डेटा तुमच्यासोबत कसा न्यावा

तुमच्या कॉम्प्युटरवर वैयक्तिक डेटा डाउनलोड करायचा आहे किंवा तो वेगळ्या नेटवर्क पुरवठादाराला ट्रान्सफर करायचा आहे का? Google Takeout वापरून दोन्ही गोष्टी करता येऊ शकतात असे Google चे स्टेफन मिकलिट्झ आणि ग्रेग फेअर याबाबत सांगत आहेत

श्री. मिकलिट्झ, श्री. फेअर, तुमच्यावर Google Takeout ची जबाबदारी आहे. हे नेमके कशासाठी आहे?

स्टेफन मिकलिट्झ, Google च्या गोपनीयता आणि सुरक्षा टीमचे इंजिनिअरिंग संचालक : Google Takeout हे तुम्हाला Google Drive वर स्टोअर केलेले फोटो, संपर्क, ईमेल, कॅलेंडर एंट्री किंवा संगीत फाइल तुमच्या कॉम्प्युटरवर डाउनलोड करण्याची किंवा त्या दुसऱ्या नेटवर्क पुरवठादारला ट्रान्सफर करण्याची सोय देते.

ग्रेग फेअर, Google Takeout चे उत्पादन व्यवस्थापक : आमची दोन मुले आहेत आणि बहुतांश आई-वडिलांप्रमाणे आमच्याकडेही त्यांचे खूप फोटो आहेत – अगदी नेमके सांगायचे तर ६०० गिगाबाइट फोटो आहेत. आमचे हे सर्व फोटो असलेली हार्ड ड्राइव्ह क्रॅश झाली तेव्हा, मी त्यावरील सर्व फोटो Google Photos वरदेखील सेव्ह केले असल्यामुळे मला खूप हायसे वाटले होते. त्यानंतर मी नवीन हार्ड ड्राइव्हमध्ये फोटो सहज डाउनलोड करण्यासाठी Google Takeout वापरू शकलो.

लोक Takeout कशासाठी वापरतात?

फेअर : मुख्यतः Google Drive वर त्यांनी स्टोअर केलेल्या सर्व डेटाचा बॅकअप घेण्यासाठी ते Takeout वापरतात.

मिकलिट्झ : हे काहीसे विचित्र वाटते, कारण हा डेटा आमच्या घरातील स्टोरेज डिव्हाइसच्या तुलनेत Google Drive वर प्रत्यक्षात जास्त सुरक्षित आहे.

फेअर : घरी मांजर हार्ड ड्राइव्हवर लघवी करू शकते किंवा मुले ती तोडू शकतात किंवा विस्तवामुळे ती खराब होऊ शकते. Google मध्ये, प्रत्येक फाइल वेगवेगळ्या सर्व्हरवर अनेक वेळा स्टोअर केली जाते. ती याहून अधिक सुरक्षित असू शकत नाही.

श्री. फेअर, तसे असूनही तुम्ही तुमच्या डेटाचा हार्ड ड्राइव्हवर बॅकअप घेताच!

फेअर : याचे कारण म्हणजे माझी पत्नी इमेज संपादनाशी संबंधित प्रोग्राम वापरते, त्यासाठी क्लाउडवर इमेज असणे हे व्यावहारिक नाही.

Google साठी पोर्टेबिलिटी हा विषय कधीपासून महत्त्वाचा बनला आहे?

फेअर : मागील एका दशकापासून. आम्ही वैयक्तिक डेटा पोर्टेबिलिटी सेवा तयार करून सुरुवात केली. त्यानंतर २०११ मध्ये, Google ने त्यासाठी केंद्रीकृत साधन लॉंच केले : Takeout. तेव्हापासून आम्ही अधिकाधिक Google सेवा यात इंटिग्रेट केल्या आहेत आणि आज Takeout हे ४० पेक्षा अधिक सेवांना सपोर्ट करते.

अनेक वापरकर्ते त्यांचा डेटा त्यांच्या कॉम्प्युटरवर डाउनलोड करतात, पण ते क्वचितच तो इतर सेवांवर ट्रान्सफर करतात. असा असमतोल का आहे?

फेअर: आज वापरकर्ते Google वरून Dropbox, Box किंवा Microsoft Office 365 वर डेटा ट्रान्सफर करू शकतात आणि त्याउलटही करू शकतात. आमचे अनेक स्पर्धक अद्याप ही सुविधा देत नाहीत. ते बदलण्याचा प्रयत्न करण्यासाठी आम्ही २०१७ मध्ये डेटा ट्रान्सफर प्रोजेक्‍ट लाँच केला आणि या प्रोजेक्टची जुलै २०१८ मध्ये अधिकृत घोषणा केली . हा एक ओपन-सोर्स प्रोजेक्ट आहे जो कंपन्यांना पोर्टेबिलिटी फंक्शनसाठी विनामूल्य कोड देतो आणि एका सेवेमधून दुसऱ्या सेवेमध्ये सुरळीतपणे डेटा ट्रान्सफर करण्याची सोय करतो.

मिकलिट्झ : समजा एक स्टार्ट-अप कंपनी उत्तम नवीन सेवा डेव्हलप करते. एका छोट्या कंपनीसाठी स्वतःचे पोर्टेबिलिटी टूल तयार करणे खूप महागडे ठरू शकेल. त्याऐवजी ती कंपनी डेटा ट्रान्सफर प्रोजेक्‍ट मध्ये जाऊन संबंधित कोड स्वतःच्या सॉफ्टवेअरमध्ये ट्रान्सफर करू शकते.

पण मी दुसरा नेटवर्क पुरवठादार बदलण्यात तुमचे काय स्वारस्य काय?

फेअर: तुम्ही तुमचा डेटा इतरत्र वापरू शकत नाही असे तुम्हाला वाटते म्हणून नव्हे, तर Google सेवा सर्वोत्तम आहेत आणि म्हणूनच तुम्ही त्या वापराव्यात असे आम्हाला वाटते.

फोटोग्राफ: कॉनी मिरबाख