ಜೀವನದ ನೆನಪುಗಳಿಗೆ ಸುರಕ್ಷಿತ ಮನೆ.

Google Photos, ಸ್ವಯಂಚಾಲಿತವಾಗಿ ವ್ಯವಸ್ಥಿತಗೊಳಿಸಿರುವ ಮತ್ತು ಸುಲಭವಾಗಿ ಹಂಚಿಕೊಳ್ಳುವ ಎಲ್ಲಾ ಫೋಟೋಗಳ ಮತ್ತು ವೀಡಿಯೊಗಳ ಆಗರವಾಗಿದೆ. ನಾವು ಸುಧಾರಿತ ಸುರಕ್ಷತೆಯ ಮೂಲಸೌಕರ್ಯ ಮತ್ತು ಬಳಸಲು ಸುಲಭವಾದ ಗೌಪ್ಯತೆಯ ನಿಯಂತ್ರಣಗಳ ಮೇಲೆ ಗಮನಹರಿಸುತ್ತೇವೆ. ಹೀಗೆ ನಿಮ್ಮ ನೆನಪಿನ ಕ್ಷಣಗಳನ್ನು ನೀವು ಸುರಕ್ಷಿತವಾಗಿ ಶೇಖರಿಸಬಹುದು ಮತ್ತು ಹಂಚಿಕೊಳ್ಳಬಹುದು.

ನಿಮ್ಮ ನೆನಪುಗಳನ್ನು ಸುರಕ್ಷಿತವಾಗಿರಿಸುವುದು

ಗ್ರಾಹಕೀಕರಿಸಿದ ಡೇಟಾ ಕೇಂದ್ರಗಳಿಂದ ಹಿಡಿದು ಖಂಡಾಂತರ ಫೈಬರ್-ಆಪ್ಟಿಕ್ ಕೇಬಲ್‌ಗಳವರೆಗೆ ನಿಮ್ಮ ನೆನಪುಗಳನ್ನು ಸುರಕ್ಷಿತವಾಗಿಡುವುದಕ್ಕೆ ಸಹಾಯ ಮಾಡಲು ನಿರಂತರವಾಗಿ ಮೇಲ್ವಿಚಾರಣೆ ಮಾಡುವ ಸುಧಾರಿತ ಸುರಕ್ಷತೆಯ ಮೂಲಸೌಕರ್ಯಗಳಲ್ಲಿ ಒಂದನ್ನು ನಾವು ನಿರ್ವಹಿಸುತ್ತೇವೆ.

ಸುರಕ್ಷಿತ ಸಂಗ್ರಹಣೆ

Google ಸೇವೆಗಳನ್ನು ವಿಶ್ವದ ಸುಧಾರಿತ ಭದ್ರತಾ ಮೂಲಸೌಕರ್ಯವನ್ನು ಬಳಸಿಕೊಂಡು ನಿರಂತರವಾಗಿ ರಕ್ಷಿಸಲಾಗಿದೆ. ಈ ಅಂತರ್ನಿರ್ಮಿತ ಭದ್ರತೆಯು, ಆನ್‌ಲೈನ್ ಬೆದರಿಕೆಗಳನ್ನು ಪತ್ತೆಹಚ್ಚುತ್ತದೆ ಮತ್ತು ಅವುಗಳನ್ನು ತಡೆಯಲು ಸಹಾಯ ಮಾಡುತ್ತದೆ, ಇದರಿಂದ ನಿಮ್ಮ ವೈಯಕ್ತಿಕ ಮಾಹಿತಿಯು ಸುರಕ್ಷಿತವಾಗಿರುತ್ತದೆ ಎಂದು ನೀವು ವಿಶ್ವಾಸವಿಡಬಹುದು.

