ഓൺലൈനിൽ സുരക്ഷിതമായി തുടരാൻ
നിങ്ങളെ സഹായിക്കുന്ന ടൂളുകളും നുറുങ്ങുകളും.
വിപണിയിൽ ലഭ്യമായ ഏറ്റവും മികച്ച സുരക്ഷ ഉപയോഗിച്ച് ഞങ്ങൾ നിങ്ങളുടെ സ്വകാര്യത സ്വയമേവ പരിരക്ഷിക്കുന്നു. നിങ്ങളുടെ ഓൺലൈൻ സുരക്ഷ മാനേജ് ചെയ്യാനും നിങ്ങൾക്കുള്ള ശരിയായ നിലയിലുള്ള പരിരക്ഷ തിരഞ്ഞെടുക്കാനും നിങ്ങൾക്ക് കൈക്കൊള്ളാവുന്ന ചില അധിക നടപടികളുണ്ട്.
സുരക്ഷാ പരിശോധന
സുരക്ഷാ പരിശോധന നടത്തുക
നിങ്ങളുടെ Google അക്കൗണ്ട് പരിരക്ഷിക്കാനുള്ള ഒരു എളുപ്പവഴി സുരക്ഷാ പരിശോധന നടത്തലാണ്. നിങ്ങളുടെ Google അക്കൗണ്ടിന്റെ സുരക്ഷ ശക്തമാക്കാൻ സഹായിക്കുന്നതിന് നിങ്ങൾക്ക് വ്യക്തിപരമാക്കിയതും പ്രവർത്തനക്ഷമവുമായ നിർദ്ദേശങ്ങൾ ഘട്ടം ഘട്ടമായുള്ള ഈ ടൂൾ നൽകുന്നു.
2-ഘട്ട പരിശോധിച്ചുറപ്പിക്കൽ
2 ഘട്ട പരിശോധിച്ചുറപ്പിക്കൽ ഉപയോഗിച്ച് ഹാക്കർമാരെ പ്രതിരോധിക്കുക
നിങ്ങളുടെ അക്കൗണ്ടിലേക്ക് ലോഗിൻ ചെയ്യുന്നതിന്, ഉപയോക്തൃ നാമത്തിനും പാസ്‌വേഡിനും പുറമേ ഒരു ദ്വിതീയ ഘട്ടം കൂടി ഉപയോഗിക്കാൻ ആവശ്യപ്പെടുന്നതിലൂടെ, നിങ്ങളുടെ അക്കൗണ്ട് ആക്‌സസ് ചെയ്യാൻ പാടില്ലാത്തവരെ അത് ഉപയോഗിക്കുന്നതിൽ നിന്ന് അകറ്റിനിർത്താൻ 2-ഘട്ട പരിശോധിച്ചുറപ്പിക്കൽ സഹായിക്കുന്നു. ടാർഗറ്റ് ചെയ്തുള്ള ഓൺലൈൻ ആക്രമണങ്ങളുടെ ഭീഷണി നേരിടുന്നവർക്കും കൂടുതൽ ശക്തമായ പരിരക്ഷ ആവശ്യമുള്ളവർക്കുമായി ഞങ്ങൾ വിപുലമായ പരിരക്ഷാ പ്രോഗാം സൃഷ്ടിച്ചിട്ടുണ്ട്.
ചെറിയ സഹായം.
നിങ്ങളുടെ സ്വകാര്യത സംരക്ഷിക്കാൻ കൈക്കൊള്ളാവുന്ന സുപ്രധാന നടപടികളിലൊന്നാണ് ഓരോ അക്കൗണ്ടിനും ശക്തവും തനതുമായ പാസ്വേഡ് സൃഷ്ടിക്കുക എന്നത്. Google അക്കൗണ്ട്, സോഷ്യൽ മീഡിയ പ്രൊഫൈലുകൾ, ചില്ലറവ്യാപാര വെബ്സൈറ്റുകൾ പോലെയുള്ള ഒന്നിലധികം അക്കൗണ്ടുകളിലേക്ക് ലോഗിൻ ചെയ്യാൻ ഒരേ പാസ്വേഡ് ഉപയോഗിക്കുന്നത് സുരക്ഷാ ഭീഷണി വർദ്ധിപ്പിക്കുന്നു.
