Die veiliger manier om te soek
Vir die afgelope 20 jaar al vertrou miljarde mense vir Google Search met hul vrae. Ons werk elke dag daaraan om daardie vertroue te verdien deur betroubare inligting te verskaf en jou veiligheid met ingeboude veiligheidstegnologie te beskerm.
Ons beveilig jou data met die vernaamste tegnologie in die bedryf en deur elke soektog te enkripteer. Ons bou kontroles sodat jy die privaatheidsinstellings kan kies wat reg is vir jou. Ons verkoop ook nooit jou persoonlike inligting nie.
Datasekuriteit
Om jou data veilig te hou, het ons van die mees gevorderde sekuriteitsinfrastruktuur in die wêreld gebou. Hierdie infrastruktuur hou jou data privaat en beveilig terwyl dit onderweg is tussen jou toestel en ons datasentrums. As jy jou soekgeskiedenis in jou Google-rekening stoor, beweeg die data wat jy skep tussen jou toestel, Google-dienste, en ons datasentrums. Ons beskerm hierdie data met etlike lae sekuriteit, insluitende vooraanstaande enkripsietegnologie soos HTTPS en enkripsie in ’n rustende toestand.
Dataverantwoordelikheid
Ons het ’n verantwoordelikheid om jou data te respekteer en te beskerm. Daarom verkoop ons nooit jou persoonlike inligting nie - punt.
Kontroles wat maklik is om te gebruik
Search bied privaatheidskontroles sodat jy kan besluit wat jy in jou Google-rekening stoor. Jy kan ook vee outomaties uit aanskakel om jou data op ’n voortgaande basis uit te vee.
Privaatheidsbeskerming vir jou soekgeskiedenis
As jy ’n toestel deel, sal jy dalk wil seker maak dat ander wat dit gebruik nie by My aktiwiteit kan ingaan en die soekgeskiedenis wat jy daar gestoor het, kan bekyk nie. Jy kan nou kies om ekstra verifikasie te vereis vir My aktiwiteit. Met hierdie instelling sal jy bykomende inligting – soos jou wagwoord of twee-faktor-verifikasie – moet verskaf voor jou volledige geskiedenis besigtig kan word.
Google Search is die veiliger manier om te soek. Search blokkeer elke dag 40 miljard strooiposagtige-werwe van soekresultate sodat jy veilig kan soek, en bied vir jou ook proaktiewe beskerming deur al jou soektogte te enkripteer. Search gee ook vir jou nutsmiddels om meer te wete te kom oor jou resultate en beheer te neem van jou Search-ervaring.
Search blokkeer proaktief webstrooipos van resultate
Search blokkeer proaktief webstrooipos van resultate
Search help om jou teen kwaadwillige webtuistes te beskerm waar jou persoonlike inligting of jou identiteit gesteel kan word. Ons bespeur en blokkeer elke dag 40 miljard bladsye se strooipos van resultate – insluitende werwe wat wanware bevat of wat bedrieglik geskep is om jou persoonlike inligting te steel.
Veiligblaai
Veiligblaai
Google-veiligblaai beskerm meer as vier miljard toestelle en, wanneer dit in Chrome geaktiveer is, vertoon dit waarskuwings wat jou laat weet dat die werf waar jy probeer ingaan, moontlik onveilig kan wees. Hierdie waarskuwings help om jou en jou persoonlike inligting teen moontlike wanware en uitvisbedrog te beskerm.
Alle soektogte word met enkripsie beveilig
Alle soektogte op Google.com en in die Google-app word by verstek geënkripteer, wat jou inligting veilig hou van enigiemand wie hierdie data probeer onderskep.
Veiligsoek
Veiligsoek is ontwerp om eksplisiete inhoud soos pornografie en grafiese geweld op Google Search te bespeur. As jy nie eksplisiete inhoud in jou soekresultate wil sien nie, kan jy Filter kies om enige eksplisiete inhoud wat bespeur is te blokkeer, of Verdof om enige eksplisiete beelde te verdof.
Veiligsoek is ingestel om outomaties te Filter wanneer Google se stelses wys dat jy moontlik jonger as 18 jaar is.
Dit is maklik om te beheer hoe jy jou soekgeskiedenis op jou Google-rekening wil stoor – insluitende as jy dit glad nie wil stoor nie.
Vee jou soekgeskiedenis in My aktiwiteit uit
Google stoor aktiwiteit soos jou soekgeskiedenis op jou Google-rekening wanneer jy op Google soek terwyl web- en app-aktiwiteit aangeskakel is. Ons gebruik jou gestoorde aktiwiteite dwarsoor Google-dienste om vir jou meer verpersoonlikte ervarings, soos toepassing- en inhoudaanbevelings, te bied. Jy kan na My aktiwiteit gaan om sommige of al die soekgeskiedenis wat op jou Google-rekening gestoor is, uit te vee en om instellings te bestuur, soos watter aktiwiteite Google stoor en wanneer Google jou gestoorde aktiwiteite outomaties uitvee.
Hou in gedagte dat jou blaaier steeds moontlik jou soekgeskiedenis stoor, al is dit nie in jou Google-rekening gestoor nie, of al vee jy dit in My aktiwiteit uit. Gaan jou blaaier se instruksies na oor hoe om jou blaaiergeskiedenis uit te vee.
Gebruik outo-uitvee kontroles
Gebruik outo-uitvee kontroles
Jy kan kies dat Google outomaties en voortdurend jou soekgeskiedenis, sowel as ander web- en app-aktiwiteit, na 18 of 36 maande van jou rekening af uitvee. Vir nuwe rekeninge is die verstekopsie vir vee outomaties uit van web- en toepassingaktiwiteite 18 maande, maar jy kan altyd kies om jou instellings by te werk as jy wil.
Google Search