ಎನ್‌ಕ್ರಿಪ್ಶನ್

ಡೇಟಾ ರವಾನೆ ಮಾಡುವಾಗ ಎನ್‌ಕ್ರಿಪ್ಶನ್ ಅದನ್ನು ಖಾಸಗಿಯಾಗಿ ಮತ್ತು ಸುರಕ್ಷಿತವಾಗಿ ಇರಿಸುತ್ತದೆ. ನಿಮ್ಮ ಫೋಟೋಗಳನ್ನು ನೀವು ಸಂಗ್ರಹಿಸಿದಾಗ, ನೀವು ರಚಿಸುವ ಡೇಟಾವು ನಿಮ್ಮ ಸಾಧನ, Google ಸೇವೆಗಳು ಮತ್ತು ನಮ್ಮ ಡೇಟಾ ಕೇಂದ್ರಗಳ ನಡುವೆ ಚಲಿಸುತ್ತದೆ. HTTPS ನಂತಹ ಪ್ರಮುಖ ಎನ್‌ಕ್ರಿಪ್ಶನ್ ತಂತ್ರಜ್ಞಾನ ಮತ್ತು ಎನ್‌ಕ್ರಿಪ್ಶನ್ ಅಟ್ ರೆಸ್ಟ್ ಸೇರಿದಂತೆ, ನಾವು ಈ ಡೇಟಾವನ್ನು ಬಹು ಲೇಯರ್‌ಗಳ ಭದ್ರತೆಯ ಮೂಲಕ ರಕ್ಷಿಸುತ್ತೇವೆ.

ಡೇಟಾವನ್ನು ಜವಾಬ್ದಾರಿಯುತವಾಗಿ ಪರಿಗಣಿಸುವುದು

ಜನರು ವಿಭಿನ್ನ ಆ್ಯಪ್‌ಗಳು ಮತ್ತು ಸಾಧನಗಳಲ್ಲಿ ತಮ್ಮ ಫೋಟೋಗಳೊಂದಿಗೆ ಸಂವಹನ ನಡೆಸುತ್ತಾರೆ. ನೀವು ಸೆರೆಹಿಡಿಯುವ ಫೋಟೋಗಳ ಹೆಚ್ಚಿನ ಪ್ರಯೋಜನವನ್ನು ಪಡೆದುಕೊಳ್ಳಲು ಸುಲಭವಾಗುವಂತೆ ನಾವು ಕೆಲಸ ಮಾಡುತ್ತಿರುವಾಗ, ಈ ಅನುಕೂಲಕರ ಕ್ಷಣಗಳನ್ನು Google Photos ಆ್ಯಪ್ ಮತ್ತು ವೆಬ್ ಅನುಭವವನ್ನು ಮೀರುವಂತೆ ಜವಾಬ್ದಾರಿಯುತವಾಗಿ ವಿಸ್ತಾರಗೊಳಿಸಬೇಕು.

ಮುಖ ಗುಂಪು ಮಾಡುವಿಕೆ

ಮುಖ ಗುಂಪು ಮಾಡುವಿಕೆಯು ಸ್ವಯಂಚಾಲಿತವಾಗಿ ಒಂದೇ ರೀತಿಯ ಮುಖಗಳನ್ನು ಗುಂಪು ಮಾಡುತ್ತದೆ ಮತ್ತು ನಿಮ್ಮ ಫೋಟೋಗಳನ್ನು ಹುಡುಕಲು ಮತ್ತು ನಿರ್ವಹಿಸಲು ಸುಲಭವಾಗುವಂತೆ ಅವುಗಳನ್ನು ನಿಮಗಾಗಿ ವಿಂಗಡಿಸುತ್ತದೆ. ಮುಖದ ಗುಂಪುಗಳು ಮತ್ತು ಲೇಬಲ್‌ಗಳು ನಿಮಗೆ ಮಾತ್ರ ಗೋಚರಿಸುತ್ತವೆ. ಮುಖ ಗುಂಪು ಮಾಡುವಿಕೆ ಆನ್ ಅಥವಾ ಆಫ್ ಆಗಿದೆಯೆ ಎನ್ನುವುದನ್ನು ನೀವು ನಿಯಂತ್ರಿಸುತ್ತೀರಿ ಮತ್ತು ನೀವು ಅದನ್ನು ಆಫ್ ಮಾಡಿದರೆ, ಮುಖದ ಗುಂಪುಗಳನ್ನು ನಿಮ್ಮ ಖಾತೆಯಿಂದ ಅಳಿಸಲಾಗುತ್ತದೆ. ನಾವು ಸಾಮಾನ್ಯ ಉದ್ದೇಶದ ಮುಖ ಗುರುತಿಸುವಿಕೆಯ ತಂತ್ರಜ್ಞಾನವನ್ನು ನಾವು ವಾಣಿಜ್ಯಿಕವಾಗಿ ಒದಗಿಸುವುದಿಲ್ಲ. ಇನ್ನಷ್ಟು ತಿಳಿಯಿರಿ.

