குடும்பங்கள் பயன்படுத்தி மகிழ்வதற்கான சிறப்பு அம்சங்களை (ஸ்மார்ட் ஃபில்ட்டர்கள், தளத் தடுப்பான்கள், உள்ளடக்க மதிப்பீடுகள் போன்றவை) எங்களின் பல தயாரிப்புகளில் உருவாக்கியுள்ளோம்.
சிறுவர்கள் கண்டறியவும் உருவாக்கவும் வளரவும் உதவும் உள்ளடக்கத்தைக் கொண்ட டேப்லெட் அனுபவம்.*
Kids space
சிறுவர்களுக்கே உரிய ஆர்வத்தை மனதில் கொண்டு வடிவமைக்கப்பட்டது
விலங்குகள், கலை சம்பந்தப்பட்ட புராஜெக்ட்டுகள் என எதுவாக இருந்தாலும் தங்களுக்கு விருப்பமான விஷயங்களில் சிறுவர்கள் குட்டி நிபுணர்களாகவே மாறிவிடுவார்கள். எனவேதான் சிறுவர்கள் தேர்ந்தெடுக்கும் ஆர்வங்களின் அடிப்படையில் தரமான உள்ளடக்கத்தை Kids Space பரிந்துரைக்கிறது. இதில் பரிந்துரைக்கப்படும் உள்ளடக்கத்தின் மூலம், சிறுவர்கள் தங்களுக்கு ஆர்வமுள்ள விஷயங்கள் பற்றி மிகுந்த ஈடுபாட்டுடனும் புது வழிகளிலும் அறிந்துகொள்ள முடியும். சிறுவர்கள் தாங்களே கதாபாத்திரத்தை உருவாக்கி தங்கள் அனுபவத்தைப் பிரத்தியேகமாக்கவும் முடியும்.
பரிந்துரைக்கப்படும் ஆப்ஸ், புத்தகங்கள் மற்றும் வீடியோக்கள்
Kids Spaceஸைச் சிறுவர்கள் திறக்கும்போது தரமான உள்ளடக்கத்தைக் கொண்ட ஒரு லைப்ரரியைக் காணலாம். விளையாடவும் கற்றுக்கொள்ளவும் புதிய வழிகளைத் தெரிந்துகொள்வதற்கான ஆப்ஸ், கேம்கள், புத்தகங்கள், வீடியோக்கள் ஆகியவற்றுக்கான பரிந்துரைகளைச் சிறுவர்கள் அறிந்துகொள்ளலாம்.†
பெற்றோர் கட்டுப்பாடுகள் மூலம் வரம்புகளை அமையுங்கள்
Family Link ஆப்ஸில் உள்ள பெற்றோர் கட்டுப்பாடுகள் மூலம் உங்கள் சாதனத்திலிருந்தே உங்கள் பிள்ளையின் ஆப்ஸ் உபயோகத்தை வழிநடத்தலாம், அவர்களின் உள்ளடக்கத்தை நிர்வகிக்கலாம், பயன்படுத்தும் நேரத்துக்கான வரம்புகளை அமைக்கலாம், மேலும் பலவற்றைச் செய்யலாம்.
குடும்பங்களுக்காக உருவாக்கப்பட்ட உங்களுக்கு விருப்பமான தயாரிப்புகள்.
YouTube Kids
YouTube Kids மூலம் கற்றுக்கொள்வதுடன், வேடிக்கையாகவும் பொழுதைக் கழியுங்கள்
சிறுவர்கள் தங்களுக்கு விருப்பமான ஆன்லைன் வீடியோக்களைப் பாதுகாப்பாகப் பார்க்கும் வகையில் YouTube Kidsஸை உருவாக்கியுள்ளோம். YouTube Kidsஸை நீங்கள் ஆப்ஸ், இணையம், ஸ்மார்ட் டிவி என எதில் பார்த்தாலும் உங்கள் சாதனங்கள் அனைத்திலும் வெவ்வேறு தலைப்புகளில் குடும்பத்திற்கேற்ற வீடியோக்களைக் கண்டறியலாம்.