ശക്തവും തനതുമായ പാസ്‍വേഡുകൾ ഉപയോഗിക്കുക
നിങ്ങളുടെ സ്വകാര്യത സംരക്ഷിക്കാൻ കൈക്കൊള്ളാവുന്ന സുപ്രധാന നടപടികളിലൊന്നാണ് ഓരോ അക്കൗണ്ടിനും ശക്തവും തനതുമായ പാസ്വേഡ് സൃഷ്ടിക്കുക എന്നത്. Google അക്കൗണ്ട്, സോഷ്യൽ മീഡിയ പ്രൊഫൈലുകൾ, ചില്ലറവ്യാപാര വെബ്സൈറ്റുകൾ പോലെയുള്ള ഒന്നിലധികം അക്കൗണ്ടുകളിലേക്ക് ലോഗിൻ ചെയ്യാൻ ഒരേ പാസ്വേഡ് ഉപയോഗിക്കുന്നത് സുരക്ഷാ ഭീഷണി വർദ്ധിപ്പിക്കുന്നു.
നിങ്ങളുടെ എല്ലാ പാസ്‍വേഡുകളും ട്രാക്ക് ചെയ്‌തുകൊണ്ടിരിക്കൂ
നിങ്ങളുടെ Google അക്കൗണ്ടിലുള്ളത് പോലെ ഒരു പാസ്വേഡ് മാനേജർ, സൈറ്റുകളിലും ആപ്പുകളിലും നിങ്ങൾ ഉപയോഗിക്കുന്ന പാസ്‍വേഡുകൾ ട്രാക്ക് ചെയ്‌തുകൊണ്ടിരിക്കാനും പരിരക്ഷിക്കാനും സഹായിക്കുന്നു. സുരക്ഷിതമായും എളുപ്പത്തിലും നിങ്ങളുടെ അക്കൗണ്ടുകളിലേക്ക് സൈൻ ഇൻ ചെയ്യാൻ നിങ്ങളുടെ എല്ലാ പാസ്‍വേഡുകളും സൃഷ്ടിക്കാനും ഓർമ്മിക്കാനും സുരക്ഷിതമായി സംഭരിക്കാനും Google-ന്റെ പാസ്വേഡ് മാനേജർ നിങ്ങളെ സഹായിക്കുന്നു.
സുരക്ഷാ പ്രശ്‌നങ്ങൾ ഉണ്ടോയെന്നറിയാൻ നിങ്ങളുടെ പാസ്‍വേഡുകൾ പരിശോധിക്കുക
വേഗത്തിലുള്ള പാസ്വേഡ് പരിശോധനയിലൂടെ നിങ്ങളുടെ സംരക്ഷിച്ച എല്ലാ പാസ്‍വേഡുകളുടെയും ദൃഢതയും സുരക്ഷയും പരിശോധിക്കുക. മൂന്നാം കക്ഷി സൈറ്റുകളിലോ അക്കൗണ്ടുകളിലോ ഉപയോഗിക്കുന്ന സംരക്ഷിച്ച പാസ്‍വേഡുകളിൽ ഏതെങ്കിലും അപഹരിക്കപ്പെട്ടിട്ടുണ്ടോ എന്ന് അറിയുക, ആവശ്യമെങ്കിൽ അവ എളുപ്പത്തിൽ മാറ്റുക.