ಪಾಲುದಾರರ ಪ್ರೋಗ್ರಾಂ

Google Photos API ಅನ್ನು ಬಳಸುವ ಪಾಲುದಾರರು ಮತ್ತು ಡೆವಲಪರ್‌ಗಳು, ನಿಮ್ಮ Google Photos ಅನುಭವವನ್ನು ವರ್ಧಿಸುವ ಅರ್ಥಪೂರ್ಣವಾದ ಸಂಯೋಜನೆಗಳನ್ನು ನಿರ್ಮಿಸುತ್ತಿದ್ದಾರೆ ಎಂದು ಖಚಿತಪಡಿಸಿಕೊಳ್ಳಲು ನಾವು ಅವರೊಂದಿಗೆ ನಿಕಟವಾಗಿ ಕೆಲಸ ಮಾಡುತ್ತೇವೆ. ನಮ್ಮ ಜೊತೆಗೆ ಕೆಲಸ ಮಾಡುವ ಪಾಲುದಾರರು ನಮ್ಮ ನೀತಿಗಳನ್ನು ಅನುಸರಿಸುವ ಅಗತ್ಯವಿದೆ ಮತ್ತು ನಿಮ್ಮ ಅನುಮತಿಯಿಲ್ಲದೆ ಯಾವುದೇ ಡೇಟಾವನ್ನು ಪ್ರವೇಶಿಸಲು ಸಾಧ್ಯವಿಲ್ಲ.

ಯಾವುದೇ ಜಾಹೀರಾತುಗಳಿಲ್ಲ

Google Photos ನಿಮ್ಮ ಫೋಟೋಗಳು, ವೀಡಿಯೊಗಳು ಅಥವಾ ವೈಯಕ್ತಿಕ ಮಾಹಿತಿಯನ್ನು ಯಾರಿಗೂ ಮಾರಾಟ ಮಾಡುವುದಿಲ್ಲ ಮತ್ತು ನಾವು ಜಾಹೀರಾತುಗಾಗಿ ನಿಮ್ಮ ಫೋಟೋಗಳು ಮತ್ತು ವೀಡಿಯೊಗಳನ್ನು ಬಳಸುವುದಿಲ್ಲ.

