Verhoog bedryfstandaarde
om die internet
vir almal veiliger te maak.
Die sekuriteit en privaatheid van ons gebruikers vorm die kern van alles wat ons doen en van elke produk wat ons bou. Ons lei die bedryf met die skepping en deling van veiligheidtegnologie wat die bedryfstandaarde vir almal verhoog.
gebruikers is veiliger aanlyn.
Namate nuwe bedreigings ontstaan en gebruikers se behoeftes ontwikkel, innoveer ons deurlopend om elke gebruiker se private inligting outomaties op elke risikovlak in al ons produkte te beskerm.
Gevorderde Beskerming-program
vir dié wat dit die nodigste het
Die Gevorderde Beskerming-program is Google se sterkste rekeningsekuriteitaanbieding en die bedryf se eerste gratis program wat ontwerp is om die persoonlike en onderneming-Google-rekeninge te beveilig van diegene wat 'n groter gevaar van geteikende aanlyn aanvalle loop – soos beleidsbepalers, veldtogspanne, joernaliste, aktiviste en besigheidsleiers. Die program bied omvattende rekeningsekuriteit teen 'n wye reeks bedreigings en ontwikkel deurlopend om nuwe beskerming by te voeg.
DATAMINIMALISERING
Beperk die persoonlike inligting wat gebruik en gestoor word
Ons meen dat produkte jou inligting net moet hou solank dit vir jou bruikbaar en nuttig is – of dit nou is om jou gunstelingbestemmings op Maps te kan kry of om aanbevelings te kry van wat om op YouTube te kyk.
Die eerste keer wat jy Ligginggeskiedenis aanskakel – wat by verstek af is – sal jou Vee Outomaties Uit-opsie by verstek op 18 maande gestel word. Vee Outomaties Uit vir Web- en Programaktiwiteit is vir nuwe rekeninge by verstek ook 18 maande. Dit beteken dat jou aktiwiteitdata ná 18 maande outomaties en deurlopend uitgevee sal word, pleks van dat dit gehou word totdat jy kies om dit uit te vee. Jy kan hierdie instellings altyd afskakel of enige tyd jou Vee Outomaties Uit-instelling verander.
Gefedereerde leer
Bou nuttige produkte met minder data
Gefedereerde leer is 'n dataminimaliseringtegnologie wat deur Google bekendgestel is en wat masjienleer- (ML-) intelligensie na jou toestel bring. Hierdie nuwe benadering kombineer geanonimiseerde inligting van verskillende toestelle af om ML-modelle op te lei. Gefedereerde leer help om jou privaatheid te beskerm deur soveel moontlik persoonlike inligting op jou toestel te hou.
Anonimisering
Versterk privaatheidbeskerming deur anonimisering
Ons gebruik die voorste anonimiseringtegnieke om jou data te beskerm terwyl ons ons dienste beter vir jou laat werk. Ons samel byvoorbeeld data van miljoene gebruikers af in en anonimiseer dit sodat jy kan sien hoe besig 'n plek is voordat jy daar kom.
Verbeterde Veiligblaai
Verbeterde Veiligblaai gaan verder as ons bestaande Veiligblaai-beskermings om meer proaktief te wees en meer by jou individuele behoeftes aangepas te wees. Vir dié wat kies om Verbeterde Veiligblaai in Chrome te aktiveer, sal Google outomaties 'n omvattende siening van die bedreigings wat jy op die web teëkom en van aanvalle teen jou Google-rekening evalueer om meer proaktiewe en gepasmaakte beskerming teen uitvissing, wanware en ander webgegronde bedreigings te bied. Kom meer te wete oor Verbeterde Veiligblaai.
veiliger aanlyn deur samewerking.
Ons is daartoe verbind om die web 'n veiliger plek vir almal te maak. Om te help om dit te doen, maak ons baie van ons tegnologieë oopbron en maak ons ons hulpbronne toeganklik vir ontwikkelaars en organisasies.
HTTPS-enkripsie
Help om werwe op die web deur enkripsie te beveilig
Die ondersteuning van ons dienste met HTTPS-enkripsie verseker dat jy veilig aan werwe kan koppel en jou private inligting, soos kredietkaartnommers, kan invoer sonder dat iemand jou inligting onderskep. Ons sal aanhou belê om seker te maak dat ons werwe en dienste by verstek moderne HTTPS verskaf en ons sal die res van die web help om ook na HTTPS oor te skakel deur nutsgoed en hulpbronne aan alle ontwikkelaars te verskaf.
Veiligblaai
Beskerm jou teen gevaarlike werwe, programme en advertensies op die web
Ons het ons Veiligblaai-tegnologie gebou om webgebruikers teen wanware en uitvissingpogings te beskerm deur hulle te waarsku wanneer hulle gevaarlike webwerwe probeer besoek. Veiligblaai beskerm meer as net Chome-gebruikers – om die internet vir almal veiliger te maak, het ons hierdie tegnologie gratis aan ander maatskappye beskikbaar gestel om in hul blaaiers te gebruik, insluitend Apple se Safari en Mozilla se Firefox. Vandag word meer as 4 miljard toestelle deur Veiligblaai beskerm. Ons waarsku webwerfeienaars ook wanneer hul werwe sekuriteitgebreke het en bied gratis nutsgoed aan om hulle te help om probleme vinnig op te los.
