உங்கள் தனியுரிமையைப் பாதுகாப்பது
உலகின்
அதிநவீனப் பாதுகாப்பிலிருந்து தொடங்குகிறது.

என்க்ரிப்ஷன் எங்கள் சேவைகளுக்கு அதிகப் பாதுகாப்பையும் தனியுரிமையையும் அளிக்கிறது. நீங்கள் மின்னஞ்சலை அனுப்பும் போது, வீடியோவைப் பகிரும் போது, இணையதளத்திற்குச் செல்லும் போது அல்லது படங்களைச் சேமிக்கும் போது, உருவாக்கப்படும் தரவானது உங்கள் சாதனம், Google சேவைகள், எங்களின் தரவு மையங்கள் ஆகியவற்றுக்கு இடையே நகர்த்தப்படும். HTTPS, டிரான்ஸ்போர்ட் லேயர் செக்யூரிட்டி போன்ற முதன்மை என்க்ரிப்ஷன் தொழில்நுட்பம் உட்பட பல லேயர்கள் கொண்ட பாதுகாப்புடன் இந்தத் தரவைப் பாதுகாக்கிறோம்.

சந்தேகத்திற்குரிய உள்நுழைவு அல்லது தீங்கிழைக்கும் இணையதளம், ஃபைல் அல்லது ஆப்ஸ் போன்று, நீங்கள் தெரிந்துகொள்ள வேண்டும் என நாங்கள் நினைப்பவற்றைக் கண்டறிந்தால் முன்னெச்சரிக்கை அறிவிப்புகளை வழங்கி உங்கள் பாதுகாப்பை வலுப்படுத்த உதவும் வழிகாட்டுதலை வழங்குவோம். எடுத்துக்காட்டாக, Gmailலில் உங்கள் பாதுகாப்புக்கு ஆபத்து ஏற்படுத்தக்கூடிய இணைப்பை நீங்கள் பதிவிறக்கும் முன்போ நீங்கள் இணைந்திருக்காத சாதனத்தில் இருந்து உங்கள் கணக்கில் யாரேனும் உள்நுழைந்தாலோ உங்களை எச்சரிப்போம். உங்கள் கணக்கில் சந்தேகத்திற்குரியதாக எதையேனும் நாங்கள் கண்டறியும்போது உங்கள் இன்பாக்ஸிற்கோ மொபைலுக்கோ ஓர் அறிவிப்பை அனுப்புவோம். அதிலுள்ள பட்டனைக் கிளிக் செய்து உங்கள் கணக்கை நீங்கள் பாதுகாத்துக் கொள்ளலாம்.

மால்வேர் உள்ள விளம்பரங்கள், நீங்கள் பார்க்க முயற்சிக்கும் உள்ளடக்கத்தை மறைக்கும் விளம்பரங்கள், போலியான பொருட்களை விளம்பரப்படுத்தும் விளம்பரங்கள், எங்கள் விளம்பரக் கொள்கைகளை மீறுகின்ற விளம்பரங்கள் போன்றவை உங்கள் ஆன்லைன் உபயோகத்தைப் பாதிப்பதுடன் உங்கள் பாதுகாப்பையும் பாதிக்கிறது. இந்தப் பிரச்சினையை நாங்கள் தீவிரமானதாகக் கருதுகிறோம். நேரடி மதிப்பாய்வாளர்கள் மற்றும் அதிநவீன மென்பொருள் மூலம், சராசரியாக நொடிக்கு 100 விளம்பரங்கள் வீதம் ஒவ்வோர் ஆண்டும் கோடிக்கணக்கான மோசமான விளம்பரங்களைத் தடுக்கிறோம். மனதைப் புண்படுத்தும் விளம்பரங்களைப் பற்றிப் புகாரளிப்பதற்கும் நீங்கள் பார்க்க விரும்பும் விளம்பரங்களின் வகைகளைக் கட்டுப்படுத்துவதற்கும் உங்களுக்குக் கருவிகளையும் வழங்குகிறோம். அனைவருக்கும் இணையம் பாதுகாப்பானதாக இருக்க, எங்களின் புள்ளிவிவரங்களையும் சிறந்த நடைமுறைகளையும் தொடர்ந்து வெளியிடுகிறோம்.

பிரத்தியேகமாக வடிவமைக்கப்பட்ட தரவு மையங்கள் முதல் கண்டங்களுக்கு இடையே தரவைப் பரிமாற்றுவதற்காகக் கடலுக்கு அடியில் செல்லும் தனிப்பட்ட ஃபைபர் கேபிள்கள் வரை, உலகின் மிகவும் பாதுகாப்பான மற்றும் நம்பகமான கிளவுட் கட்டமைப்புகளைச் செயல்படுத்துகிறோம். உங்கள் தரவைப் பாதுகாக்கவும் கிடைக்கச் செய்யவும் அதைத் தொடர்ச்சியாகக் கண்காணிக்கிறோம். ஏதேனும் தடங்கல் ஏற்பட்டால் பிளாட்ஃபார்ம் சேவைகள் ஓரிடத்திலிருந்து மற்றோர் இடத்திற்கு உடனடியாகத் தானாகவே மாற்றப்படும். இதனால் எந்தக் குறுக்கீடுமின்றி அவை இயங்கும்.

ஆன்லைன் கணக்குகள் மதிப்புமிக்க, பிரத்தியேகச் சேவைகளை வழங்குகின்றன. ஆனால் இன்றைய காலகட்டத்தில், அவற்றில் உள்நுழைவது மிக முக்கியமான பாதுகாப்பு தொடர்பான சிக்கல்களையும் கொண்டுள்ளது. ஒவ்வொரு நாளும் தரவு மீறல்களின் காரணமாக லட்சக்கணக்கான கடவுச்சொற்கள் பாதுகாப்பை இழக்கின்றன. இதனால் உங்கள் தனிப்பட்ட தகவல்களுக்குப் பாதிப்பு ஏற்படலாம்.

நீங்கள் விரும்பும் ஆப்ஸ் மற்றும் சேவைகளில் விரைவாகவும் பாதுகாப்பாகவும் உள்நுழைய உதவும் வகையில் எங்களின் உள்ளமைந்த அங்கீகரிப்புக் கருவிகள் வடிவமைக்கப்பட்டுள்ளன.