ನಿಮಗೆ ನಿಯಂತ್ರಣ ನೀಡಲಾಗುತ್ತಿದೆ

ಡೇಟಾವು Google Photos ಅನ್ನು ಹೆಚ್ಚು ಉಪಯುಕ್ತ ಮತ್ತು ಸೂಕ್ತವಾಗಿಸುತ್ತದೆ, ಆದರೆ ನಿಮ್ಮ ಅನುಭವದ ಮೇಲೆ ನೀವು ನಿಯಂತ್ರಣ ಸಾಧಿಸಲು ನಾವು ಸಹಾಯ ಮಾಡಲು ಬಯಸುತ್ತೇವೆ. ನಮ್ಮ ಪ್ರಾಡಕ್ಟ್‌ಗಳಲ್ಲಿ ಬಳಸಲು ಸುಲಭವಾದ ಪರಿಕರಗಳನ್ನು ನಾವು ನಿರ್ಮಿಸಿದ್ದೇವೆ, ಅದು ನಿಮಗೆ ನಿಯಂತ್ರಣ ನೀಡುತ್ತದೆ ಮತ್ತು ನಿಮಗೆ ಸೂಕ್ತವಾದ ಸೆಟ್ಟಿಂಗ್‌ಗಳನ್ನು ಆಯ್ಕೆಮಾಡಲು ಅವಕಾಶ ಮಾಡಿಕೊಡುತ್ತದೆ.

ಆಯ್ದ ಬ್ಯಾಕಪ್

ನಿಮ್ಮ ಫೋಟೋಗಳು ಮತ್ತು ವೀಡಿಯೊಗಳನ್ನು Google Photos ನಲ್ಲಿ ಬ್ಯಾಕಪ್ ಮಾಡಲು ನೀವು ಆಯ್ಕೆಮಾಡಬಹುದು ಅಥವಾ ನಿಮ್ಮ Google ಖಾತೆಯಲ್ಲಿ ಸಂಗ್ರಹಿಸಲು ಬಯಸುವ ಫೋಟೋಗಳನ್ನು ಮಾತ್ರ ನೀವು ಆಯ್ಕೆಮಾಡಬಹುದು.

ನೆನಪುಗಳು

ನಿಮಗೆ ಖಾಸಗಿಯಾಗಿ ಪ್ರಸ್ತುತಪಡಿಸಿದ ನಿಮ್ಮ ಅತ್ಯುತ್ತಮ ಕ್ಷಣಗಳನ್ನು ಮೆಲುಕುಹಾಕಿ. ಕೆಲವು ಜನರ ಅಥವಾ ನಿರ್ದಿಷ್ಟ ಸಮಯದ ಅವಧಿಗಳವರೆಗಿನ ನೆನಪುಗಳನ್ನು ನೋಡದಂತೆ ನೀವು ಆಯ್ಕೆಮಾಡಬಹುದು ಮತ್ತು ನಿಮಗೆ ಈ ಫೀಚರ್ ಅನ್ನು ಸಂಪೂರ್ಣವಾಗಿ ಆಫ್ ಮಾಡುವ ಸಾಮರ್ಥ್ಯವಿದೆ.

ನಕ್ಷೆ ವೀಕ್ಷಣೆ

ನೀವು ಮಾತ್ರ ನೋಡಬಹುದಾದ ಸಂವಾದಾತ್ಮಕ ನಕ್ಷೆಯಲ್ಲಿ ನಿಮ್ಮ ಫೋಟೋಗಳನ್ನು ಸ್ಥಳದ ಮಾಹಿತಿಯ ಜೊತೆಗೆ ವೀಕ್ಷಿಸಿ. ನಿಮ್ಮ Google ಖಾತೆಯಲ್ಲಿ ಉಳಿಸಲಾದ ಸ್ಥಳ ಡೇಟಾವನ್ನು ಬಳಸಿಕೊಂಡು ಈ ನಕ್ಷೆ ವೀಕ್ಷಣೆಯನ್ನು ರಚಿಸಲಾಗಿದೆ. photos.google.com ನಲ್ಲಿ ನಕ್ಷೆಯನ್ನು ರಚಿಸಲು ಬಳಸುವ ಸ್ಥಳ ಮಾಹಿತಿಯನ್ನು ನೀವು ಎಡಿಟ್ ಮಾಡಬಹುದು ಮತ್ತು ತೆಗೆದುಹಾಕಬಹುದು. ಈ ನಕ್ಷೆಯ ವೀಕ್ಷಣೆಯಲ್ಲಿ ಸಂಯೋಜಿಸಿದ ನಿಮ್ಮ ಭವಿಷ್ಯದ ಫೋಟೋಗಳನ್ನು ನೋಡಲು ನೀವು ಬಯಸದಿದ್ದರೆ, ನಿಮ್ಮ ಕ್ಯಾಮರಾ ಆ್ಯಪ್‌ನಲ್ಲಿನ ಸ್ಥಳ ಇತಿಹಾಸ ಮತ್ತು ಸ್ಥಳ ಡೇಟಾವನ್ನು ನೀವು ಆಫ್ ಮಾಡಬಹುದು.