Google se COVID-19-gemeenskapsmobiliteitverslae gebruik anonimiseringtegnologie van wêreldstandaard, insluitend differensiële privaatheid, om gebruikerdata privaat, veilig en beveilig te hou.
oopbronprivaatheidtegnologieë
Deel ons privaatheidbeskerming en -innovasies
Ons is daartoe verbind om deurlopend die privaatheidbeskerming te verbeter wat ons aanbied en om hierdie verbeteringe met ander te deel. Dis hoekom ons ons gevorderde anonimisering- en dataminimaliseringtegnologie, soos differensiële privaatheid, gefedereerde leer en Private Aansluiting en Verwerking, oopbron maak. Ons hoop dat hierdie oopbronnutsgoed sal help om insigte te lewer wat tot almal se voordeel sal wees terwyl dit steeds individuele privaatheid beskerm.
Kruisrekeningbeskerming brei die sekuriteitbeskerming wat ons in jou Google-rekening het uit na die programme en werwe waarby jy met Google-aanmelding aanmeld. Wanneer programme en werwe Kruisrekeningbeskerming geïmplementeer het, kan ons inligting oor sekuriteitsgevalle – byvoorbeeld 'n rekeningkaping – na hulle toe stuur sodat hulle jou ook kan beskerm. Om hierdie voorste tegnologie te ontwikkel, het ons met ander belangrike tegnologiemaatskappye en die standaardegemeenskap saamgewerk om dit vir alle programme maklik te maak om te implementeer.
By Google het ons kwesbaarheidbeloningprojekte aangevoer wat onafhanklike navorsers betaal om kwesbaarhede in ons dienste te kry. Om al die uitstekende eksterne bydraes te beloon wat ons help om ons gebruikers veilig te hou, ken ons navorsingsubsidies en fouttoelae van miljoene dollar toe. Ons bied tans kwesbaarheidbelonings vir baie van ons produkte aan, insluitend Chrome en Android.
Benewens die betrekking van onafhanklike navorsers het ons 'n interne span ingenieurs genaamd Project Zero, wat sekuriteitsprobleme in sagteware wat oral op die internet gebruik word, naspoor en daaraan aandag gee.
Ons was nog altyd op die voorpunt daarvan om die sterkste moontlike aanmelding- en stawingstandaarde op die web saam met ander te skep of te aanvaar. Ons werk met almal in die bedryf saam en deel tegnologie deur gesentraliseerde webstandaarde te ontwikkel. Een só 'n vennootskap, met die niewinsorganisasie FIDO Alliance, het daaraan gewerk om nuwe bedryfstandaarde te stel en te ontplooi om deur gebruikers, maatskappye en hul werknemers gebruik te word, waardeur veilige rekeningtoegang vir almal verseker word.
Ons deel ons sekuriteittegnologie wanneer ons meen dat dit vir ander waarde kan inhou. Ons stel byvoorbeeld ons Google Wolk-websekuriteitskandeerder gratis beskikbaar aan ontwikkelaars sodat hulle hul webprogramme vir sekuriteitkwesbaarhede kan skandeer en ontleed. Ons het verskeie sekuriteitnutsgoed wat intern ontwikkel is, bygedra as oopbronprojekte wat ander kan gebruik.
Google Vertroue en Veiligheid-kenners deel privaatheid- en sekuriteitwenke by Federal Triangle in Washington, DC.
Ons verskaf opvoedkundige materiaal, opleiding en nutsgoed om mense regoor die wêreld te help om te leer hoe om aanlyn veilig te bly. Ons uitreikspan bereik jaarliks meer as 100 miljoen mense – insluitend opvoeders, studente, ouers, bejaardes en mense met gestremdhede – met hulpbronne en opleiding oor aanlyn veiligheid.
Project Shield is 'n diens wat ons sekuriteittegnologie gebruik om te help om nuuswerwe, menseregteorganisasies, verkiesingwerwe, politieke organisasies en veldtogte en kandidate teen aanvalle met verspreide diensontsegging (DDoS) te beskerm. Hierdie aanvalle is pogings om webwerwe toe te maak en gebruikers te verhinder om toegang tot noodsaaklike inligting te kry deur hulle met vals verkeer te oorweldig. Project Shield is altyd gratis, ongeag die grootte van die webwerf of die grootte van die aanval.
Ons het 'n oopbrondatadraagbaarheidplatform ingestel en hou aan om met maatskappye soos Apple, Microsoft, Facebook en Twitter saam te werk om mense te help om hul data oor die web te skuif en maklik nuwe aanlyn diensverskaffers te probeer.
Ons is daartoe verbind om samewerkingspasies soos Privaatheidsandput te bou en met die webgemeenskap saam te werk om 'n stel oop standaarde te ontwikkel wat gebruikerprivaatheid beskerm terwyl dit steeds gratis, toeganklike inhoud op die web ondersteun. Deur ons hulpbronne en platforms te deel, hoop ons om vordering na 'n meer private web aan te moedig.
Kontaknasporing
help om COVID-19 te bekamp
Om regerings te help om die COVID-19-pandemie te bekamp, het Google en Apple saam kontaknasporingtegnologie soos die Blootstellingkennisgewingstelsel geskep met privaatheid en sekuriteit as die kern van die ontwerp. Ons hoop om deur noue samewerking met ontwikkelaars, regerings en publiekegesondheidverskaffers tegnologie te benut om aan te hou om wêreldwye kwessies op te los terwyl ons steeds hoë standaarde van gebruikerprivaatheid beskerm.
Vind uit hoe Google Veiligheidsontwerpsentrum ontwerp vir die toekoms van aanlyn veiligheid.