உங்கள் பிள்ளைக்கு Google Playயில் “ஆசிரியர் அனுமதித்த” உள்ளடக்கம்
உங்கள் பிள்ளைக்கேற்ற உள்ளடக்கத்தைக் கண்டறிவதற்கு உதவ, நாடு முழுவதுமுள்ள கல்வி நிபுணர்களுடனும் ஆசிரியர்களுடனும் நாங்கள் இணைந்து பணியாற்றி வருகிறோம். “ஆசிரியர் அனுமதித்த” சிறப்பான, பொழுதுபோக்கு அம்சங்கள் கொண்ட ஆப்ஸைக் கண்டறிய, Google Play ஸ்டோரில் உள்ள சிறுவர்கள் பிரிவைப் பாருங்கள். ஆப்ஸுக்கு ஆசிரியர்கள் ஏன் அதிக மதிப்பீட்டை வழங்குகிறார்கள் என்பதை ஆப்ஸ் விவரங்கள் பிரிவிலும், ஆப்ஸ் குறிப்பிட்ட வயதினருக்கானதா என்பதை உள்ளடக்க மதிப்பீட்டிலும் அறிந்துகொள்ளலாம். மேலும் ஆப்ஸில் விளம்பரங்கள் உள்ளனவா, ஆப்ஸில் பர்ச்சேஸ் செய்ய முடியுமா, சாதன அனுமதிகள் தேவையா போன்றவற்றையும் அறிந்துகொள்ளலாம்.
சிறுவர்களுக்கான ஆப்ஸை உருவாக்கும் டெவெலப்பர்கள் உயர்தரத்திலானவற்றை மட்டும் வழங்கச் செய்வதற்கு எங்களின் Play ஸ்டோருக்கான டெவெலப்பர் பாலிசிகளை உருவாக்கியுள்ளோம்.
Google Assistant மூலம் கிடைக்கும் உதவியுடன் முழுக் குடும்பத்திற்குமான பொழுதுபோக்கு
உங்கள் குடும்பத்தினர் அனைவரும் ஒன்றாகப் பொழுதுபோக்கத் தேவையானவற்றைக் கண்டறிவதை Assistant எளிதாக்குகிறது. எங்களின் 'குடும்பங்களுக்கான செயல்கள்' திட்டத்தின் மூலம் உருவாக்கப்பட்ட குடும்பத்திற்கேற்ற கேம்களையும் செயல்பாடுகளையும் கண்டறியலாம், கதை சொல்லும்படி Assistantடைக் கேட்பதன் மூலம் உறங்கப்போகும் முன்பு உங்களுக்குப் பிடித்தமான கதைகளைக் கேட்கலாம். வடிப்பான்களை அமைத்து குடும்பத்தினர் அனைவரும் ரசிக்கக்கூடிய பாடல்களைக் கேட்டு மகிழலாம், சாதனத்தில் முடக்க நேரத்தை அமைத்து அதைத் தானாக முடங்கச் செய்யலாம், குடும்பத்தினருடன் ஒன்றாக அதிக நேரம் செலவிடலாம்.
'குடும்பங்களுக்கான செயல்கள்' திட்டத்தின் மூலம் உருவாக்கப்படும் செயல்பாடுகள் ஒவ்வொன்றும் குடும்பத்திற்கு ஏற்றவையா என்று எங்கள் மதிப்பாய்வாளர்கள் சோதித்துப் பார்த்துள்ளனர், இருப்பினும் எந்த சிஸ்டமுமே துல்லியமானதல்ல. பொருத்தமற்ற உள்ளடக்கம் தவறுதலாகத் தோன்றலாம் என்பதால் எங்கள் பாதுகாப்பை மேம்படுத்த தொடர்ந்து பணியாற்றி வருகிறோம்.