Google Assistant

ಫೋಟೋಗಳನ್ನು ಹುಡುಕಲು, ವೀಕ್ಷಿಸಲು ಅಥವಾ ಹಂಚಿಕೊಳ್ಳಲು ನಿಮಗೆ ಸಹಾಯ ಮಾಡಲು Google Assistant ಅನ್ನು ಕೇಳಿ. ನಿಮ್ಮ Assistant ಸೆಟ್ಟಿಂಗ್‌ಗಳಲ್ಲಿ, Google Nest Hub ಅಥವಾ ಯಾವುದೇ Android ಫೋನ್‌ನಂತಹ ನಿಮ್ಮ Assistant ಸಾಧನಗಳಿಂದ ನೀವು ಏನನ್ನು ಪ್ರದರ್ಶಿಸಲು ಮತ್ತು ಹಂಚಿಕೊಳ್ಳಲು ಬಯಸುತ್ತೀರಿ ಎಂಬುದನ್ನು ನೀವು ಆಯ್ಕೆಮಾಡಬಹುದು. ನಿರ್ದಿಷ್ಟ ಸ್ಮಾರ್ಟ್ ಡಿಸ್‌ಪ್ಲೇಗಳು ಅಥವಾ ಕ್ಯಾಸ್ಟ್-ಕನೆಕ್ಟ್ ಮಾಡಿದ ಸಾಧನಗಳಲ್ಲಿ ಕಂಡುಬರುವ ಫೋಟೋಗಳನ್ನು ಕ್ಯುರೇಟ್ ಮಾಡಲು ಮತ್ತು ನಿಯಂತ್ರಿಸಲು, ನಿಮ್ಮ Home ಆ್ಯಪ್‌ನಲ್ಲಿ ನೀವು ಪ್ರತ್ಯೇಕ ಸಾಧನ ಸೆಟ್ಟಿಂಗ್‌ಗಳನ್ನು ಬಳಸಬಹುದು.

ಸುರಕ್ಷಿತ ಹಂಚಿಕೊಳ್ಳುವಿಕೆ

ಇದು ಒಂದೇ ಫೋಟೋ ಆಗಿರಲಿ ಅಥವಾ ಸಂಪೂರ್ಣ ಆಲ್ಬಂ ಆಗಿರಲಿ, ನಿಮ್ಮ ನೆನಪುಗಳನ್ನು ಯಾರ ಜೊತೆಗೆಲ್ಲಾ ಹಂಚಿಕೊಳ್ಳಬಹುದೆಂದು ನೀವು ನಿಯಂತ್ರಿಸುತ್ತೀರಿ. ಸುಲಭ ಮತ್ತು ಸುರಕ್ಷಿತ ನಿಯಂತ್ರಣಗಳು ನಿಮ್ಮ ಕಂಟೆಂಟ್ ಅನ್ನು ನಿರ್ದಿಷ್ಟ ಜನರೊಂದಿಗೆ ಹಂಚಿಕೊಳ್ಳಲು ನಿಮಗೆ ಅನುಮತಿಸುತ್ತವೆ ಅಥವಾ ಅದನ್ನು ಹೆಚ್ಚು ವಿಶಾಲವಾಗಿ ಹಂಚಿಕೊಳ್ಳಲು ನೀವು ಹಂಚಿಕೊಳ್ಳಬಹುದಾದ ಲಿಂಕ್ ಅನ್ನು ಬಳಸಬಹುದು.

