உங்கள் தனியுரிமையை மதிக்கும் விளம்பரங்கள்.

உங்கள் தனிப்பட்ட தகவல்களை எவருக்கும் நாங்கள் ஒருபோதும் விற்பதில்லை (விளம்பர நோக்கங்களுக்காகவும்கூட).

எங்கள் பிளாட்ஃபார்ம்களில் விளம்பரங்களையும் விளம்பரதாரர் உள்ளடக்கத்தையும் தெளிவாக லேபிளிட்டு, குறிப்பிட்ட விளம்பரங்கள் ஏன் காட்டப்படுகின்றன, என்னென்ன தகவல்கள் பயன்படுத்தப்படுகின்றன, Google Ads அனுபவத்தை நீங்கள் எப்படிக் கட்டுப்படுத்தலாம் ஆகியவற்றைப் புரிந்துகொள்வதை எளிதாக்குகிறோம்.

உதாரணத்திற்கு, Search, YouTube மற்றும் Discover உடன் எனது விளம்பர மையம் விளம்பரங்களுக்கு எந்தெந்தத் தகவல்கள் பயன்படுத்தப்படுகின்றன என்பதைக் காட்டி அந்தத் தகவல்களை நிர்வகிப்பதை எளிதாக்குகிறது. எனவே உங்களுக்கேற்ற அனுபவத்தை நீங்கள் பெற முடியும்.

உங்கள் தகவல்களும் அது விளம்பரப்படுத்துதலுக்காகப் பயன்படுத்தப்படும் விதமும் உங்கள் கட்டுப்பாட்டில் உள்ளது. நீங்கள் சென்ற தளங்கள், தேடியவை போன்று Googleளில் மேற்கொள்ளும் உங்கள் செயல்பாடு உங்கள் விருப்பத்தேர்வுகளின் அடிப்படையில், விளம்பரங்கள் உட்பட எங்கள் தயாரிப்புகளில் சிறந்த, இன்னும் உதவிகரமான அனுபவங்களை வழங்க உதவுகிறது.

நீங்கள் விரும்பாதவற்றைக் குறைவாகப் பார்த்து, விருப்பமான பிராண்டுகளையும் தலைப்புகளையும் அதிகமாகப் பார்க்க எனது விளம்பர மையம் மூலம் Google Search, Discover, YouTube ஆகியவற்றில் உங்கள் விளம்பர அனுபவங்களை நீங்கள் பிரத்தியேகப்படுத்தலாம். மதுபானம், டேட்டிங், சூதாட்டம், கர்ப்பக் காலம், குழந்தை வளர்ப்பு, எடையைக் குறைத்தல் உள்ளிட்ட குறிப்பிட்ட பாதுகாக்கவேண்டிய விளம்பரத் தலைப்புகள் தொடர்பான விளம்பரங்களைக் குறைக்கவும் நீங்கள் தேர்வுசெய்யலாம்.

தரவு மற்றும் தனியுரிமை அமைப்புகள் மூலம் எப்போது வேண்டுமானாலும் விளம்பரப் பிரத்தியேகமாக்கலை முழுவதுமாக முடக்கி உங்கள் கணக்குடன் இணைக்கப்பட்டுள்ள செயல்பாட்டுத் தரவையும் நிரந்தரமாக நீக்கலாம்.

உங்களுக்கு ஏற்ற விளம்பரங்களை வழங்க உடல்நலம், இனம், மதம், பாலியல் நாட்டம் போன்ற பாதுகாக்கவேண்டிய தகவல்களை ஒருபோதும் பயன்படுத்துவதில்லை.

Drive, Gmail, Photos போன்ற ஆப்ஸில் நீங்கள் உருவாக்கிச் சேமிக்கும் உள்ளடக்கத்தை விளம்பர நோக்கங்களுக்காக ஒருபோதும் பயன்படுத்துவதில்லை. அத்துடன் உங்கள் தனியுரிமையை மேலும் பாதுகாக்க எங்களின் முக்கியச் செயல்பாட்டு அமைப்புகளுக்குத் தானாக நீக்குதலை இயல்பாக அமைத்துள்ளோம். அதாவது, நீங்கள் நீக்கும்வரை காத்திருக்காமல் உங்கள் கணக்குடன் இருக்கும் செயல்பாட்டுத் தரவு 18 மாதங்களுக்குப் பிறகு தானாகவே தொடர்ந்து நீக்கப்படும்.

ஆன்லைனில் சிறுவர்களைப் பாதுகாப்பாக வைத்திருப்பதற்கான வழிகளை எப்போதும் தேடிக் கொண்டிருக்கிறோம். மேலும் 18 வயதிற்குட்பட்டவர்கள் என்று எங்களுக்குத் தெரியும் இடங்களில் சிறுவர்களுக்கு விளம்பரப் பிரத்தியேகமாக்கலை அனுமதிப்பதில்லை.

உங்கள் தனியுரிமை மற்றும் தரவைப் பாதுகாப்பதே Googleளின் பணியில் முக்கியமாகும். அதனால்தான் உலகின் மிகவும் மேம்பட்ட பாதுகாப்பு உள்கட்டமைப்புகளுடன் Google தயாரிப்புகள் அனைத்தும் தொடர்ந்து பாதுகாக்கப்படுகின்றன. உங்கள் தகவல்களைப் பாதுகாப்பாக வைப்பதற்கு இந்த உள்ளமைந்த பாதுகாப்பு வளர்ந்துவரும் ஆன்லைன் அச்சுறுத்தல்களைக் கண்டறிந்து தடுத்து உதவுகிறது உதவுகிறது (மோசடிகள், மோசடி விளம்பரங்கள் மூலம் தனிப்பட்ட தகவல்களைப் பெற முயல்வது உட்பட).

கூடுதலாக, உங்களைப் பாதுகாப்பாக வைப்பதற்கு உதவ உலகளவில் விளம்பரதாரர்களைச் சரிபார்த்து, தவறான நோக்கமுடையவர்களைக் கண்டறிய வேலை செய்து, தவறான பிரதிநிதித்துவம் செய்யும் அவர்களின் முயற்சிகளைக் குறைக்கிறோம். விளம்பரங்களுக்கான வெளிப்படைத்தன்மை மையம் மூலம், சரிபார்க்கப்பட்ட விளம்பரதாரர்கள் வழங்கும் அனைத்து விளம்பரங்களுக்குமான எங்கள் தேடக்கூடிய ஹப்பிற்குச் சென்று நீங்கள் மேலும் அறியலாம்.

என்னென்ன தனிப்பட்ட தகவல்கள் சேகரிக்கப்படுகின்றன யாரால் சேகரிக்கப்படுகின்றன ஆகியவற்றைப் பற்றிய கவலை இல்லாமல் நீங்கள் ஆன்லைன் அனுபவத்தைப் பெற முடியும். அதனால்தான் தற்போதைய கண்காணித்தல் தொழில்நுட்பங்களுக்கு முற்றுப்புள்ளி வைத்து கைரேகை போன்ற வெளிப்படைத்தன்மையற்ற தொழில்நுட்பங்களைத் தடைசெய்வதை நோக்கமாகக் கொண்டுள்ள தனியுரிமை சாண்ட்பாக்ஸ் தொழில்நுட்பங்களைத் துவங்க Googleளில் இருக்கும் குழுக்கள் பெரிய நிறுவனத்துடன் கூட்டுப்பணி செய்கின்றன.