-
നിങ്ങളുടെ ഫോൺ നഷ്‌ടപ്പെട്ടാൽ അത് ലോക്ക് ചെയ്യുക
ഫോൺ നഷ്‌ടപ്പെടുകയോ കളവു പോകുകയോ ചെയ്‌താൽ, വേഗത്തിലുള്ള ചില നടപടികളിലൂടെ നിങ്ങളുടെ ഡാറ്റ പരിരക്ഷിക്കുന്നതിന് നിങ്ങളുടെ Google അക്കൗണ്ട് സന്ദർശിച്ച് “നിങ്ങളുടെ ഫോൺ കണ്ടെത്തുക” തിരഞ്ഞെടുക്കുക. നിങ്ങളുടെ പക്കലുള്ളത് Android ഉപകരണമാണെങ്കിലും iOS ഉപകരണമാണെങ്കിലും വിദൂരമായി ഫോൺ കണ്ടെത്താനും ലോക്ക് ചെയ്യാനും കഴിയുന്നതിനാൽ മറ്റാർക്കും അത് ഉപയോഗിക്കാനോ വ്യക്തിപരമായ വിവരങ്ങൾ ആക്‌സസ് ചെയ്യാനോ കഴിയില്ല.
-
സോഫ്‌റ്റ്‌വെയർ അപ് ടു ഡേറ്റായി നിലനിർത്തുക
ലഭ്യമായ ഏറ്റവും പുതിയ പതിപ്പാണ് നിങ്ങൾ എപ്പോഴും റൺ ചെയ്യുന്നതെന്ന് ഉറപ്പാക്കാൻ നിങ്ങൾ പതിവായി ഉപയോഗിക്കുന്ന സോഫ്‌റ്റ്‌വെയറുകൾ അവലോകനം ചെയ്യുക. Chrome ബ്രൗസർ ഉൾപ്പെടെയുള്ള ചില സേവനങ്ങൾ നിങ്ങൾക്ക് ഏറ്റവും പുതിയ സുരക്ഷാ ഫീച്ചറുകളും പരിഹാരങ്ങളും ലഭ്യമാക്കുന്നതിനായി സ്വയമേവ അപ്‌ഡേറ്റ് ചെയ്യുന്നു.
-
നിങ്ങളുടെ ഫോണിലെ ദോഷകരമാകാൻ സാധ്യതയുള്ള ആപ്പുകൾ ബ്ലോക്ക് ചെയ്യുക
Android-നുള്ള Google-ന്റെ ബിൽറ്റ് ഇൻ മാൽവെയർ പരിരക്ഷയായ Google Play Protect ഉപയോഗിച്ച് ഞങ്ങൾ നിങ്ങളുടെ ഉപകരണം പരിരക്ഷിക്കുന്നു, എന്നാൽ നിങ്ങൾ വിശ്വസിക്കുന്നൊരു ഉറവിടത്തിൽ നിന്ന് വേണം എപ്പോഴും മൊബൈൽ ആപ്പുകൾ ഡൗൺലോഡ് ചെയ്യാൻ. നിങ്ങളുടെ ഡാറ്റ സുരക്ഷിതമായി നിലനിർത്താൻ, നിങ്ങളുടെ ആപ്പുകൾ അവലോകനം ചെയ്‍ത് നിങ്ങൾ ഉപയോഗിക്കാത്തവ നീക്കം ചെയ്യുക, ആപ്പുകളുടെ സ്വയമേവയുള്ള അപ്ഡേറ്റുകൾ പ്രവർത്തനക്ഷമമാക്കുക, ലൊക്കേഷൻ, ഫോട്ടോകൾ എന്നിവ പോലെ സൂക്ഷ്‌മമായി കൈകാര്യം ചെയ്യേണ്ട ഡാറ്റയിലേക്കുള്ള ആപ്പിന്റെ ആക്‌സസ് നിയന്ത്രിക്കുക.
