நீங்கள் உருவாக்கியவற்றைப் பயனர்கள் பயன்படுத்திப் பார்க்கச் செய்து அவர்களின் அனுபவத்தைப் புரிந்துகொள்ளுதல்.

தரவுத் தனியுரிமை மற்றும் பாதுகாப்பை உறுதிப்படுத்தும் பொறுப்பில் உள்ள நீங்கள் இதிலிருந்து என்னென்ன முடிவுகளை எடுக்கிறீர்கள், ஸ்டீஃபன் மிக்லிட்ஸ்?

மிக்லிட்ஸ்: பயனர்களுக்கு அவர்களின் சொந்தத் தரவின் மீது கட்டுப்பாட்டை வழங்கும் சேவைகளைத் தொடர்ந்து மேம்படுத்துவதையே நாங்கள் நோக்கமாகக் கொண்டுள்ளோம். பிரச்சனை வரும் வரை தரவுத் தனியுரிமை மற்றும் பாதுகாப்பு தொடர்பான விஷயங்கள் குறித்துப் பயனர்கள் கவலைப்படுவதில்லை. பயனரின் கணக்கு ஹேக் செய்யப்படுவது, ஏதேனும் தீய செயல்கள் நடந்துள்ளதாகச் செய்திகளில் படித்துத் தெரிந்துகொள்வது போன்றவற்றைப் பிரச்சனைக்கான உதாரணமாகக் கூறலாம். இந்தச் சூழல்களில் பயனர்கள் தங்களின் ஆன்லைன் செயல்பாடுகளை எவ்வாறு சரிபார்ப்பது என்பதையும், தேவைப்பட்டால் கடவுச்சொற்களை எப்படி மாற்றுவது என்பதையும் தெரிந்து வைத்திருக்க வேண்டும்.

தெ போயி: காலை எழுந்தவுடன் “எனது Google கணக்கில் இப்போது தனியுரிமை அமைப்புகளைச் சரிபார்க்கப் போகிறேன்” என எவரும் நினைக்கமாட்டார்கள் என்பதுதான் யதார்த்தமான உண்மை. அது அப்படியான ஒரு விஷயமும் இல்லை. நம்மில் பெரும்பாலானோர் கடைசியாகப் பார்த்துக்கொள்ளலாம் என ஒதுக்கும் விஷயங்களில் தரவுத் தனியுரிமையும் பாதுகாப்பும் ஒன்று. இதனால்தான் கடந்த சில வருடங்களாக, பயனர்களைத் தங்களின் அமைப்புகளை அவ்வப்போது சரிபார்க்குமாறு கேட்கிறோம்.

இதன் விளைவாகப் பயனர் இடைமுகத்தில் மாற்றங்கள் செய்துள்ளீர்களா?

மிக்லிட்ஸ்: பலமுறை செய்துள்ளோம்! தயாரிப்பைப் பயனர்கள் எளிதாக அணுக முடிகின்ற மற்றும் புரிந்துகொள்ள முடிகின்ற வரை தொடர்ந்து இவ்வாறு செய்தோம்.

சேவையில் உண்மையான மேம்பாடுகளைச் செய்ய பயனர் அனுபவம் தொடர்பான ஆராய்ச்சி உதவியுள்ளதா?

மிக்லிட்ஸ்: உருவாக்கச் செயல்முறையில் இது முக்கியப் பங்காற்றுகிறது. உதாரணத்திற்கு, Inactive Account Manager அம்சம் தொடர்பாக நாங்கள் பணியாற்றியபோது பயனுள்ளதாக இருந்தது. இந்த அம்சம் இப்போது Google கணக்கின் அங்கமாக உள்ளது. குறிப்பிட்ட காலத்திற்குச் செயலில் இல்லாத பட்சத்தில் கணக்குத் தரவை என்ன செய்ய வேண்டும் என்பதைப் பயனர்கள் தீர்மானிக்க இது உதவுகிறது. இந்தத் தயாரிப்பு முற்றிலும் புதியது; இது போன்றதை எங்களின் போட்டியாளர்கள் எவரும் இதுவரை அறிமுகப்படுத்தியதில்லை. எனவே அதன் புரோட்டோடைப்பை உருவாக்கி, பரிசோதனை செய்து, இரண்டாவது புரோட்டோடைப்பை உருவாக்கினோம். பயனர்களின் கைகளில் தயாரிப்பை முழுவதும் கிடைக்கச் செய்வதற்கு முன்பு பலமுறை பரிசோதித்தோம்.

உங்கள் ஆராய்ச்சி உண்மையான மாற்றங்களை ஏற்படுத்தும்போது மிகுந்த மனநிறைவைத் தரும்.

தெ போயி: அதுதான் இந்தப் பணியில் உள்ள நல்ல விஷயம். பயனர்களின் தேவைகளை நாங்கள் அறிந்துகொள்வதை உறுதிப்படுத்துகிறோம்.