து கண்டுபிடித்து வருகிறோம்.

ஃபெடரேட்டட் லேர்னிங் என்பது தரவுச் சேகரிப்பைக் குறைக்கும் Googleளின் முன்னோடித் தொழில்நுட்பமாகும். இது எங்களின் உதவிகரமான அம்சங்கள் பலவற்றை (எ.கா. சொல்லைக் கணித்தல்) உங்கள் சாதனத்திற்கே கொண்டு சேர்க்கும் வகையில் மெஷின் லேர்னிங் மாடல்களுக்குப் பயிற்சியளிக்கிறது. இந்தப் புதிய அணுகுமுறை எங்கள் தயாரிப்புகள் அனைத்திலும் உங்களுக்கு உதவிகரமான அனுபவத்தை வழங்குவதன் மூலம் உங்கள் தனியுரிமையைப் பாதுகாக்க உதவுகிறது. அதேசமயம் உங்கள் தனிப்பட்ட தகவல்கள் உங்கள் சாதனங்களிலேயே இருக்கும்.

அடையாளம் நீக்கிச் செயலாக்கும் முன்னணித் தொழில்நுட்பங்களைப் பயன்படுத்தி உங்கள் தரவைப் பாதுகாக்கிறோம். அதேசமயம் உங்களுக்குப் பயன்படும் வகையில் சிறப்பான சேவைகளை வழங்குகிறோம். உதாரணமாக, உங்கள் வீட்டிற்கு விரைவாகச் செல்வதற்கான மாற்று வழிகளைப் பரிந்துரைக்க, லட்சக்கணக்கான பயனர்களிடமிருந்து தரவை ஒருங்கிணைத்து அடையாளம் நீக்கிச் செயலாக்குகிறோம்.

Mapsஸில் பிஸியாக இருக்கும் இடங்களைக் காட்டுதல் போன்ற அம்சங்களை வழங்க, 'நுண் பாதுகாப்பு' எனப்படும் அடையாளம் நீக்கிச் செயலாக்கும் மேம்பட்ட தொழில்நுட்பத்தைப் பயன்படுத்துகிறோம். இந்தத் தொழில்நுட்பத்தில் தொடர்பற்ற தகவல்கள் உங்கள் தகவல்களுடன் சேர்க்கப்படும் என்பதால் உங்களைத் தனிப்பட்ட முறையில் அடையாளம் காண அவற்றைப் பயன்படுத்த முடியாது.