-
സ്‌ക്രീൻ ലോക്ക് ഉപയോഗിക്കുക
നിങ്ങളുടെ കമ്പ്യൂട്ടർ, ലാപ്‌ടോപ്പ്, ടാബ്‌ലറ്റ്, ഫോൺ എന്നിവ നിങ്ങൾ ഉപയോഗിക്കാത്തപ്പോൾ മറ്റുള്ളവർ ഉപയോഗിക്കുന്നത് തടയാൻ സ്‌ക്രീൻ ലോക്ക് ചെയ്യുക. അധിക സുരക്ഷയ്ക്ക്, ഉപകരണം ഉറക്ക മോഡിലാകുമ്പോൾ സ്വയമേവ ലോക്ക് ചെയ്യുന്ന തരത്തിൽ സജ്ജീകരിക്കുക.
-
സുരക്ഷിത നെറ്റ്‌വർക്കുകൾ ഉപയോഗിക്കുക
പൊതുവായതോ സൗജന്യമായതോ ആയ വൈഫൈ ഉപയോഗിക്കുമ്പോൾ, അവ പാസ്വേഡ് ചോദിക്കുന്നുണ്ടെങ്കിൽ കൂടി ജാഗ്രത പുലർത്തുക. ഈ നെറ്റ്‌വർക്കുകൾ എൻക്രിപ്‌റ്റ് ചെയ്‌തിട്ടുണ്ടാകില്ല, അതിനാൽ നിങ്ങൾ ഒരു പൊതു നെറ്റ്‌വർക്കിലേക്ക് കണക്‌റ്റ് ചെയ്യുമ്പോൾ, സമീപത്തുള്ള ആർക്കും നിങ്ങൾ സന്ദർശിക്കുന്ന വെബ്സൈറ്റുകൾ, സൈറ്റിലേക്ക് ടൈപ്പ് ചെയ്യുന്ന വിവരങ്ങൾ എന്നിവ പോലുള്ള നിങ്ങളുടെ ഇന്റർനെറ്റ് ആക്റ്റിവിറ്റി നിരീക്ഷിക്കാൻ കഴിഞ്ഞേക്കാം. പൊതുവായതോ സൗജന്യമായതോ ആയ വൈഫൈ മാത്രമാണ് നിങ്ങൾക്ക് ലഭ്യമായ ഓപ്ഷനെങ്കിൽ, സൈറ്റ് സുരക്ഷിതമല്ലാത്ത സാഹചര്യത്തിൽ Chrome ബ്രൗസർ നിങ്ങളെ വിലാസ ബാറിൽ അറിയിക്കും.
സുരക്ഷിതമായ വൈഫൈ കണക്ഷനുകൾ ഉപയോഗിക്കേണ്ടതിന്റെ പ്രാധാന്യത്തെക്കുറിച്ച് കൂടുതലറിയാനും നിങ്ങളുടെ തന്നെ വൈഫൈ നെറ്റ്‌വർക്ക് സുരക്ഷിതമാക്കാനുള്ള നുറുങ്ങുകൾക്കും ഈ വീഡിയോ കാണുക.
-
സൂക്ഷ്‌മമായി കൈകാര്യം ചെയ്യേണ്ട വിവരങ്ങൾ നൽകുന്നതിന് മുമ്പ് നിങ്ങളുടെ കണക്ഷൻ സുരക്ഷിതമാണെന്ന് ഉറപ്പാക്കുക
നിങ്ങൾ വെബ് ബ്രൗസ് ചെയ്യുമ്പോൾ – പ്രത്യേകിച്ചും പാസ്‌വേഡോ ക്രെഡിറ്റ് കാർഡ് നമ്പറോ പോലെ സൂക്ഷ്‌മമായി കൈകാര്യം ചെയ്യേണ്ട വിവരങ്ങൾ നൽകാൻ ഉദ്ദേശിക്കുന്നുവെങ്കിൽ – നിങ്ങൾ സന്ദർശിക്കുന്ന സൈറ്റുകളിലേക്കുള്ള കണക്ഷൻ സുരക്ഷിതമാണെന്ന് ഉറപ്പ് വരുത്തുക. ഏത് കണക്ഷന്റെയും ഡിഫോൾട്ട് നില സുരക്ഷിതമാണ്. കണക്ഷൻ സുരക്ഷിതമല്ലെങ്കിൽ, Chrome ബ്രൗസർ അതിന്റെ വിലാസ ബാറിൽ 'സുരക്ഷിതമല്ല' എന്നറിയിക്കുന്ന ഒരു ചുവന്ന ചിപ്പ് പ്രദർശിപ്പിക്കും. നിങ്ങൾ സന്ദർശിക്കുന്ന വെബ്‌സൈറ്റുകളുമായി, നിങ്ങളുടെ ബ്രൗസറോ ആപ്പുകളോ സുരക്ഷിതമായി കണക്‌റ്റ് ചെയ്യുന്നതിലൂടെ HTTPS നിങ്ങളുടെ ബ്രൗസിംഗ് സുരക്ഷിതമായി നിലനിർത്താൻ സഹായിക്കുന്നു.
