உங்கள் தரவை எவ்வாறு உங்களுடன் எடுத்துச் செல்வது?

தனிப்பட்ட தரவை உங்கள் கம்ப்யூட்டரில் பதிவிறக்கவோ வேறொரு வழங்குநருக்கு மாற்றவோ விரும்புகிறீர்களா? Google Takeout மூலம் இந்த இரண்டுமே சாத்தியம் என Googleளின் ஸ்டீஃபன் மிக்லிட்ஸும் கிரெக் ஃபேரும் விளக்குகிறார்கள்

திரு. மிக்லிட்ஸ் மற்றும் திரு. ஃபேர், Google Takeout ஆப்ஸுக்கு நீங்கள்தான் பொறுப்பாக உள்ளீர்கள். இது எதற்காக உருவாக்கப்பட்டது?

ஸ்டீஃபன் மிக்லிட்ஸ், Googleளின் தனியுரிமை மற்றும் பாதுகாப்புக் குழுவின் பொறியியல் இயக்குநர்: Google Driveவில் சேமிக்கப்பட்ட படங்கள், தொடர்புகள், மின்னஞ்சல்கள், கேலெண்டர் உள்ளீடுகள், மியூசிக் ஃபைல்கள் ஆகியவற்றை உங்கள் கம்ப்யூட்டரில் பதிவேற்றவோ வேறொரு வழங்குநருக்கு இடமாற்றவோ Google Takeout உதவுகிறது.

கிரெக் ஃபேர், Google Takeoutடின் தயாரிப்பு நிர்வாகி: எனக்கு இரண்டு பிள்ளைகள் உள்ளனர், பெரும்பாலான பெற்றோரைப் போலவே நானும் என் மனைவியும் அவர்களின் படங்களை அதிக அளவில் (600 ஜிகாபைட் அளவிற்கு) வைத்துள்ளோம். அவர்களின் படங்களைச் சேமித்திருந்த ஹார்டு டிரைவ் சிதைவடைந்தபோதும், படங்கள் அனைத்தையும் Google Photosஸிலும் சேமித்திருந்ததால் நிம்மதியடைந்தேன். அதன் மூலம் Google Takeoutடைப் பயன்படுத்தி புதிய ஹார்டு டிரைவிற்குப் படங்களை எளிதாகப் பதிவிறக்க முடிந்தது.

பயனர்கள் Takeoutடை எவ்வாறு பயன்படுத்துகிறார்கள்?

ஃபேர்: பெரும்பாலும் Google Driveவில் அவர்கள் சேமித்த அனைத்துத் தரவையும் காப்புப் பிரதி எடுக்க அதைப் பயன்படுத்துகிறார்கள்.

மிக்லிட்ஸ்: இது ஓரளவு ஏற்கக்கூடியதாக இல்லை, ஏனெனில் பெரும்பாலான வீட்டுச் சேமிப்பகச் சாதனங்களைவிட Google Driveவில் தரவு மிகவும் பாதுகாப்பாக இருக்கும் என்பதுதான் உண்மை.

ஃபேர்: வீட்டிலிருக்கும் பூனை ஹார்டு டிரைவில் அசுத்தம் செய்துவிடலாம், சிறுவர்கள் அதை உடைத்துவிடலாம், அது தீப்பற்றும் வாய்ப்பும் உள்ளது. Googleளில் ஒவ்வொரு ஃபைலும் வெவ்வேறு சேவையகங்களில் பலமுறை சேமிக்கப்படும். இதைவிடப் பாதுகாப்பான ஒன்று இருக்க முடியாது.

எனினும் நீங்களும் உங்கள் ஹார்டு டிரைவில்தான் தரவைக் காப்புப் பிரதி எடுக்கிறீர்களா திரு. ஃபேர்!

ஃபேர்: ஏனெனில் படத்தை எடிட் செய்வதற்கான புரோகிராம்களை என் மனைவி பயன்படுத்துவதால் கிளவுடில் படங்களைச் சேமிப்பது கடினம்.

பெயர்வுத்திறன் என்பது எப்போதிலிருந்து Googleளுக்கு முக்கியமான ஒன்றாக மாறியது?

ஃபேர்: பத்தாண்டுகளுக்கும் மேலாக. தொடக்கத்தில் பயனர் கணக்குகளில் தரவுப் பெயர்வுத்திறன் அம்சத்தை உருவாக்கினோம். அதன்பிறகு 2011ல் Takeout எனும் மையத் தீர்வை Google வெளியிட்டது. அப்போதிலிருந்து அதிகமான Google சேவைகளை ஒருங்கிணைத்தோம், இப்போது 40க்கும் அதிகமான சேவைகளை Takeout ஆதரிக்கிறது.

பெரும்பாலான பயனர்கள் தங்களின் தரவைக் கம்ப்யூட்டர்களில்தான் பதிவிறக்குகின்றனர், அரிதாகவே மற்ற சேவைகளுக்குத் தரவை மாற்றுகின்றனர். இந்தச் சமநிலையின்மை ஏன் தொடர்கிறது?

ஃபேர்: இப்போது பயனர்கள் Googleளில் இருந்து Dropbox, Box, Microsoft Office 365 போன்ற சேவைகளுக்குத் தரவை மாற்றலாம், மேலும் அவற்றிலிருந்து Googleளுக்கும் மாற்றலாம். எங்களின் போட்டியாளர்களில் பலரும் இந்த அம்சத்தை இன்னும் வழங்கவில்லை. இதில் மாற்றத்தைச் செய்வதற்காகத் தரவுப் பகிர்தல் திட்டத்தை 2017ல் தொடங்கினோம், மேலும் அதற்கான அதிகாரப்பூர்வ அறிவிப்பை ஜூலை 2018ல் வெளியிட்டோம். இது பெயர்வுத்திறன் செயல்பாடுகளுக்காக இலவசக் குறியீட்டை நிறுவனங்களுக்கு வழங்கும் ஓப்பன் சோர்ஸ் திட்டமாகும். இதன் மூலம் ஒரு சேவையிலிருந்து மற்றொரு சேவைக்குத் தரவைத் தடையற்று மாற்ற முடியும்.

மிக்லிட்ஸ்: ஒரு ஸ்டார்ட்-அப் நிறுவனம் புதிய சிறந்த சேவையை உருவாக்குகிறது என்று வைத்துக் கொள்வோம். சிறிய நிறுவனம் சொந்தமாகப் பெயர்வுத்திறன் தீர்வை உருவாக்க அதிகச் செலவாகும். அதற்குப் பதிலாகத் தரவுப் பகிர்தல் திட்டத்தைப் பயன்படுத்தி, தேவையான குறியீடுகளை அந்த நிறுவனத்தின் சொந்த மென்பொருளுக்கு மாற்றலாம்.

ஆனால் நான் வேறொரு வழங்குநருக்கு மாற்றுவது உங்களுக்கு எவ்வாறு பலனளிக்கும்?

ஃபேர்: Google சேவைகள் சிறந்தவை என்பதால் அவற்றை நீங்கள் பயன்படுத்த வேண்டுமென விரும்புகிறோமே தவிர, உங்கள் தரவை வேறெங்கும் பயன்படுத்த முடியாது என்று நீங்கள் நினைக்கக்கூடாது.

படங்கள்: கானி மிர்பாக்