ಆಲ್ಬಮ್ ಹಂಚಿಕೊಳ್ಳುವಿಕೆ

ನೀವು ಆಲ್ಬಮ್ ಅನ್ನು ಹಂಚಿಕೊಂಡಾಗ, ನಿರ್ದಿಷ್ಟ ವ್ಯಕ್ತಿ ಅಥವಾ ಜನರೊಂದಿಗೆ ಅವರ Google ಖಾತೆಯ ಮೂಲಕ ಹಂಚಿಕೊಳ್ಳುವುದು ಡೀಫಾಲ್ಟ್ ಆಯ್ಕೆಯಾಗಿರುತ್ತದೆ. ಆಲ್ಬಮ್‌ನಲ್ಲಿ ಯಾರನ್ನು ಸೇರಿಸಬೇಕು ಎಂಬುದರ ಕುರಿತು ಇದು ನಿಮಗೆ ಹೆಚ್ಚಿನ ನಿಯಂತ್ರಣವನ್ನು ನೀಡುತ್ತದೆ. ಲಿಂಕ್ ಮೂಲಕ ಹಂಚಿಕೊಳ್ಳುವ ಆಯ್ಕೆಯೂ ನಿಮಗಿದೆ, ಇದು Google Photos ಬಳಸದ ಅಥವಾ Google ಖಾತೆಯನ್ನು ಹೊಂದಿರದ ಜನರೊಂದಿಗೆ ಫೋಟೋಗಳನ್ನು ಹಂಚಿಕೊಳ್ಳುವುದನ್ನು ಸುಲಭಗೊಳಿಸುತ್ತದೆ. ನಿಮ್ಮ ಆಲ್ಬಮ್‌ಗಳ ಹಂಚಿಕೊಳ್ಳುವಿಕೆ ಸೆಟ್ಟಿಂಗ್‌ಗಳನ್ನು ನೀವು ಯಾವಾಗ ಬೇಕಾದರೂ ಅಪ್‌ಡೇಟ್ ಮಾಡಬಹುದು ಮತ್ತು ಪ್ರತಿ ಆಲ್ಬಮ್‌ಗೆ ಯಾರು ಪ್ರವೇಶವನ್ನು ಹೊಂದಿದ್ದಾರೆ ಎಂಬುದನ್ನು ನಿಯಂತ್ರಿಸಬಹುದು.

ನೇರ ಹಂಚಿಕೊಳ್ಳುವಿಕೆ

ನೀವು ಒನ್-ಆಫ್ ಫೋಟೋಗಳು ಮತ್ತು ವೀಡಿಯೊಗಳನ್ನು ಹಂಚಿಕೊಂಡಾಗ, ಅವುಗಳನ್ನು ಆ್ಯಪ್‌ನಲ್ಲಿ ನಡೆಯುತ್ತಿರುವ, ಖಾಸಗಿ ಸಂಭಾಷಣೆಯಲ್ಲಿ ಸೇರಿಸುವ ಆಯ್ಕೆಯನ್ನು ನೀವು ಹೊಂದಿದ್ದೀರಿ.

ಹಂಚಿಕೊಳ್ಳುವ ಚಟುವಟಿಕೆ

ನೀವು Google Photos ಮೂಲಕ ಹಂಚಿಕೊಂಡಿರುವ ಎಲ್ಲವೂ ಒಂದೇ ಸ್ಥಳದಲ್ಲಿರುವುದರಿಂದ ನಿಮ್ಮ ಸ್ನೇಹಿತರು ಮತ್ತು ಕುಟುಂಬದವರ ಜೊತೆಗೆ ನೀವು ಹಂಚಿಕೊಂಡ ಎಲ್ಲಾ ಕ್ಷಣಗಳನ್ನು ನೀವು ಕಾಣಬಹುದು.