-
Google ലൊക്കേഷൻ കൃത്യത
വയർലെസ് ആക്‌സസ് പോയിന്റുകൾ, GPS, സെൽ ടവർ എന്നിവയിൽ നിന്ന് എല്ലാവർക്കുമായി ബ്രോഡ്‍കാസ്റ്റ് ചെയ്യുന്ന വൈഫൈ ഡാറ്റ Google ലൊക്കേഷൻ കൃത്യത ഉപയോഗിക്കുന്നു, ലൊക്കേഷൻ സേവനങ്ങൾ മെച്ചപ്പെടുത്താൻ ഡാറ്റ സെൻസർ ചെയ്യുന്നു. നിങ്ങളുടെ വൈഫൈ ആക്‌സസ് പോയിന്റ് വിവരങ്ങൾ ശേഖരിക്കുന്നതിൽ നിന്ന് ഒഴിവാക്കേണ്ടത് എങ്ങനെയെന്ന നിർദ്ദേശങ്ങളെക്കുറിച്ച് ഇവിടെ കൂടുതലറിയാം.
ഫിഷിംഗ് ശ്രമങ്ങളും ഒഴിവാക്കൂ
നിയമപ്രകാരമുള്ള സന്ദേശങ്ങളാണെന്ന വ്യാജേന സ്കാമുകൾ നൽകി സ്‌കാമർമാർ സൽപ്പേര് ദുരുപയോഗം ചെയ്തേക്കാം. സ്‌കാമർമാർ നിങ്ങളെ ചൂഷണം ചെയ്യാൻ ഇമെയിലുകൾക്കൊപ്പം ടെക്സ്റ്റ് മെസേജുകൾ, സ്വയമേവയുള്ള കോളുകൾ, ദോഷകരമായ വെബ്സൈറ്റുകൾ എന്നിവയും ഉപയോഗിക്കാറുണ്ട്.
സ്‌കാമർമാർ നിങ്ങളിലേക്ക് എത്തിച്ചേരാൻ ഉപയോഗിച്ചേക്കാവുന്ന മാർഗ്ഗങ്ങൾ അറിയൂ
നിയമപ്രകാരമുള്ള സന്ദേശങ്ങളാണെന്ന വ്യാജേന സ്കാമുകൾ നൽകി സ്‌കാമർമാർ സൽപ്പേര് ദുരുപയോഗം ചെയ്തേക്കാം. സ്‌കാമർമാർ നിങ്ങളെ ചൂഷണം ചെയ്യാൻ ഇമെയിലുകൾക്കൊപ്പം ടെക്സ്റ്റ് മെസേജുകൾ, സ്വയമേവയുള്ള കോളുകൾ, ദോഷകരമായ വെബ്സൈറ്റുകൾ എന്നിവയും ഉപയോഗിക്കാറുണ്ട്.