பாதுகாப்பான ஆன்லைன் கற்றலுக்கான கருவிகளை மாணவர்களுக்கும் ஆசிரியர்களுக்கும் வழங்குகிறோம்.
Google Workspace
வகுப்பறைகளில் கற்பதற்கான கூடுதல் பாதுகாப்பான சூழலை உருவாக்குகிறோம்
ஆசிரியர்களும் மாணவர்களும் பல்வேறு சாதனங்களில் பாதுகாப்பாக உரையாட Google Workspace for Education உதவுகிறது. இதன் முக்கியச் சேவைகளில் விளம்பரங்கள் இருக்காது. மேலும் விளம்பரங்களைக் காட்ட, தொடக்கப் பள்ளிகளிலிருந்து மேல்நிலைப் பள்ளிகள் (K–12) வரையிலான பயனர்களின் எந்தவொரு தனிப்பட்ட தகவலையும் நாங்கள் பயன்படுத்துவதில்லை. பொருத்தமான செயல்பாடுகள் பற்றிய கொள்கைகளை அமைப்பதில் நிர்வாகிகளுக்கு உதவவும் மாணவர்களின் பள்ளி Google கணக்குகளைப் பயன்படுத்தி அவர்களைப் பாதுகாப்பதில் உதவவும் நாங்கள் கருவிகளையும் வழங்குகிறோம். பள்ளி மாணவர்கள் பயன்படுத்தும் Google Workspace for Education சேவைகள் பற்றி தெளிவாக முடிவெடுப்பதற்குத் தேவையான கருவிகளையும் தகவல்களையும் பள்ளிகளுக்கு வழங்க நாங்கள் கடமைப்பட்டுள்ளோம்.
லட்சக்கணக்கான மாணவர்கள் தங்கள் வகுப்பறையில் Googleளின் Chromebook லேப்டாப்களைப் பயன்படுத்துகின்றனர். மாணவர்களுக்குத் தேவையான அம்சங்களையும் அணுகலையும் குழு அமைப்புகளில் நிர்வாகிகளால் நிர்வகிக்க முடியும். எங்கள் தனியுரிமை & பாதுகாப்பு அம்சங்கள், சிறுவர்களின் தனிப்பட்ட தகவல்களைப் பாதுகாப்பாக வைத்திருக்க உதவுகின்றன. இதனால் அமெரிக்க K-12 பள்ளிகள் மற்றும் பிற நாடுகளில் உள்ள பல பள்ளிகளில் Chromebook லேப்டாப்களை மிக முக்கியமாகப் பயன்படுத்துகின்றனர்.
* Google Kids Spaceஸை நிறுவுவதற்கு உங்கள் பிள்ளைக்கென ஒரு Google கணக்கு தேவை. Family Link ஆப்ஸ் ஆதரிக்கப்படும் Android, Chromebook அல்லது iOS சாதனத்தில் மட்டுமே பெற்றோர் கட்டுப்பாடுகளைப் பயன்படுத்த முடியும்.
† புத்தகங்களும் வீடியோ உள்ளடக்கமும் சில பிராந்தியங்களில் கிடைக்காது. YouTube Kids ஆப்ஸ் கிடைப்பதைப் பொறுத்தே வீடியோ உள்ளடக்கம் கிடைக்கும். புத்தக உள்ளடக்கத்திற்கு Play Books ஆப்ஸ் தேவை. ஆப்ஸ், புத்தகங்கள், வீடியோ உள்ளடக்கம் ஆகியவற்றின் கிடைக்கும் நிலை அறிவிப்பின்றி மாறலாம். Google Kids Spaceஸில் Google Assistant கிடைப்பதில்லை.
பெற்றோர் கட்டுப்பாடுகள்
குடும்பங்கள் டிஜிட்டல் விதிகளை அமைத்து ஆன்லைனில் செயல்படுவதற்கான ஆரோக்கியமான பழக்கங்களை உருவாக்கிட Google எப்படி உதவுகிறது என அறிந்துகொள்ளுங்கள்.
