നിങ്ങൾ നിർമ്മിക്കുന്നതിനോട് ആളുകൾ പ്രതികരിക്കുന്നത് എങ്ങനെയാണെന്ന് മനസ്സിലാക്കൽ.

സ്‌റ്റെഫാൻ മിക്‌ലിറ്റ്സ്, ഡാറ്റാ സ്വകാര്യതയും സുരക്ഷയും ഉറപ്പാക്കാനുള്ള ചുമതല വഹിക്കുന്ന ഒരാളെന്ന നിലയിൽ ഇതിൽ നിന്ന് താങ്കൾ എത്തിച്ചേരുന്ന നിഗമനങ്ങൾ എന്തൊക്കെയാണ്?

മിക്‌ലിറ്റ്സ്: ഉപയോക്താക്കൾക്ക് അവരുടെ ഡാറ്റയിൽ നിയന്ത്രണം നൽകുന്ന സേവനങ്ങൾ തുടർന്നും വികസിപ്പിക്കുക എന്നതാണ് നമ്മൾ ലക്ഷ്യമാക്കേണ്ടത്. പ്രശ്നം സംഭവിക്കുന്നത് വരെ ആളുകൾ ഗൗരവമായി കണക്കിലെടുക്കാത്ത വിഷയങ്ങളാണ് ഡാറ്റാ സ്വകാര്യതയും സുരക്ഷയും – ഉദാഹരണത്തിന്, അവരുടെ അക്കൗണ്ട് ഹാക്ക് ചെയ്യുകയോ മോശമായ എന്തെങ്കിലും സംഭവിച്ചെന്ന വാർത്ത വായിക്കുകയോ ചെയ്യുന്നത് വരെ. അത്തരം സന്ദർഭങ്ങളിൽ, ആവശ്യമാണെങ്കിൽ ആളുകൾക്ക് അവരുടെ ഓൺലൈൻ ആക്റ്റിവിറ്റി പരിശോധിക്കേണ്ടതും പാസ്‌വേഡുകൾ മാറ്റേണ്ടതും എങ്ങനെയാണെന്ന് അറിയാമെന്നതാണ് പ്രധാനപ്പെട്ട കാര്യം.

ഡെ ബൂയ്: “എന്റെ Google അക്കൗണ്ട് സ്വകാര്യതാ ക്രമീകരണം ഇപ്പോൾ തന്നെ പരിശോധിക്കുന്നത് നന്നായിരിക്കും” എന്ന് രാവിലെ എഴുന്നേറ്റയുടൻ ആരും ചിന്തിക്കില്ല എന്നതാണ് യാഥാർത്ഥ്യം. അങ്ങനെയല്ല കാര്യങ്ങളുടെ കിടപ്പ്. ഡാറ്റാ സ്വകാര്യതയും സുരക്ഷയും നമ്മളിൽ ഏറെപ്പേരും അവസാനം പരിഗണിക്കാൻ മാറ്റിവയ്ക്കുന്ന കാര്യങ്ങളിൽപ്പെടുന്നു. അതുകൊണ്ടാണ് സമീപ വർഷങ്ങളിൽ ഞങ്ങൾ ആളുകളെ അവരുടെ ക്രമീകരണം പതിവായി പരിശോധിക്കാൻ പ്രേരിപ്പിച്ച് തുടങ്ങിയത്.

ഇതിന്റെ ഫലമായി ഉപയോക്തൃ ഇന്റർഫേസിൽ മാറ്റം വരുത്തിയിട്ടുണ്ടോ?

മിക്‌ലിറ്റ്സ്: നിരവധി തവണ! ആളുകൾക്ക് അവസാനം ഉൽപ്പന്നം എളുപ്പത്തിൽ ആക്‌സസ് ചെയ്യാവുന്നതും മനസ്സിലാക്കാനാകുന്നതും ആയിത്തീരുന്നത് വരെ ഞങ്ങൾ മാറ്റം വരുത്തിക്കൊണ്ടിരുന്നു.

അപ്പോൾ UX ഗവേഷണം ശരിക്കും സേവനങ്ങൾ മെച്ചപ്പെടുത്താൻ താങ്കളെ സഹായിച്ചിട്ടുണ്ട്, അല്ലെ?

മിക്‌ലിറ്റ്സ്: വികസിപ്പിക്കുന്ന പ്രക്രിയയിൽ ഇത് വളരെ പ്രധാനപ്പെട്ട പങ്ക് വഹിക്കുന്നു. അത്തരത്തിലാണ് കാര്യങ്ങൾ, ഉദാഹരണത്തിന്, ഇപ്പോൾ Google അക്കൗണ്ടിന്റെ ഭാഗമായ നിഷ്‌ക്രിയ അക്കൗണ്ട് മാനേജറിൽ പ്രവർത്തിച്ചുകൊണ്ടിരുന്നപ്പോൾ. ഉപയോക്താവ് ഒരു നിർദ്ദിഷ്ട കാലയളവിൽ നിഷ്‌ക്രിയരായിരുന്നാൽ അവരുടെ ഡാറ്റ എങ്ങനെ കൈകാര്യം ചെയ്യണം എന്ന് തീരുമാനിക്കാൻ ഇത് ഉപയോക്താക്കളെ അനുവദിക്കുന്നു. ഈ ഉൽപ്പന്നം പൂർണ്ണമായും പുതിയതായിരുന്നു; നമ്മുടെ എതിരാളികളിലാരും ഇതുപോലുള്ള എന്തെങ്കിലുമൊന്ന് മുമ്പ് അവതരിപ്പിച്ചിരുന്നില്ല. അതിനാൽ ഞങ്ങൾ ഒരു പ്രോട്ടോടൈപ്പ് വികസിപ്പിക്കുകയും അത് പരീക്ഷിക്കുകയും ചെയ്തു, തുടർന്ന് രണ്ടാമത്തെ പ്രോട്ടോടൈപ്പ് നിർമ്മിച്ചു. നമ്മുടെ ഉപയോക്താക്കൾ മികച്ച രീതിയിൽ സ്വീകരിച്ച ഉൽപ്പന്നം വികസിപ്പിച്ചെടുക്കുന്നത് വരെ ഞങ്ങൾക്ക് ആ പ്രക്രിയ നിരവധി പ്രാവശ്യം തുടരേണ്ടതായി വന്നു.

താങ്കളുടെ ഗവേഷണം പ്രധാനപ്പെട്ട മാറ്റങ്ങൾക്ക് കാരണമാകുമ്പോൾ അത് വളരെയേറെ സംതൃപ്തി നൽകുന്നുണ്ടാകണം.

ഡെ ബൂയ്: ഈ ജോലിയെ സംബന്ധിച്ച് ഏറ്റവും മഹത്തായ കാര്യം അതാണ്. ഉപയോക്താക്കളുടെ ആവശ്യങ്ങൾ തിരിച്ചറിയുന്നുവെന്ന് ഞങ്ങൾ ഉറപ്പാക്കുകയാണ്.