സംശയാസ്പദമായ URL-കൾ അല്ലെങ്കിൽ ലിങ്കുകൾ എപ്പോഴും പരിശോധിക്കുക
പാസ്വേഡ്, ബാങ്ക് വിശദാംശങ്ങൾ പോലെയുള്ള വ്യക്തിപരമോ സാമ്പത്തികമോ ആയ സുപ്രധാന വിവരങ്ങൾ വെളിപ്പെടുത്താനായി നിങ്ങളെ കബളിപ്പിക്കാനുള്ള ശ്രമമാണ് ഫിഷിംഗ്. വ്യാജ ലോഗിൻ പേജ് പോലെ പല രൂപത്തിലും ഇതുണ്ടാകും. ഫിഷിംഗിന് ഇരയാകാതെയിരിക്കാൻ, സംശയാസ്പദമായ ലിങ്കുകളിൽ ഒരിക്കലും ക്ലിക്ക് ചെയ്യരുത്; ലിങ്കിന് മുകളിലൂടെ ഹോവർ ചെയ്തോ മൊബൈലിലെ ടെക്സ്റ്റിൽ ദീർഘനേരം അമർത്തിയോ വെബ്സൈറ്റോ ആപ്പോ നിയമപ്രകാരമുള്ളതാണെന്ന് ഉറപ്പാക്കാൻ URL രണ്ട് തവണ പരിശോധിക്കുക, കൂടാതെ URL തുടങ്ങുന്നത് "https"-ൽ ആണെന്നും ഉറപ്പാക്കുക.
ആൾമാറാട്ടക്കാരെ സൂക്ഷിക്കുക
സർക്കാർ സ്ഥാപനങ്ങളോ ചാരിറ്റി സ്ഥാപനങ്ങളോ പോലുള്ള നിയമാനുസൃത സ്ഥാപനങ്ങളാണ് തങ്ങളെന്ന് സ്‌കാമർമാർ തോന്നിപ്പിക്കാം. ആധികാരിക ഉറവിടമാണ് താനെന്ന് അവകാശപ്പെടുന്ന ഒരാളിൽ നിന്നുള്ള സന്ദേശങ്ങൾ വായിക്കുമ്പോൾ എല്ലായ്‌പ്പോഴും ജാഗ്രത പാലിക്കുക. നിങ്ങൾ‌ക്കറിയാവുന്ന ഒരാളിൽ നിന്നാണ് ഇമെയിൽ വന്നിരിക്കുന്നതെങ്കിലും സന്ദേശം വിചിത്രമായി തോന്നുന്നുവെങ്കിൽ, ആ വ്യക്തിയുടെ അക്കൗണ്ട് ഹാക്ക് ചെയ്യപ്പെട്ടിരിക്കാം. ഇമെയിൽ നിയമാനുസൃതമാണെന്ന് സ്ഥിരീകരിക്കാൻ കഴിയാത്ത പക്ഷം, സന്ദേശത്തിന് മറുപടി നൽകരുത്, അല്ലെങ്കിൽ ഏതെങ്കിലും ലിങ്കുകളിൽ ക്ലിക്ക് ചെയ്യരുത്. സന്ദേശത്തിൽ പണത്തിനായുള്ള അടിയന്തര അഭ്യർത്ഥനകളോ വിദേശത്ത് പെട്ടുപോയതിനെ കുറിച്ചുള്ള ശോകകഥകളോ ഉണ്ടോയെന്നും ഫോൺ മോഷ്ടിക്കപ്പെട്ടതിനാൽ വിളിക്കാനാവുന്നില്ല എന്ന് വ്യക്തി അവകാശപ്പെടുന്നുണ്ടോയെന്നും പരിശോധിക്കുക.
ഇമെയിൽ സ്കാമുകൾ, വ്യക്തിപരമായ വിവരങ്ങൾ അഭ്യർത്ഥിക്കുന്നവ എന്നിവയെ സൂക്ഷിക്കുക
അപരിചിതരിൽ നിന്നുള്ള സന്ദേശങ്ങൾ ലഭിച്ചാൽ സംശയിക്കേണ്ടതുണ്ട്, എന്നാൽ നിങ്ങളുടെ ബാങ്ക് പോലെ നിങ്ങൾ വിശ്വസിക്കുന്ന ഒരാളിൽ നിന്നുള്ള ആശയവിനിമയം പോലും ചിലപ്പോൾ ആൾമാറാട്ടമായിരിക്കാം. സംശയകരമായ ഇമെയിലുകൾക്കോ തൽക്ഷണ സന്ദേശങ്ങൾക്കോ വ്യക്തിപരമായ വിവരങ്ങൾ ആവശ്യപ്പെടുന്ന പോപ്പ്-അപ്പ് വിൻഡോകൾക്കോ മറുപടി നൽകരുത്. സംശയകരമായ ലിങ്കുകളിൽ ഒരിക്കലും ക്ലിക്ക് ചെയ്യരുത്, അല്ലെങ്കിൽ സംശയകരമായ ഫോമുകളിലോ സർവേകളിലോ വ്യക്തിഗത വിവരങ്ങൾ നൽകരുത്. ഏതെങ്കിലും ജീവകാരുണ്യ സ്ഥാപനം ഒരു സംഭാവന ആവശ്യപ്പെടുകയാണെങ്കിൽ, സംഭാവന നൽകുന്നതിനായി നിങ്ങൾക്ക് ലഭിച്ചിരിക്കുന്ന ലിങ്കിൽ ക്ലിക്ക് ചെയ്യുന്നതിന് പകരം, സ്ഥാപനത്തിന്റെ വെബ്‌സൈറ്റിലേക്ക് നേരിട്ട് പോകുക.
ഡൗൺലോഡ് ചെയ്യുന്നതിന് മുമ്പ് ഫയലുകൾ രണ്ട് തവണ പരിശോധിക്കുക
വൈറസ് ബാധിച്ച ഡോക്യുമെന്റുകൾ, PDF അറ്റാച്ച്മെന്റുകൾ എന്നിവ വഴി ചില സങ്കീർണ്ണമായ ഫിഷിംഗ് ആക്രമണങ്ങൾ സംഭവിക്കാം. സംശയാസ്‍പദമായൊരു അറ്റാച്ച്മെന്റ് ശ്രദ്ധയിൽപ്പെട്ടാൽ അത് തുറക്കാൻ Chrome അല്ലെങ്കിൽ Google Drive ഉപയോഗിക്കുക. ഞങ്ങൾ ഫയൽ സ്വയമേവ സ്‍കാൻ ചെയ്യുകയും വൈറസ് കണ്ടെത്തിയാൽ നിങ്ങൾക്ക് മുന്നറിയിപ്പ് നൽകുകയും ചെയ്യും.
കൂടുതൽ വഴികൾ അടുത്തറിയുക.
-
ബിൽറ്റ് ഇൻ സുരക്ഷഞങ്ങളുടെ സ്വയമേവയുള്ള സുരക്ഷാ പരിരക്ഷയെ കുറിച്ച് കൂടുതലറിയുക.
-
സ്വകാര്യതാ നിയന്ത്രണങ്ങൾനിങ്ങൾക്ക് അനുയോജ്യമായ സ്വകാര്യതാ ക്രമീകരണം തിരഞ്ഞെടുക്കുക.
-
ഡാറ്റയുമായി ബന്ധപ്പെട്ട പ്രവർത്തനരീതികൾഡാറ്റയുമായി ബന്ധപ്പെട്ട ഉത്തരവാദിത്തത്തോടെയുള്ള പ്രവർത്തനരീതികളിലൂടെ, ഞങ്ങൾ നിങ്ങളുടെ സ്വകാര്യതയെ ബഹുമാനിക്കുന്നതിനെ കുറിച്ച് കൂടുതലറിയുക.
-
പരസ്യങ്ങളും ഡാറ്റയുംഞങ്ങളുടെ പ്ലാറ്റ്‌ഫോമുകളിൽ നിങ്ങൾ കാണുന്ന പരസ്യങ്ങളെക്കുറിച്ച് കൂടുതലറിയുക.